Maʻu Ho ʻEnitaumení

Kapau ko ha tokotaha lahi koe, ko e aʻu pē ʻo taʻu ʻe taha hoʻo hoko ko ha mēmipá, te ke lava ʻo maʻu ha lekomeni temipale ʻokú ne fakaʻatā koe ke ke kau atu ki ha toe ngaahi ouau fakatemipale kehe. Te ke maʻu ʻi he temipalé ha ouau ʻoku ui ko e ʻenitaumení. ʻI he ouau ʻenitaumení, te ke ako lahi ange ai ki he ongoongolelei ʻo Sīsū Kalaisí pea fakaafeʻi koe ke fakahoko ha ngaahi fuakava toputapu mo hoʻo Tamai Hēvaní. ʻE ʻomi ʻe hono tauhi ʻo e ngaahi fuakava ko ʻení ha fiefia mo ha mālohi fakalangi lahi ange ki hoʻo moʻuí. Hili hono maʻu ho ʻenitaumení, te ke lava ʻo maʻu ʻa e ouau ko ʻení ʻaki hoʻo fakafofongaʻi hoʻo ngaahi kuí.

• Ako fekauʻaki mo e ʻenitaumení mo e mahuʻinga ʻo e ngaahi temipalé. Fakakaukau ke fakaʻaongaʻi ʻa e:

  • “Fekauʻaki mo e ʻEnitaumeni Temipalé,” temples.ChurchofJesusChrist.org.

  • “How Can My Family Return to Live with God?,” “What Is the Purpose of the Temple?,” mo e “What Is the Temple Endowment?” ʻi he Families and Temples, 2–5, 9–10, 21.

  • “Teuteu ki he Fale ʻo e ʻEikí,” temples.ChurchofJesusChrist.org.

• ʻI hoʻo ofi ko ia ki he taʻu ʻe taha hili hoʻo papitaisó, kamata ʻalu ki he ngaahi kalasi teuteu ki he temipalé. Fokotuʻu ha ʻinitaviu mo e pīsopé ke maʻu ha lekomeni temipale.

• Fokotuʻu ha ʻaho mo e temipalé ke maʻu ai ho ʻenitaumení.