Faauo ma Tagata o Lau Uarota

Na aoao mai le Aposetolo o Paulo e faapea, a e auai i se faapotopotoga o le Au Paia, e le o toe “tagata ese outou po o e ua aumau a ua nuu faatasi ma le au paia” (Efeso 2:19).

O faapotopotoga taitasi o tagata o le Ekalesia e pei lava o se aiga lautele, lea o le a e maua ai faauoga ma le lagolago. Faaalu se taimi e faauo ai ma nisi o tagata o le ekalesia!

• Afai e i ai sau telefoni feaveai, sii mai le polokalama o le Meafaigaluega mo Tagata o le Ekalesia. Afai e te faaaogaina se masini Android, e mafai ona e sii maia le polokalama mai le faleoloa o le Google Play. Afai e te faaaogaina se masini iOS, e mafai ona e sii maia le polokalama mai le Apple App Store. A uma ona sii mai le polokalama o le Meafaigaluega mo Tagata o le Ekalesia, alu i totonu i lau faitotoa a le Ekalesia. I le polokalama, e mafai ona e sueina faamatalaga faafesootai mo tagata o lau uarota.

• Mai le polokalama o Meafaigaluega mo Tagata o le Ekalesia, sue lau faitotoa, faafou au faamatalaga faafesootai, ma faaopoopo se ata o oe lava. Ia mautinoa e iloilo ma faafou le anotusi i le Alualu i Luma o le Ala o le Feagaiga.

• Ia faamasani lelei i ou taitai (le epikopo, peresitene o le korama a toeaina, peresitene o le Aualofa, peresitene o le Peraimeri, ma taitai o le korama a le Perisitua Arona ma Tamaitai Talavou) ma tagata o lau vasega po o le korama. Talanoa ia i latou e uiga i gaoioiga o loo loma, lesona i le lumanai, ma avanoa e auauna atu ai.