Fokotuʻu ha Ngaahi Fakangatangata

Naʻe fakaʻaongaʻi ʻe ha faʻē ha ngaahi taʻu lahi ʻo ʻene moʻuí ʻi he feinga ke tokoniʻi ha foha naʻá ne fuʻu moʻua ʻi he maʻunimaá mo e ngaahi fili hala kehé. Naʻá ne ongoʻi hangē ʻoku ʻikai ola leleí he naʻe ʻikai ke ne lava ʻo fakahaofi hono fohá mei heʻene ngaahi filí. Naʻe mavahe hono fohá mei he fāmilí ʻi ha ngaahi taʻu lahi. ʻI he kamataʻi [ʻe he fohá] ha fononga māmālie ke fokotuʻu ha vā fetuʻutakí, naʻe fokotuʻu [ʻe he faʻeé] ha ngaahi fakangatangata ʻo e meʻa te ne fakaʻatā mo ʻikai fakaʻatā ʻi hono ʻapí. Naʻe maluʻi ia ʻe he ngaahi fakangatangata ko ʻení mo fakapapauʻi he ʻikai ke ne fakaʻatā ʻene (foha) maʻunimaá. “ʻE tokoni e ngaahi fakangatangata ʻoku tau fokotuʻú ke feau ʻetau ngaahi fiemaʻu fakalaumālié, fakaelotó mo fakatuʻasinó pea iku ʻo tokoni ke tau ongoʻi malu mo nonga.”

ʻOku tupulaki ʻa e ngaahi fili halá ʻi he fakapulipulí, pea ʻoku tupu ia mei he kākaá. ʻOku hoko e liliu ʻa hotau ngaahi ʻofaʻangá ʻi he taimi ʻoku nau fakatokangaʻi ai e founga ʻoku fakaʻatā ai ʻe he fakapulipulí mo e kākaá ʻenau ngaahi fili halá. ʻI he taimi ʻoku loi pe kākaaʻi ai kitautolu ʻe he niʻihi ʻoku tau ʻofa aí mo fakapuliki ʻenau ʻulungaanga koví, ʻoku ʻikai leva ke tau falala kiate kinautolu. Ko e fetuʻutaki tauʻatāina mo faitotonú ʻa e kamataʻanga ʻo hono toe langaki hake ʻo e falalá.