Tagata o loo talanoa

Fo’ia le Lotovaivai ma Tulaga e Fai ma Faafitauli

E mafai ona faigata le olaga, ma o se mea masani le faalotovaivaia, faia ni mea sese, ma i ai ni fesili. A o e faalagolago i le Alii, o le a mafai ona e faatoilaloina ou faigata ma maua le filemu ma le fiafia.

• Aoao e uiga i faamanuiaga ma le malosi e oo mai i le ola ai i le talalelei a Iesu Keriso. Talanoaina ma se tagata o le ekalesia mea na te faia e tumau ai le malosi i le talalelei pe a oo ina faigata mea uma. Mafaufau e faaaoga:

  • “Faatoilaloina o le Faavaivailoto,” Liahona, Iulai 2019, e na o tusiga faaeletonika.

  • Savali o le konafesi aoao e uiga i le faatoilaloina o le lotovaivai (tagai i le Jeffrey R. Holland, “E Pei o se Ipu ua Nutililii,” Liahona, Nov. 2013, 40–42; Reyna I. Aburto, “E Ala i le Ao ma le La Susulu, le Alii e, Ia E Mafuta ma Au!,” Liahona, Nov. 2019, 57–60).

• Talanoaina le mea e alu i ai e maua ai tali i au fesili ma fesoasoani ai i faigata. Mafaufau i nisi o nei filifiliga: suesueina o tusitusiga paia, talanoa ma tagata o le ekalesia po o le epikopo, faaaogaina o punaoa o le ChurchofJesusChrist.org, ma, o le mea e sili ona taua, ole atu i le Atua i le tatalo.