Ikunaʻi ʻa e Loto-foʻí mo e Ngaahi Fakafeʻātungiá

ʻE lava ke faingataʻa ʻa e moʻuí, pea ʻoku angamaheni ʻaki pē ke loto-foʻi, fai ha ngaahi fehalaaki, pea ʻi ai mo ha ngaahi fehuʻi. ʻI hoʻo falala ki he ʻEikí, te ke lava ʻo ikunaʻi ho ngaahi faingataʻaʻiá pea maʻu ʻa e melinó mo e fiefiá.

• Ako fekauʻaki mo e ngaahi tāpuaki mo e mālohi ʻoku maʻu mei hono moʻui ʻaki ʻa e ongoongolelei ʻo Sīsū Kalaisí. Aleaʻi mo ha mēmipa ʻa e meʻa ʻokú ne fai ke kei mālohi ai pē ʻi he ongoongoleleí ʻi he taimi ʻoku faingataʻa aí. Fakakaukau ke fakaʻaongaʻi ʻa e:

  • “Ikunaʻi ʻo e Loto-Foʻí,” Liahona, Siulai 2019, fakamatala fakaʻilekitulōniká pē.

  • Ngaahi pōpoaki konifelenisi lahi fekauʻaki mo hono ikunaʻi ʻo e loto-foʻí (vakai Jeffrey R. Holland, “Hangē ha Ipu kuo Maumaú,” Liahona, Nōvema 2013, 40–42; Reyna I. Aburto, “[Lolotonga e Ngaahi Faingataʻá, ʻEiki Ta Feʻao Pē]!,” Liahona, Nōvema 2019, 57–60).

• Aleaʻi ʻa e feituʻu ke ʻalu ki ai ke maʻu ʻa e tali ki hoʻo ngaahi fehuʻí mo tokoni ʻi he faingataʻá. Fakakaukau ki ha niʻihi ʻo e ngaahi fili ko ʻení: ko hono ako ʻo e folofolá, talanoa mo e kau mēmipá pe ko e pīsopé, fakaʻaongaʻi ʻa e ngaahi maʻuʻanga tokoni ʻi he ChurchofJesusChrist.org, pea mahuʻinga tahá, kole ki he ʻOtuá ʻi he lotu.