9: Gibati nakog maayo ang pag-inusara. Sa unsa nga paagi ako makatabang og usa ka tawo nga mas makasabut og maayo sa akong mga panginahanglan?” Mental nga Kahimsog: Tabang alang Kanako (2019)
“Gibati Nakog Maayo ang Pag-inusara,” Mental nga Kahimsog: Tabang alang Kanako
Gibati gyud nako ang pag-inusara. Sa unsa nga paagi ako makatabang og usa ka tawo nga mas makasabut og maayo sa akong mga panginahanglan?
Adunay dakong bili sa pag-ugmad ug pagpalambo sa mga relasyon. Pag-ampo alang sa kaisug sa pagpakigsulti ngadto sa usa ka tawo nga ikaw mosalig, sama sa usa ka sakop sa pamilya, higala, lider sa Simbahan, o doktor sa mental nga kahimsog. Hinumdumi nga pipila ka mga tawo mahimong mas dayag ug masinabtanon kay sa uban tungod sa ilang kahibalo, pagkadaling mobati o mosabut [sensitivity], ug mga kasinatian sa kinabuhi. Pangayo og panahon nga magkaistoryahay—may purohan nga kamo makaangkon og makatabang nga panaghisgot kon ang tawo nga imong gikaistorya andam ug alisto sa paghatag og gibug-aton sa unsay imong gisulti. Makasulti ka (o text) og usa ka butang ingon ka yano sa, “Uy, nagkalisud ko ug nagkinahanglan gyud og usa ka tawo nga maminaw.”
Basaha og maayo ang mga pangutana sa ubos ug paghunahuna mahitungod sa imong pagtubag. Kini nga mga ideya makatabang kanimo sa pagsugod og panag-istoryahay.
-
Unsay pisikal nimong gisinati? Pagsulti mahitungod sa imong mga sintomas, sama sa naandang kakapoy, kanunay naglabad ang ulo, natarantar nga hunahuna, kasukaon, pag-alindasay, hinay og lihok o reaksyon, abuso sa druga, dili masabtan nga panakit sa lutahan, o mga kausaban sa gana sa pagkaon, timbang o mga oras sa pagkatulog.
-
Unsay imong gibati? Ihulagway—adunay daghang panghitabo kon ikaw nasanapan ug nanlimbasug og mental nga sakit. Siguroha ang pagpahayag sa mga pagbati sama sa pagkawalay paglaum, pagdumot sa kaugalingon, pagkadaling masuko, pag-inusara, pagkabalaka, pagkaguol, pagkahadlok, o pagkanakasala. Sulti mahitungod sa unsa ka sagad imong masinati kini nga mga pagbati.
-
Unsa ang imong gipanlibasugan sa sosyal nga paagi? Hunahunaa kon sa unsa nga paagi ikaw nakigtagad sa sakop sa imong pamilya, mga higala, mga kauban sa trabaho, ug sa uban. Sulti mahitungod sa bisan unsa nga mga kausaban sa kinaiya nga imong namatikdan, sama sa kanunay o dili masabut nga kaguol, pagpalayo gikan sa uban, kulang og personal nga kalimpyo, walay gana sa mga kalihokan nga ikaw kanhiay malingaw, o kulang og enerhiya ug interes.
-
Unsay nakapalisud sa paghunahuna? Ang inadlaw-adlaw nga kinabuhi mahimo nga labing mahagiton kon ang imong abilidad sa pagkat-on nausab o nadaot. Paghisgot og bisan unsa nga sintomas nga mahimong ikaw aduna, sama sa paghunahuna og pasakit sa kaugalingon, pagkadili makadesisyon, pagkalibug, pagkalisud sa paghinumdom og mga butang, o mga paghunahuna og kamatayon o paghikog. Pagsulti mahitungod sa unsa ka subsob ikaw aduna niini nga mga hunahuna ug unsay imong gipanghinaut nga lahi.