ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ច ( សាសនា ២៥០ )
សំណួរ
-
តើខ្ញុំអាចរៀនអ្វីខ្លះពីព្រះអង្គសង្រ្គោះចំពោះការគោរពប្រតិបត្តិតាមព្រះឆន្ទៈរបស់ព្រះវរបិតាសួគ៌ ?
ចម្លើយរបស់អ្នក គួរតែរួមមាននូវចំណុចដូចតទៅនេះ ៖
-
ការបង្រៀន ឬ ឧទាហរណ៍ចេញពីការបម្រើដ៏អស់កល្បរបស់ព្រះអង្គសង្រ្គោះ ដែលបង្ហាញនូវការគោរពប្រតិបត្តិរបស់ទ្រង់ចំពោះព្រះវរបិតាសួគ៌ ។
-
របៀបដែលការគោរពប្រតិបត្តិរបស់ព្រះយេស៊ូវ ចំពោះព្រះវរបិតាសួគ៌ទាក់ទងនឹងភាពជាសិស្សរបស់អ្នក ។
-
មូលហេតុដែលគំរូការគោរពប្រតិបត្តិរបស់ព្រះអង្គសង្រ្គោះសំខាន់ចំពោះអ្នក ហើយតើទ្រង់អាចជួយអ្នកឲ្យបោះជំហានដែលអ្នកត្រូវការ ដើម្បីពង្រឹងភាពជាសិស្សរបស់អ្នក ។
-
របៀបដែលគំរូការគោរពប្រតិបត្តិរបស់ព្រះអង្គសង្រ្គោះជួយអ្នកឲ្យគោរពប្រតិបត្តិតាមព្រះឆន្ទៈរបស់ព្រះវរបិតាសួគ៌ ។
-
-
ហេតុអ្វីខ្ញុំត្រូវការព្រះអង្គសង្គ្រោះ?
ចម្លើយរបស់អ្នក គួរតែរួមមាននូវចំណុចដូចតទៅនេះ ៖
-
ឧបសគ្គដ៏ធំដែលយើងត្រូវតែយកឈ្នះគឺដោយសារតែស្ថានភាពធ្លាក់របស់យើង ។
-
របៀបដែលតួនាទីនីមួយៗរបស់ព្រះអង្គសង្រ្គោះនៅអំឡុងការបម្រើដ៏នៅអស់កល្បជានិច្ចរបស់ទ្រង់ ជួយកូនចៅរបស់ព្រះវរបិតាឲ្យយកឈ្នះលើឧបសគ្គទាំងនេះ ។
-
អ្វីដែលយើងត្រូវធ្វើដើម្បីទទួលយក និងអញ្ជើញឲ្យទទួលបានជំនួយរបស់ព្រះអង្គសង្រ្គោះ ។
-
យ៉ាងតិចណាស់មានវិធីមួយដែលអ្នកទទួលអារម្មណ៍ពីជំនួយដ៏ទេវភាពនៃព្រះអង្គសង្រ្គោះនៅ ក្នុងជីវិតរបស់អ្នក នៅក្នុងការយកឈ្នះនូវការសាកល្បង និង ឧបសគ្គទាំងឡាយ ។
-
-
តើខ្ញុំបានរៀនអ្វីខ្លះនៅក្នុងវគ្គសិក្សានេះអំពីព្រះយេស៊ូវគ្រីស្ទ និងដំណឹងល្អដ៏អស់កល្បជានិច្ចដែលបានប្រទានពរដល់ជីវិតខ្ញុំ ?
