Faasoa Atu le Talalelei

Mafaufau i faamanuiaga ua aumaia e le talalelei i lou olaga. E finagalo le Tama Faalelagi ia maua e Ana fanau uma le olioli o le talalelei. Faasoa atu le olioli ua e mauaina i tagata o le aiga ma uo, ma valaaulia i latou e faatasi ma oe i le lotu.

Aoao e uiga i auala e faasoaina atu ai le talalelei i isi. Mafaufau e faaaogaina le:
- Faasoaina Atu le Talalelei.
- “Galuega Faafaifeautalai” ma le “Manatu mo le Faia o le Galuega Faafaifeautalai” i le Aoaoina ma le Auauna Atu i le Ekalesia, 17–19.
- Tagai i le lesona 4, “Avea ma Soo o Iesu Keriso i le Olaga Atoa: Faasoaina Atu o le Talalelei,” Tala’i La’u Talalelei: O Se Taiala i le Faasoaina Atu o le Talalelei a Iesu Keriso (2023), 91–92.
Mafaufau po o ai e mafai ona e faasoa atu i ai le talalelei ma pe faapefea ona faamanuiaina o latou olaga e le talalelei. Ia taulai atu manatu i faamanuiaga e te maua a o e faasoa atu ai le talalelei.
Maua ni manatu e faamalosia ai lau molimau ma faasoa atu le talalelei i isi e ala i le saini mo imeli a le Ola ai i le Talalelei.
Afai o oe o se tamaitiiti, talavou, po o se talavou nofofua matua, mafaufau i le avanoa e auauna atu ai i se misiona tala’i e aoao atu ai mo le taimi atoa, po o se misiona mo auaunaga i le taimi atoa pe mo se sina taimi i le lumanai.