មូលដ្ឋានគ្រឹះនៃការស្តារឡើងវិញ ( សាសនា ២២៥ )
សំណួរ
-
តើខ្ញុំអាចញែកដឹងរវាងសេចក្តីពិត និងការណ៍ក្លែងក្លាយដោយរបៀបណា ?
ចម្លើយរបស់អ្នក គួរតែរួមមាននូវចំណុចដូចតទៅនេះ ៖
-
តួនាទីរបស់ព្រះគម្ពីរ ពាក្យសម្ដីនៃព្យាការីសម័យទំនើប និង ព្រះវិញ្ញាណបរិសុទ្ធនៅក្នុងការស្ថាបនាសេចក្ដីពិត ។
-
របៀបសិក្សា សេចក្ដីជំនឿ និង ការអធិស្ឋានអាចជួយអ្នកឲ្យរៀនពីសេចក្ដីពិត ។
-
របៀបស្វែងរក វាយតម្លៃ ហើយប្រើប្រភពដែលគួរឲ្យជឿជាក់បានពីប្រវត្តិសាស្ត្ររបស់សាសនាចក្រ និង គោលលទ្ធិដែលបានបើកសម្ដែងរបស់សាសនាចក្រនោះ ។
-
របៀបដែលអ្នកអាចអនុវត្តគោលការណ៍នានា ដែលអ្នកបានរៀនដើម្បីដឹងសេចក្ដីពិត ឬការណ៍ក្លែងក្លាយ នៅពេលអ្នក ឬមនុស្សម្នាក់ដែលអ្នកស្គាល់ជួបនឹងការសម្រេចចិត្ត ឧបសគ្គ ឬ បញ្ហានាពេលបច្ចុប្បន្ននេះ ។
-
-
ហេតុអ្វីបានជាការយល់ដឹងថា « យ៉ូសែប ស្ម៊ីធ …បានសម្រេចច្រើនជាងគេ លើកលែងតែព្រះយេស៊ូវប៉ុណ្ណោះសម្រាប់សេចក្ដីសង្គ្រោះដល់មនុស្សក្នុងលោកនេះជាងមនុស្សផ្សេងៗទៀត ដែលធ្លាប់រស់នៅលោកនេះ » មានសារៈសំខាន់ចំពោះខ្ញុំ ? ( គ. និង ស. ១៣៥:៣ ) ។
ចម្លើយរបស់អ្នក គួរតែរួមមាននូវចំណុចដូចតទៅនេះ ៖
-
តួនាទីនៃការនិមិត្តលើកដំបូងនៅក្នុងការស្ដារឡើងវិញនៃដំណឹងល្អ និងនៅក្នុងការបើកគ្រាកាន់កាប់ត្រួតត្រានៃពេលពេញកំណត់ ។
-
របៀបដែលសេចក្ដីពិតមួយត្រូវបានស្ដារឡើងវិញតាមរយៈយ៉ូសែប ស្ម៊ីធបានប្រទានពរជ័យដល់ជីវិតរបស់អ្នក ។
-
របៀបដែលកូនសោបព្វជិតភាព ឬពិធីបរិសុទ្ធនៃសេចក្ដីសង្គ្រោះទាំងឡាយដែលបានស្ដារឡើងវិញតាមរយៈយ៉ូសែប ស្ម៊ីធបានផ្ដល់ពរជ័យដល់ជីវិតរបស់អ្នក ។
-
របៀបដែលតួនាទីរបស់យ៉ូសែប ស្ម៊ីធនៅក្នុងការស្ដារឡើងវិញនេះ បាននាំអ្នកឲ្យខិតទៅជិតនឹងព្រះវរបិតាសួគ៌ និង ព្រះយេស៊ូវគ្រីស្ទ ។
-
-
តើព្រឹត្តិការណ៍ ឬគោលលទ្ធិសំខាន់មួយនៃការស្ដារឡើងវិញដូចមានខាងក្រោមនេះ បានផ្ដល់ពរជ័យដល់ជីវិតរបស់អ្នកយ៉ាងដូចម្ដេចខ្លះ ?
