“ʻOku Tokoniʻi Kitautolu ʻe he ʻOtuá,” Tokoni Maʻá e Ngaahi Hoa Malí (2021)
“ʻOku Tokoniʻi Kitautolu ʻe he ʻOtuá,” Tokoni Maʻá e Ngaahi Hoa Malí
ʻOku Tokoniʻi Kitautolu ʻe he ʻOtuá
ʻOku kau ʻa hono ʻiloʻi ʻoku tokoniʻi kitautolu ʻe he ʻOtuá ʻi hotau ngaahi faingataʻaʻiá ʻi he taha ʻo e ngaahi tefitoʻi moʻoni ʻo e faifakamoʻui maʻá e ngaahi ʻofaʻanga ʻo kinautolu ʻoku kau ʻi he ngaahi tōʻonga fakatuʻutāmakí.
ʻOku tokoniʻi kitautolu ʻe he ʻOtuá: “ʻI heʻetau fakatafoki hotau lotó mo e ʻatamaí ki he ʻOtuá, ʻe lava ke tau ongoʻi ʻEne ʻi hotau lotolotongá mo ʻEne fakahinohinó.”1
ʻOku ʻomi maʻu pē ʻe he ʻEikí ha fakafiemālie, tataki, mo ha mālohi, naʻa mo e taimi ʻoku ʻikai ke tau fakatokangaʻi ai. ʻOku hoko e ngaahi fakamoʻoni mahino mo pelepelengesi ko ʻeni ʻo e ʻofa mo e tokoni ʻa e ʻOtuá ʻi ha ngaahi founga kehekehe; hangē ko ʻení, ʻe malava ke hoko mai ia ʻi he ngaahi nima fietokoni ʻo ha niʻihi kehe pe lolotonga e ngaahi lēsoní, leá, pe ngaahi himi ʻoku lea fakahangatonu mai kiate kitautolú. ʻI he taimi ʻe niʻihi, ʻe lava ke tokoniʻi kitautolu ʻe ha fakakaukau pe ngaahi ongo fakalaumālie ke tau maʻu ha mahino mo ha fakahinohino lahi ange pea ongoʻi ha ʻofa ʻoku lahi angé.