Ia Faamauina i Lou Aiga

Ua saunia e lo tatou Tama Faalelagi se auala mo aiga ia faatasia ai e faavavau. I totonu o le malumalu, e mafai ona faamauina faatasi tane ma ava ma fanau ma matua i augatupulaga uma mo lenei olaga ma le faavavau atoa. O le taimi lava e maua ai le faaeega paia o oe ma lou toalua, e mafai ai ona faamauina faatasi oe ma lau fanau. E mafai foi ona e auai i faamauga mo ou tuaa ua maliliu.

Aoao e uiga i le faamauga i le malumalu. Mafaufau e faaaoga le:
- “E Uiga i Faamauga i le Malumalu,” temples.ChurchofJesusChrist.org
- “Aisea e Taua Tele ai le Aiga?,” “E Mafai Faapefea Ona Toe Foi Atu Lo’u Aiga e Nonofo Faatasi ma le Atua?,” “O Le a le Faamoemoega o le Malumalu?,” “O Le A Le Faamauga i le Malumalu?,” ma le “Ae faapefea Lo’u Aiga?” i le Aiga ma Malumalu, 1–5, 9–10, 22–26.
Faatulaga se aso i le malumalu e faamau ai i lou toalua ma lau fanau (pe a talafeagai ai).

Afai e faatagaina e ou tulaga, ia faaauau pea ona e asiasi so’o i le malumalu pe a uma ona maua ou faaeega paia ma faamauina oe ina ia mafai ona e faatinoina sauniga mo ou tuaa ua maliliu.