ក) ការលេចចេញមកនៃព្រះគម្ពីរមរមន ខ) កណ្ឌ និង គោលលទ្ធិដ៏សំខាន់នៅក្នុងគោលលទ្ធិ និង សេចក្ដីសញ្ញា គ) អង្គការនៃសាសនាចក្រត្រូវបានបើកសម្ដែងឡើង ឃ) ការស្ដារឡើងវិញនៃបព្វជិតភាព ង) ព្រះវិហារបរិសុទ្ធ និង កិច្ចការព្រះវិហារបរិសុទ្ធ ។ ចម្លើយរបស់អ្នក គួរតែរួមមាននូវចំណុចដូចតទៅនេះ ៖
-
អ្វីដែលអ្នកបានរៀនអំពីព្រឹត្តិការណ៍ ឬគោលលទ្ធិនេះក្រោយពីការចូលរួមរបស់អ្នកនៅក្នុងវគ្គសិក្សានេះ ។
-
របៀបដែលព្រឹត្តិការណ៍ ឬគោលលទ្ធិនេះបង្ហាញឲ្យឃើញថា ស្ថានសួគ៌គឺបើកចំហ ។
-
របៀបដែលព្រឹត្តិការណ៍ ឬគោលលទ្ធិនេះបានផ្ដល់ពរជ័យដល់ជីវិតអ្នក ឬហេតុផលដែលវាសំខាន់ចំពោះខ្លួនអ្នកផ្ទាល់ ។
-
ទីបន្ទាល់របស់អ្នកចំពោះអ្វីដែលអ្នកបានរៀនអំពីដំណឹងល្អដែលបានស្ដារឡើងវិញ ។
-
ចំណុចសំខាន់ៗនៃគោលលទ្ធិ
ព័ត៌មានខាងក្រោមត្រូវបានចងក្រងដោយប្រើចំណុចសំខាន់ៗនៅក្នុងមេរៀន សម្រាប់វគ្គសិក្សានេះ ។ ចំនួនលេខនៅក្នុងសញ្ញាវង់ក្រចកបន្ទាប់ពីការដកស្រង់ ចង្អុលបង្ហាញនូវលេខមេរៀននៅក្នុងសៀវភៅណែនាំសម្រាប់គ្រូបង្រៀន មូលដ្ឋានគ្រឹះនៃការស្ដារឡើងវិញ ( ឆ្នាំ ២០១៥ )ដែលមានសេចក្តីថ្លែងការណ៍នោះ ។ សូមប្រៀបធៀបចម្លើយរបស់អ្នកជាមួយនឹងព័ត៌មានខាងក្រោម ។ នៅក្នុងការរំឭកឡើងវិញ ប្រសិនបើអ្នកឃើញថាមានចំណុចសំខាន់ៗនៃគោលលទ្ធិណាមួយដែលអ្នកមិនបានដាក់ចូលក្នុងចម្លើយរបស់អ្នក នោះសូមពិចារណាធ្វើការកែតម្រូវចម្លើយរបស់អ្នកមុននឹងបញ្ជូនវា ។ អ្នកពុំចាំបាច់កត់ត្រាព័ត៌មាននេះឲ្យដូចគ្នាបេះបិទទៅក្នុងចម្លើយអ្នកឡើយ គ្រាន់តែឲ្យច្បាស់ថា អ្នកយល់គោលលទ្ធិទាំងនេះ ហើយបង្ហាញនូវការយល់ដឹងនោះទៅបានហើយ ។ ដោយសារសំណួរលេខ ៣ តម្រូវឲ្យឆ្លើយចម្លើយផ្ទាល់ខ្លួន ដូច្នោះគ្មានចំណុចសំខាន់ណានៅក្នុងសំណួរនោះឡើយ ។
-
តើខ្ញុំអាចញែកដឹងរវាងសេចក្តីពិត និងការណ៍ក្លែងក្លាយដោយរបៀបណា ?
តួនាទីរបស់ព្រះគម្ពីរ ពាក្យសម្ដីនៃព្យាការីសម័យទំនើប និង ព្រះវិញ្ញាណនៅក្នុងការស្ថាបនាសេចក្ដីពិត ៖
-
ក្នុងនាមជាដៃគូនឹងព្រះគម្ពីរប៊ីប « ព្រះគម្ពីរមរមន និង គោលលទ្ធិ និងសេចក្ដីសញ្ញា ត្រូវបាននាំចេញមកដើម្បីមានសេចក្ដីសង្គ្រោះដល់ពិភពលោកនេះ » (២២) ។
-
« ព្រះវិញ្ញាណបរិសុទ្ធអាចជួយឲ្យយើងដឹង បើសិនជាអ្វីដែលយើងអាននោះជាការពិត » (១០) ។
-
« ប្រសិនបើយើងស្ដាប់តាមពាក្យសម្ដីរបស់ព្យាការី នោះយើងនឹងត្រូវបានការពារទាស់នឹងមារសត្រូវ » (៩) ។
-
