Aoao e uiga i le Peraimeri—Auauna Atu i Tamaiti

E fesoasoani le Peraimeri i tamaiti e 18 masina le matutua e oo i le 11 tausaga e aoao e uiga i le Tama Faalelagi, Lona Alo o Iesu Keriso, ma La La’ua fuafuaga o le olioli. I le Peraimeri, e aoao ai tamaiti e uiga i le alofa o le Atua mo i latou ma le auala e lagona ai Lona alofa a o latou osia feagaiga e ala i le papatisoga, le faamanatuga, ma sauniga o le malumalu. E aoaoina i latou e ala i musika, taaloga faigofie, ma isi gaoioiga. O tamaiti e aoaoina ma fesoasoani i ai faiaoga ma taitai matutua o e alolofa ma popole ia i latou.

Aoao e uiga i le auala e faamalolosia ai e tamaiti i le Ekalesia le tasi ma le isi i le avea atili e faapei o Keriso. Mafaufau e faaaoga:
- Atinaega Faaletagata Lava Ia: Tusitaiala mo Tamaiti (2019), ChurchofJesusChrist.org.
- “Lagolagoina o Tamaiti ma le Autalavou: O Se Faasalalauga mo Matua ma Taitai” (6 Iuni, 2021), ChurchofJesusChrist.org.
Afai ua e i ai i le matua e tatau ai ona Peraimeri, ia faatulaga e feiloai i le peresitene o le Peraimeri ma le faiaoga o lau vasega.
Afai e te le’i o’o i le matua e tatau ai ona Peraimeri, ia faatulaga faatasi ma le au peresitene o le Peraimeri e matau le taimi o pesepesega i taimi o sauniga lotu i Aso Sa.