Faaleleia le Suesueina o le Talalelei

E taua le tatalo ma suesue soo i tusitusiga paia, taitoatasi ma faatasi ma lou aiga (pe a mafai). A o e faia, o le a e lagona le Agaga ma maua le taialaina i lou olaga i aso taitasi.

• Aoao e uiga i le latalata atili i le Faaola e ala i le suesueina o tusitusiga paia i aso taitasi ma le tatalo. Mafaufau e faaaoga:

  • Sau, Mulimuli Mai ia te A’u—Mo le Aiga ma le Ekalesia. O lenei punaoa e mafai ona avea ma se taiala i lau suesuega o tusitusiga paia i aso taitasi.

  • “Tatalo Soo” ma le “Suesue i Tusitusiga Paia” i le Tala’i La’u Talalelei: O Se Taiala mo le Galuega Faafaifeautalai (2023), 77–79.

• Afai e te lei faia, sii mai le polokalama o le Potutusi o le Talalelei pe alu i le ChurchofJesusChrist.org e sue ai lauga, tusiga, vitio, ma isi mea. Afai e te faaaogaina se masini Android, e mafai ona e sii maia le polokalama mai le faleoloa o le Google Play. Afai e te faaaogaina se masini iOS, e mafai ona e sii maia le polokalama mai le Apple App Store.

• E mafai ona fesoasoani mekasini a le Ekalesia ia te oe e mulimuli ai i le Faaola o se tagata o Lana Ekalesia.

  • E tolu mekasini a le Ekalesia: o le Liahona mo tagata matutua, Mo Le Malosi o le Autalavou mo le autalavou, ma le Uo mo tamaiti. E mafai ona e faaaogaina faaeletonika e aunoa ma se totogi i le vaega o “Mekasini” o le Potutusi o le Talalelei. Afai o oe o se tagata fou o le ekalesia ma e te manao i se kopi lolomi, faafesootai lou epikopo po o le peresitene o le paranesi mo se lesitala e tasi le tausaga e leai se totogi.

• Afai o oe o se talavou matua i le va o le 18 ma le 30 tausaga, aoao e uiga i le Inisitituti e ala i le faitauina o le “O Le Faamoemoega o le Inisitituti” i le ChurchofJesusChrist.org ma aoao e uiga i le AM Faalevaiaso i le Potutusi o le Talalelei.

• Tuuto atu i le suesueina o tusitusiga paia i aso taitasi, aemaise lava mai le Tusi a Mamona, ma le tatalo (tagai i le Galuega 17:11).