« នៅពេលអ្នកបម្រើរបស់ព្រះអម្ចាស់និយាយដោយព្រះចេស្តានៃព្រះវិញ្ញាណបរិសុទ្ធ នោះពាក្យពេចន៍របស់ពួកលោកបង្ហាញឲ្យឃើញពីព្រះឆន្ទៈរបស់ព្រះអម្ចាស់ » (១២) ។
របៀបដែលការសិក្សា សេចក្ដីជំនឿ និង ការអធិស្ឋានអាចជួយអ្នកឲ្យរៀនពីសេចក្ដីពិត ៖
-
« នៅពេលយើងរួមបញ្ចូលសេចក្ដីជំនឿនៅក្នុងដំណើរការរៀនសូត្រ យើងមានគុណសម្បត្តិគ្រប់គ្រាន់ដើម្បីទទួលជំនួយរបស់ព្រះអម្ចាស់ » (១០) ។
-
« យើងអាចរកឃើញចម្លើយចំពោះសំណួរដ៏អស្ចារ្យរបស់យើង នៅពេលយើងគោរពប្រតិបត្តិតាមព្រះបញ្ញាត្តិ សិក្សាប្រភពព័ត៌មានត្រឹមត្រូវនានា—ជាពិសេសគឺប្រសាសន៍របស់ព្យាការីដែលកំពុងរស់នៅ—ស្វែងរកការដឹកនាំតាមរយៈការអធិស្ឋាន និង អនុវត្តភាពអត់ធ្មត់ និង សេចក្តីជំនឿ » (១០) ។
-
« នៅពេលយើងប្រឈមមុខនឹងសំណួរ ឬ ការសង្ស័យនានា យើងគួរតែតោងជាប់ទៅនឹងអ្វីដែលយើងបានដឹងថាវាពិត ហើយទុកចិត្តថាយើងអាចស្វែងរកចម្លើយតាមរយៈការសិក្សាបន្ថែមទៀតនៅពេលខាងមុខ ឬថាព្រះនឹងបើកបង្ហាញពីចម្លើយនៅពេលណាមួយនា ពេលអនាគត »(៤) ។
របៀបស្វែងរក វាយតម្លៃ ហើយប្រើប្រភពនានាដែលគួរឲ្យជឿជាក់បាន ៖
-
« យើងអាចរំឭកដល់អ្នកសួរដោយស្មោះនោះថា ព័ត៌មានលើអ៊ិនធើណែត ពុំបានត្រងយកភាពមិន ‹ ពិត › ចេញទេ ។ ព័ត៌មានមួយចំនួន មិនថាវាមានការបញ្ចុះបញ្ចូលយ៉ាងណាទេ វាមិនពិតឡើយ » (១០ នែល អិល អាន់ឌើរសិន « Joseph Smith » ឬ Liahona ខែ វិច្ឆិកា ឆ្នាំ ២០១៤ ទំព័រ ២៩ ) ។
-
« ដើម្បីចៀសវាងពីការបោកបញ្ឆោតដោយព័ត៌មានខុសឆ្គង ឬ ព័ត៌មានដែលនាំទៅរកការវិភាគខុសបាន នោះអស់អ្នកដែលព្យាយាមស្វែងរកសេចក្តីពិតគួរតែស្រាវជ្រាវរកនូវធនធាននៃព័ត៌មានដែលគួរឲ្យទុកចិត្តបានពីសាសានាចក្រ និង ប្រវត្តិរបស់សាសនាចក្រ » (២) ។
-
« ពេលយើងចាប់ផ្ដើមដោយការវាស់ស្ទង់ការអនុវត្តនៃសម័យទំនើប និងសំណើប្រឆាំងនឹងអ្វីដែលយើងបានដឹងពីផែនការនៃព្រះអម្ចាស់ និងផលដែលផ្ដល់ឲ្យក្នុងព្រះបន្ទូលនៃព្រះអម្ចាស់ និងការបង្រៀននៃព្យាការីដែលរស់នៅរបស់ទ្រង់ទាំងឡាយ … នោះយើងដឹងថាការណ៍នេះនាំយើងឲ្យនៅលើផ្លូវសុវត្ថិភាពអស់កល្បជានិច្ច » (១០ ដាល្លិន អេក អូក « As He Thinketh in His Heart » [ ល្ងាចមួយជាមួយអែលឌើរ ដាល្លិនអេក អូក ថ្ងៃ ទី ៨ ខែ កុម្ភៈ ឆ្នាំ ២០១៣ ] នៅលើគេហទំព័រ lds.org/broadcasts) ។
-
-
ហេតុអ្វីបានជាការយល់ដឹងថា « យ៉ូសែប ស្ម៊ីធ …បានសម្រេចច្រើនជាងគេ លើកលែងតែព្រះយេស៊ូវប៉ុណ្ណោះសម្រាប់សេចក្ដីសង្គ្រោះដល់មនុស្សក្នុងលោកនេះជាងមនុស្សផ្សេងៗទៀត ដែលធ្លាប់រស់នៅលោកនេះ » មានសារៈសំខាន់ចំពោះខ្ញុំ ? ( គ. និង ស. ១៣៥:៣ ) ។
