tamaitai talavou ma se alii talavou o loo tilotilo i kata o le malumalu

Maua se Pepa Faataga o le Malumalu mo Papatisoga ma Faamauga Sui

I totonu o le malumalu, e mafai ona e fesoasoani i ou tuaa ia maua faamanuiaga o le talalelei a Iesu Keriso e ala i le papatisoina mo i latou. Ina ia ulufale atu i le malumalu, o le a e manaomia se pepa faataga o le malumalu, lea e mafai ona maua e ala i le feiloai ma le epikopo.

• Aoao e uiga i le taua o malumalu ma le i ai o se pepa faataga o le malumalu. Mafaufau e faaaoga le:

  • “E Uiga i Papatisoga ma Faamauga Sui,” temples.ChurchofJesusChrist.org

  • “O Le a Le Faamoemoega o le Malumalu?” ma le “O A Papatisoga mo Tuaa ua Maliliu?” i le Aiga ma Malumalu, 9–10, 12.

  • “O Fale Tatala ma Faapaiaga o Malumalu,” temples.ChurchofJesusChrist.org.

  • “Aisea e Fausia ai e le Au Paia o Aso e Gata Ai ia Malumalu,” temples.ChurchofJesusChrist.org

• Talanoa i le epikopo po o lana failautusi faapitoa e faatulaga se faatalanoaga e maua ai lau pepa faataga o le malumalu mo papatisoga ma faamauga sui. I le faatalanoaga, o le a fesiligia ai oe i fesili e pei o fesili na fesiligia ai oe ae e te lei papatiso. E tusa lava pe e te le o nofo latalata i se malumalu, o le i ai o se pepa faataga e mafai ona fesoasoani ia te oe e saunia ai mo le taimi o le a e alu ai. Aoao po o a nei fesili mai ia Peresitene Russell M. Nelson (tagai i le “Saunoaga Faaiu,” Liahona, Nov. 2019, 121).

• Afai e mafai, faatulaga se aso e asiasi ai i le malumalu e fai papatisoga mo ou tuaa ua maliliu.