“6: Usahay ako adunay kalisud nga mobati sa Espiritu tungod kay ako walay pagbati. Kini ba nagpasabut nga naghimo ako og usa ka butang nga sayop ug nawad-an sa Espiritu?” Mental nga Kahimsog: Tabang alang Kanako (2019)

“Kalisud nga Mobati sa Espiritu,” Mental nga Kahimsog: Tabang alang Kanako

Imahe

babaye naglingkod sa lingkuranan sa simbahan

Usahay ako adunay kalisud nga mobati sa Espiritu tungod kay ako walay pagbati. Kini ba nagpasabut nga naghimo ako og usa ka butang nga sayop ug nawad-an sa Espiritu?

Ang pagkadili mobati sa Espiritu, o usa ka kinatibuk-ang pagbati nga nawad-an og pagbati o walay pagbati, sa kasagaran usa ka sintomas nga dili maayo ang mental nga kahimsog. Ang Dios wala mobiya kanimo. Hunahunaa sa makadiyut nga ang Espiritu nakigsulti kanimo sa lahi nga paagi kay sa imong nasinati kaniadto. Kon ikaw nakigbisog sa pagbati sa Espiritu, o sa pagbati og bisan unsa, sulayi ang pagtipon niining mga sugyot uban sa pag-ampo kutob sa imong mahimo:

Pakitambag ngadto sa uban. Paningkamot sa pagpakigsulti ngadto sa imong pamilya, bishop, o doktor sa mental nga kahimsog. Paghunahuna sa pagsunod sa makatabang nga mga rekomendasyon.
Paghinumdom unsay imong nahibaloan. Pangita og daan nga gisulat diha sa journal nga naghulagway og usa ka espiritwal nga kasinatian, o pakigsulti ngadto sa usa ka tawo nga ikaw mosalig. Pagpahinumdom niana nga tawo sa personal nga mga kalig-on, espiritwal nga mga kasinatian, ug pagpamatuod nga imong gipakigbahin ngadto kanila kaniadto.
Pun-a sa kahayag ang imong panimalay. Pasigaa ang mga suga o lingkod diha sa hayag sa adlaw. Pagpatukar og makabayaw nga musika, paminaw sa mga pakigpulong gikan sa kinatibuk-ang komperensya, tan-aw og artwork, o pagbasa sa mga kasulatan o lain nga maayong basahon. Himoa ang imong panimalay nga usa ka dapit sa kalinaw diin ang Espiritu makapuyo.
Pag-eksamin sa imong kaugalingon. Paghunahuna kon ikaw makabati ba og bisan unsa sa pagkakaron. Pakigsulti kon ikaw walay pagbati o walay pagpanumbaling sa uban, ngadto sa usa ka sinaligang higala, sakop sa pamilya, o lider sa Simbahan, o pangayo og propesyonal nga tabang.