Silaʻi ki Ho Fāmilí

Kuo ʻomi ʻe heʻetau Tamai Hēvaní ha founga ke fakataha ʻa e ngaahi fāmilí ʻo taʻengata. ʻI he temipalé, ʻe lava ke silaʻi fakataha ʻa e ngaahi husepānití mo e uaifí mo e fānaú pea mo e mātuʻá ʻi he ngaahi toʻu tangata kotoa pē ki he moʻuí ni pea mo hono kotoa ʻo e nofo taʻengatá. Ko ʻene ʻosi pē hoʻo maʻu ʻenitaumeni mo ho malí, ʻe lava leva ke silaʻi fakataha kimoua mo hoʻomo fānaú. Te ke lava foki ʻo kau ʻi he ngaahi sila maʻa hoʻo ngaahi kui kuo pekiá.

Ako fekauʻaki mo e sila ʻi he temipalé. Fakakaukau ke fakaʻaongaʻi ʻa e:
- “Fekauʻaki mo e Ngaahi Sila ʻi he Temipalé,” temples.ChurchofJesusChrist.org.
- “Why Is Family So Important?,” “How Can My Family Return to Live with God?,” “What Is the Purpose of the Temple?,” “What Is the Temple Sealing?,” mo e “What about My Family?” ʻi he Families and Temples, 1–5, 9–10, 22–26.
Fokotuʻu ha ʻaho mo e temipalé ke sila ai ki ho malí mo e fānaú (kapau ʻoku kaunga ki ai).

Kapau ʻoku lava ʻi ho ngaahi tūkungá, hokohoko atu hoʻo toutou ʻaʻahi ki he temipalé hili hono maʻu ho ʻenitaumení mo e silá koeʻuhí ke ke lava ai ʻo fakahoko ʻa e ngaahi ouau maʻa hoʻo ngaahi kui kuo pekiá.