Sa unsa nga paagi ako mas makasabut og maayo sa kalainan tali sa mga pahimatngon gikan sa Espiritu ug sa sobra nga kaguol?

Ang Espiritu Santo mao ang Espiritu sa Kamatuoran ug ang Espiritu sa Kalinaw. Ang Espiritu sa kinaiyanhon nagbuhat sa hilum nga paagi (tan-awa sa 1 Nephi 17:45). Ang mga hunahuna nga nakaingon sa kaguol mga lanog ug mosulod nga wala paabuta, naghimo niini nga malisud sa pagbati sa Espiritu ug sa pagsalig sa imong hugot nga pagtuo. Ang hugot nga pagtuo mao ang pagsalig diha sa Dios. Ang kaatbang sa hugot nga pagtuo mao ang kawalay kasigurohan ug kawalay pagsalig, ug busa ang mga kasamok sa kaguol kasagaran mopakubos sa hugot nga pagtuo.

Si propeta Jacob sa Basahon ni Mormon mipasabut: “Ang Espiritu namulong sa kamatuoran ug dili mamakak. Busa, kini namulong sa mga butang ingon nga sila gayud mao, ug sa mga butang ingon nga sila gayud mahimo unya” (Jacob 4:13). Samtang ikaw nagkat-on sa pagpaminaw ngadto sa Espiritu, mas makahimo ka sa pag-ila tali sa kamatuoran ug sa makawala og kadasig, dili tinuod nga mga hunahuna nga ang nakaingon mao ang kaguol.

Ang hugot nga pagtuo sa Pag-ula ug sa Pagkabanhaw sa Manluluwas, inubanan sa paglaum ug gugma nga putli, kinahanglan nga molig-on sa atong mga kinabuhi (tan-awa sa Moroni 7:40–48).

Tan-awa usab “Anxiety and Anxiety Disorders,” Ensign, Mar. 2017, 54–61.