អ្នកអាចបង្កើត ឬភ្ជាប់គំនិតពីចម្លើយមុនៗរបស់អ្នក ឬសរសេរអំពីប្រធានបទថ្មីមួយ ។
-
សូមលើកឡើងពីគោលលទ្ធិដែលអ្នកបានរៀន ឲ្យបានមួយ ឬពីរប្រយោគ ។
-
សូមពន្យល់គោលលទ្ធិនេះ ដោយប្រើប្រាស់គំរូទាំងឡាយចេញពីបទគម្ពីរ ឬប្រសាសន៍របស់ព្យាការីទាំងឡាយ ។
-
សូមចែកចាយរបៀបដែលការបង្រៀន គំរូ ឬដង្វាយធួនរបស់ព្រះអង្គសង្រ្គោះដែលបានប្រទានពរដល់ជីវិតអ្នក ។
-
សូមសរសេរទីបន្ទាល់របស់អ្នកពីអ្វីដែលអ្នកបានរៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ច ។
-
ចំណុចសំខាន់ៗនៃគោលលទ្ធិ
ព័ត៌មានខាងក្រោមត្រូវបានចងក្រងដោយប្រើចំណុចសំខាន់ៗនៅក្នុងមេរៀន សម្រាប់វគ្គសិក្សានេះ ។ ចំនួនលេខនៅក្នុងសញ្ញាវង់ក្រចកបន្ទាប់ពីការដកស្រង់ ចង្អុលបង្ហាញនូវលេខមេរៀននៅក្នុង Jesus Christ and the Everlasting Gospel Teacher Manual ( ព្រះយេស៊ូវគ្រីស្ទ និងដំណឹងល្អដ៏អស់កល្បជានិច្ច សៀវភៅគ្រូ ) ( ឆ្នាំ ២០១៥ )ដែលអាចរកសេចក្តីថ្លែងការបាន ។ សូមប្រៀបធៀបចម្លើយរបស់អ្នកជាមួយនឹងព័ត៌មានខាងក្រោម ។ នៅក្នុងការរំឭកឡើងវិញ ប្រសិនបើអ្នកឃើញថាមានចំណុចសំខាន់ៗនៃគោលលទ្ធិណាមួយដែលអ្នកមិនបានដាក់ចូលក្នុងចម្លើយរបស់អ្នក នោះសូមពិចារណាធ្វើការកែតម្រូវចម្លើយរបស់អ្នកមុននឹងបញ្ជូនវា ។ អ្នកពុំចាំបាច់កត់ត្រាព័ត៌មាននេះឲ្យដូចគ្នាបេះបិទទៅក្នុងចម្លើយអ្នកឡើយ គ្រាន់តែឲ្យច្បាស់ថា អ្នកយល់គោលលទ្ធិទាំងនេះ ហើយបង្ហាញនូវការយល់ដឹងនោះទៅបានហើយ ។ ដោយសារសំណួរលេខ ៣ តម្រូវឲ្យឆ្លើយចម្លើយផ្ទាល់ខ្លួន ដូច្នោះគ្មានចំណុចសំខាន់ណានៅក្នុងសំណួរនោះឡើយ ។
-
តើខ្ញុំអាចរៀនអ្វីខ្លះពី ព្រះអង្គសង្រ្គោះអំពីការគោរពប្រតិបត្តិតាមព្រះទ័យរបស់ព្រះវរបិតា ?
ការបង្រៀន ឬ ឧទាហរណ៍ដកស្រង់ចេញពីការបម្រើរបស់ព្រះអង្គសង្រ្គោះ ដែលបង្ហាញការគោរពប្រតិបត្តិរបស់ទ្រង់ចំពោះព្រះវរបិតាសួគ៌ ៖
-
« ព្រះយេហូវ៉ា ជាទីជម្រើសចាប់តាំងពីដើមដំបូងមក ។ មូលហេតុមួយ ដែលព្រះយេហូវ៉ាត្រូវបានជ្រើសរើសគឺថា ទ្រង់បានព្យាយាមធ្វើតាមព្រះឆន្ទៈរបស់ព្រះវរបិតា ហើយប្រគល់សិរីល្អទាំងឡាយទៅព្រះបិតា» (២) ។
-
« ទោះបីជាគ្មានអំពើបាបក្ដី [ ព្រះយេស៊ូវគ្រីស្ទ ] ក៏នៅតែត្រូវជ្រមុជទឹកដើម្បីបំពេញសេចក្ដីសុចរិតគ្រប់យ៉ាងដែរ » ( ៨ « The Living Christ: The Testimony of the Apostles, The Church of Jesus Christ of Latter-day Saints » ឬ Liahona ខែ មេសា ឆ្នាំ ២០០០ ទំព័រ ២ ) ។
