Fesoasoani i Tuaa ia Maua Sauniga Paia

E alofa le Tama Faalelagi i tagata o lou aiga ua maliliu ma ua saunia se auala mo i latou e maua ai faamanuiaga o le talalelei e ala i le malumalu.

• Aoao e uiga i le taua o aiga ma malumalu. Mafaufau e faaaoga:

  • “O Le A Le Talafaasolopito o Aiga?,” “E Mafai Faapefea Ona Ou Amataina La’u Talafaasolopito o Aiga ma le Auaunaga i le Malumalu?,” ma le “O Lo’u Tuaa” i le Aiga ma Malumalu, 15–19.

• Faailoa mai ma le agaga tatalo se tuaa se toatasi pe sili atu o lou itupa tutusa o le e te manao e auauna atu i ai i le malumalu.

• Aoao pe faapefea ona faigofie ona saunia ma lolomi se kata o le igoa o le aiga e mafai ona e aveina i le malumalu. Mafaufau e faaaoga le:

  • Fesoasoani i Igoa o le Aiga (familysearch.org/family-name-assist). Ina ia faaaoga lenei meafaigaluega, o le a e manaomiaina le numera o lou pepa faamaumau. O loo maua le numera o lou pepa faamaumau i lau pepa faataga o le malumalu, pe mafai foi ona e maua mai le failautusi o lau uarota.

• Afai e mafai, faatulaga se aso e alu ai i le malumalu faatasi ma nisi o aiga, uo, ma tagata o le uarota e faia papatisoga mo ou tuaa ua maliliu. E mafai ona e alu i ChurchofJesusChrist.org/temple/schedule/appointment ma saini e alu i totonu e faaaoga ai lau faitotoa a le Ekalesia e faatulaga ai se taimi faatulagaina.