មុខងារនៃការបម្រើក្នុងសាសនាចក្រ
សាសនាចក្រត្រូវបានបង្កើតឡើងដើម្បីជួយបំពេញសេចក្ដីត្រូវការ និង ផ្ដល់ជាផលប្រយោជន៍ដល់បុរស ស្ត្រី យុវវ័យ និង កុមារ ។ មជ្ឈិមវ័យទាំងអស់គឺជាសមាជិកក្នុង កូរ៉ុម បព្វជិតភាព ( ក្រុមបុរស ) ឬ សមាគមសង្គ្រោះ ( អង្គការសម្រាប់ស្ត្រី ) ។ កូរ៉ុមបព្វជិតភាព និង សមាគមសង្គ្រោះជួបប្រជុំគ្នាជាទៀងទាត់ រួមមាននៅថ្ងៃអាទិត្យផងដែរដើម្បីសិក្សាដំណឹងល្អ លើកទឹកចិត្តគ្នាទៅវិញទៅមក ហើយគ្រោងរបៀបដើម្បីបម្រើ និង ជួយមនុស្សដទៃ ។ អ្នកអាចទទួលបានការហៅបម្រើឲ្យដឹកនាំ បង្រៀន ជួយផ្នែកតន្ត្រី ឬ បម្រើនៅក្នុងកូរ៉ុមបព្វជិតភាព ឬ សមាគមសង្គ្រោះ ។
គ្រូបង្រៀនថ្នាក់បឋមសិក្សាជួបជាមួយសិស្សក្នុងថ្នាក់របស់គាត់ ។
ការ ទទួលខុសត្រូវសំខាន់មួយនៃសាសនាចក្រ គឺជាការជួយឪពុកម្ដាយក្នុងការបង្រៀន ព្រមទាំងការថែទាំកុមារ និង យុវវ័យនៃសាសនាចក្រ ។ អ្នកអាចនឹងទទួលបានការហៅបម្រើមួយ ឲ្យជួយបង្រៀន ឬ រៀបចំសកម្មភាពសម្រាប់កុមារអាយុក្រោម ១២ឆ្នាំ នៅក្នុងអង្គការបឋមសិក្សា ឬសម្រាប់យុវវ័យអាយុ ១២–១៨ នៅក្នុង ថ្នាក់យុវជន ( បព្វជិតភាពអើរ៉ុន) ឬ ថ្នាក់យុវនារី ។ យុវវ័យ និង កុមារក៏អាចទទួលបានការហៅបម្រើ ឬ ការចាត់តាំងរយៈពេលខ្លីឲ្យដឹកនាំ ឡើងនិយាយ បង្រៀន ឬ បម្រើដែរ ។ លើសពីនេះទៅទៀត ថ្នាក់សាលាថ្ងៃអាទិត្យបង្កើតថ្នាក់សិក្សាដំណឹងល្អសម្រាប់យុវវ័យ និង មជ្ឈិមវ័យ ហើយអ្នកអាចនឹងត្រូវបានហៅឲ្យជួយបង្រៀន ឬ រៀបចំថ្នាក់ទាំងនេះ ។
ថ្នាក់សមាគមសង្គ្រោះ អង្គការបឋមសិក្សា ថ្នាក់យុវជន ថ្នាក់យុវនារី និង ថ្នាក់សាលាថ្ងៃអាទិត្យ ត្រូវបានហៅថា អង្គការជំនួយ ។ អង្គការជំនួយធ្វើការជាមួយអង្គការបព្វជិតភាព ក្នុងការធ្វើកិច្ចការនៃសាសនាចក្រ ។