-
« ផែនការនៃសេចក្ដីសង្គ្រោះ តម្រូវឲ្យព្រះយេស៊ូវគោរពតាមដោយឥតខ្ចោះ ដើម្បីធ្វើដង្វាយធួននេះ » ( ៩ ) ។
-
« ខ្ញុំមិនធ្វើការអ្វីដោយអាងខ្លួនខ្ញុំ គឺខ្ញុំនិយាយសេចក្តីទាំងនេះ តាមដែលព្រះវរបិតាបានបង្រៀនខ្ញុំវិញ … ពីព្រោះខ្ញុំចេះតែធ្វើការ ដែលគាប់ដល់ព្រះហឫទ័យទ្រង់ជាដរាប » (យ៉ូហាន ៨:២៨-២៩ ) ។
របៀបដែលការគោរពប្រតិបត្តិរបស់ព្រះយេស៊ូវ ចំពោះព្រះវរបិតាទាក់ទងនឹងភាពជាសិស្សរបស់អ្នក ៖
-
« ដូចជាព្រះអង្គសង្គ្រោះដែរ យើងនឹងបំពេញអស់ទាំងសេចក្ដីសុចរិត នៅពេលយើងចុះចូលចំពោះពិធីបរិសុទ្ធ និងសេចក្ដីសញ្ញានានានៃដំណឹងល្អដ៏អស់កល្បជានិច្ច » (៨) ។
-
« ការក្លាយជាកូនសិស្សម្នាក់របស់ព្រះយេស៊ូវគ្រីស្ទ តម្រូវឲ្យមានការគោរពប្រតិបត្តិ និងការពលិកម្ម ។… ភាពជាសិស្សតម្រូវឲ្យមានការគាំទ្ររបស់យើងដោយស្ម័គ្រចិត្ត ដើម្បីជាប្រយោជន៍ដល់មនុស្សទាំងអស់ ហើយធ្វើតាមព្រះយេស៊ូវគ្រីស្ទ » (១០) ។
-
« យើងអាចទទួលបានកម្លាំងដើម្បីយកឈ្នះលើការល្បួង និងអាចគោរពតាម នៅពេលយើងធ្វើតាមគំរូរបស់ព្រះយេស៊ូវគ្រីស្ទ ក្នុងការស្វែងរកដើម្បីធ្វើតាមព្រះឆន្ទៈរបស់ព្រះវរបិតា ជាជាងតាមឆន្ទៈរបស់យើងផ្ទាល់ » (៩) ។
-
-
ហេតុអ្វីខ្ញុំត្រូវការព្រះអង្គសង្គ្រោះ?
ឧបសគ្គដ៏ធំដែលយើងត្រូវតែយកឈ្នះគឺដោយសារតែស្ថានភាពធ្លាក់របស់យើង ៖
-
« យើងទាំងអស់គ្នាបានពិសោធន៍ចំពោះសេចក្តីស្លាប់ខាងវិញ្ញាណដោយការបែកចេញពីវត្តមានរបស់ព្រះ ហើយយើងទាំងអស់គ្នាត្រូវបានដាក់ឲ្យនៅក្រោមអំណាចសេចក្តីស្លាប់ខាងសាច់ឈាមដែលជាសេចក្តីស្លាប់ខាងរូបកាយ ( សូមមើល អាលម៉ា ៤២:៦–៩; គ. និង ស. ២៩:៤១–៤២) » ( ពិតចំពោះសេចក្តីជំនឿ ៖ ឯកសារយោងនៃដំណឹងល្អ [ ឆ្នាំ ២០០៤ ] ទំព័រ ១៥) ។
-
« នៅក្នុងស្ថានភាពធ្លាក់របស់យើង យើងស្ថិតនៅ ក្រោមអំណាចនៃភាពផ្ទុយ និងការល្បួង ។ នៅពេលយើងចុះចាញ់ការល្បួងនោះយើងធ្វើឲ្យខ្លួនយើងឃ្លាតឆ្ងាយពីព្រះ ( សូមមើល រ៉ូម ៣:២៣) » (ពិតចំពោះសេចក្តីជំនឿ ៖ ឯកសារយោងនៃដំណឹងល្អ ១៥) ។
របៀបដែលតួនាទីនីមួយៗរបស់ព្រះអង្គសង្រ្គោះនៅអំឡុងការបម្រើដ៏នៅអស់កល្បជានិច្ចរបស់ទ្រង់ ជួយកូនចៅរបស់ព្រះវរបិតាឲ្យយកឈ្នះលើឧបសគ្គទាំងនេះ ៖
-
