kakai fefine matuʻotuʻa ange mo ha finemui

Tokoni ke Maʻu ʻe he Ngaahi Kuí ʻa e Ngaahi Ouau Toputapú

ʻOku ʻofa ʻa e Tamai Hēvaní ʻi he kau mēmipa ho fāmilí kuo nau pekiá pea kuó Ne teuteu ha founga ke nau maʻu ai ʻa e ngaahi tāpuaki ʻo e ongoongoleleí ʻo fakafou ʻi he temipalé.

• Ako fekauʻaki mo e mahuʻinga ʻo e ngaahi fāmilí mo e temipalé. Fakakaukau ke fakaʻaongaʻi ʻa e:

  • “What Is Family History?,” “How Can I Start My Family History and Temple Service?,” mo e “My Ancestor” ʻi he Families and Temples, 15–19.

• Feinga ʻi he faʻa lotu ke ʻiloʻi ha kui ʻe taha pe lahi ange ʻokú ke tuʻunga tangata pe fefine tatau mo ia ʻa ia ʻokú ke fie ngāue ki ai ʻi he temipalé.

• Ako ʻa e founga ke faingofua ai hono teuteuʻi mo paaki ha kaati hingoa fakafāmili te ke lava ʻo ʻave ki he temipalé. Fakakaukau ke fakaʻaongaʻi ʻa e:

  • Tokoni ʻi he Hingoa Fakafāmilí (familysearch.org/family-name-assist). Ke fakaʻaongaʻi ʻa e meʻangāue ko ʻení, te ke fiemaʻu hoʻo fika lekooti mēmipasipi ʻi he Siasí. ʻOku maʻu ho fika lekōtí ʻi hoʻo lekomeni temipalé, pe te ke lava ʻo maʻu hoʻo fiká mei hoʻo kalake fakauōtí.

• Kapau ʻe lava, fokotuʻu ha ʻapoinimeni ke ke ʻalu ai ki he temipalé mo ha fāmili ʻe niʻihi, ngaahi kaungāmeʻa, mo e kāingalotu ʻo e uōtí ke fakahoko ʻa e papitaiso maʻa hoʻo ngaahi kui kuo pekiá. Te ke lava ʻo ʻalu ki he ChurchofJesusChrist.org/temple/schedule/appointment pea hū ki loto ʻo fakaʻaongaʻi hoʻo ʻakauni ʻi he Siasí ke fakataimi-tēpileʻi ha ʻapoinimeni.