តួនាទីនៃការនិមិត្តដំបូងនៅក្នុងការស្ដារឡើងវិញនៃដំណឹងល្អ និងការបើកគ្រាកាន់កាប់ត្រួតត្រានៃពេលពេញកំណត់៖
-
« សេចក្តីពិតអស់កល្បជានិច្ចត្រូវបានស្តារឡើងវិញដល់ផែនដីនៅពេលព្រះវរបិតាសួគ៌ និង ព្រះយេស៊ូវគ្រីស្ទ បានបង្ហាញព្រះកាយដល់យ៉ូសែប ស្ម៊ីធ » (២) ។
-
« នៅពេលយើងមានទីបន្ទាល់មួយថាយ៉ូសែប ស្ម៊ីធបានឃើញព្រះជាព្រះវរបិតា និងព្រះរាជបុត្រាទ្រង់ គឺព្រះយេស៊ូវគ្រីស្ទ នោះយើងអាចដឹងផងដែរអំពីសេចក្តីពេញលេញនៃការស្តារឡើងវិញនៃដំណឹងល្អនេះ » (២) ។
-
« យ៉ូសែប ស៊្មីធ ត្រូវបានហៅដោយព្រះដើម្បីស្តារដំណឹងល្អឡើងវិញសម្រាប់សម័យកាន់កាប់ត្រួតត្រារបស់យើងនេះ » (១) ។
របៀបដែលសេចក្ដីពិតមួយត្រូវបានស្ដារឡើងវិញតាមរយៈយ៉ូសែប ស្ម៊ីធបានប្រទានពរជ័យដល់ជីវិតរបស់អ្នក ៖
-
« ព្រះយេស៊ូវគ្រីស្ទ គឺជាព្រះដែលកំពុងមានព្រះជន្មរស់ មានព្រះកាយដ៏រុងរឿង ។ ព្រះយេស៊ូវគ្រីស្ទ គឺជាព្រះរាជបុត្រាសំណព្វតែមួយរបស់ព្រះវរបិតា ។ ព្រះយេស៊ូវគ្រីស្ទ គឺជាអង្គបង្កបង្កើតពិភពលោកនេះ និង ពិភពដទៃទៀត » (១៣) ។
-
« សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយគឺជាសាសនាចក្រតែមួយដែលពិត ហើយសកម្មនៅលើផ្ទៃផែនដីទាំងមូល » (៦) ។
-
« ក្នុងនាមជាកូនចៅរបស់ព្រះវរបិតាសួគ៌ យើងមានសក្ដានុពលដើម្បីប្រែក្លាយដូចជាទ្រង់ » (១៧) ។
-
« តាមរយៈព្យាការី យ៉ូសែប ស៊្មីធ ព្រះអម្ចាស់បានបើកសម្តែងព្រះគម្ពីរបន្ថែមទៀតដែលបញ្ជាក់ បំភ្លឺ និង ពង្រីកចំណេះដឹងរបស់យើងអំពីសេចក្តីពិត » (១២) ។
កូនសោបព្វជិតភាព ឬពិធីបរិសុទ្ធទាំងឡាយនៃសេចក្ដីសង្គ្រោះត្រូវបានស្ដារឡើងវិញតាមរយៈយ៉ូសែប ស្ម៊ីធ និងរបៀបដែលវាបានផ្ដល់ពរជ័យដល់ជីវិតរបស់អ្នក ៖
-
យ៉ូសែប ស្ម៊ីធ បានទទួល « កូនសោនៃកិច្ចការផ្សព្វផ្សាយសាសនា ក្រុមគ្រួសារដ៏អស់កល្បជានិច្ច និង កិច្ចការព្រះវិហារបរិសុទ្ធ » (១៤) ។
-
« មុនពេលមនុស្សម្នាក់អាចទទួលបុណ្យជ្រមុជទឹក នោះពួកគេត្រូវតែបន្ទាបខ្លួន ប្រែចិត្ត ស្ម័គ្រចិត្តដើម្បីលើកដាក់មកលើខ្លួនគេនូវព្រះនាមនៃព្រះយេស៊ូវគ្រីស្ទ ហើយតាំងចិត្តដើម្បីបម្រើទ្រង់រហូតដល់ទីបំផុត » (៦) ។
-
« ដើម្បីទទួលបានកម្រិតខ្ពស់បំផុតនៃនគរសេឡេស្ទាល យើងត្រូវតែចូលទៅក្នុងសេចក្តីសញ្ញាថ្មី ហើយអស់កល្បអស់កាលជានិច្ចនៃអាពាហ៍ពិពាហ៍ » (១៩) ។
-