« ព្រះយេហូវ៉ា បានបង្កើតផែនដីដើម្បីផ្ដល់នូវកន្លែងមួយ ដែលកូនចៅរបស់ព្រះ អាចរស់នៅ និងរីកចម្រើនទៅរកជីវិតដ៏អស់កល្បជានិច្ច » (៤) ។
-
« ក្នុងនាមជាព្រះរាជបុត្រាបង្កើតតែមួយរបស់ព្រះនៅក្នុងសាច់ឈាម នោះព្រះយេស៊ូវគ្រីស្ទមានលទ្ធភាពដើម្បីធ្វើនូវពលិកម្មដ៏ធួន ដែលតម្រូវឲ្យទ្រង់ស៊ូទ្រាំច្រើនជាងមនុស្សធម្មតាអាចធ្វើបាន ហើយដូច្នេះ ទ្រង់បំពេញតាមតួនាទីរបស់ទ្រង់នៅក្នុងផែនការរបស់ព្រះវរបិតា » (៧) ។
-
« ពីព្រោះតែដង្វាយធួនរបស់ព្រះយេស៊ូវគ្រីស្ទ នោះយើងអាចទទួលបានការលួងលោម និងកម្លាំងតាមរយៈព្រះវិញ្ញាណបរិសុទ្ធឲ្យស៊ូទ្រាំ ‹ ការឈឺចាប់ និងទុក្ខវេទនា និងការល្បួងគ្រប់បែបយ៉ាង › (អាលម៉ា ៧:១១) » (១៦) ។
-
« ពីព្រោះដង្វាយធួននៃព្រះយេស៊ូវ គ្រីស្ទ និងការមានព្រះជន្មរស់ឡើងវិញ មនុស្សលោកទាំងអស់ដែលបានចាប់កំណើតជាសាច់និងឈាម នឹងត្រូវបានរស់ឡើងវិញ » ហើយត្រូវបាននាំត្រឡប់ទៅវត្តមាននៃព្រះវិញ ដើម្បីទទួលការជំនុំជម្រះ (១៩) ។
-
« អំឡុងពេលនៅក្នុងពិភពវិញ្ញាណ នោះព្រះយេស៊ូវបានរៀបចំកិច្ចការនៃសេចក្ដីសង្គ្រោះសម្រាប់អ្នកដែលបានស្លាប់ទៅហើយ » (១៨) ។
-
« ព្រះយេស៊ូវគ្រីស្ទ គឺជាអ្នកគាំទ្ររបស់យើងជាមួយនឹងព្រះវរបិតា » (២៤) ។
-
« ព្រះអង្គសង្គ្រោះនឹងជំនុំជម្រះយើង ស្របតាមពាក្យសម្ដី គំនិត និងទង្វើរបស់យើង ហើយនិងបំណងប្រាថ្នានៃដួងចិត្តរបស់យើង » (២៦) ។
អ្វីដែលយើងត្រូវធ្វើដើម្បីទទួលយក និងអញ្ជើញឲ្យទទួលបានជំនួយរបស់ព្រះអង្គសង្រ្គោះ ៖
-
« យើងអាចយកឈ្នះលើសាតាំងបានដោយការពឹងផ្អែកទៅលើព្រះយេស៊ូវគ្រីស្ទ ដែលបានធ្វើដង្វាយធួន ហើយដោយបានរងទុក្ខ និងស្មោះត្រង់ចំពោះទីបន្ទាល់របស់យើង » (៣) ។
-
« តាមរយៈការជ្រើសរើសដាក់ព្រះអង្គសង្គ្រោះ ជាចំណុចសំខាន់ក្នុងជីវិតរបស់យើង ខណៈដែលយើងនៅលើផែនដីនេះ នោះយើងនឹងទទួលបាននូវពរជ័យកាន់តែខ្លាំងជាងនេះនៅក្នុងភាពអស់កល្បជានិច្ច » (២) ។
-
« ប្រសិនបើយើងទទួលទានសាក្រាម៉ង់ប្រកបដោយការអធិស្ឋាន និងពេញដោយវិញ្ញាណនៃការប្រែចិត្ត នោះយើងអាចទទួលបានការផ្ដាច់បាបដូចជាពេលយើងបានជ្រមុជទឹកដូច្នោះដែរ » (១៥) ។
-
« នៅពេលយើងទទួលយកព្រះយេស៊ូវគ្រីស្ទ ហើយចុះ និងកាន់តាមសេចក្ដីសញ្ញា ដើម្បីគោរពតាមព្រះបញ្ញត្តិរបស់ព្រះ នោះយើងនឹងក្លាយជាបុត្រាបុត្រីបង្កើតរបស់ព្រះគ្រីស្ទ » (២៤) ។
-