Ako fekauʻaki mo e Lakanga Taulaʻeiki Faka-ʻĒloné mo e Polokalama ʻa e Kau Talavoú

Ko e lakanga fakataulaʻeikí ko e mālohi mo e mafai ia ʻo e ʻOtuá kuo foaki ki Heʻene kau tamaioʻeiki ʻi he māmaní pea ʻoku fakaʻaongaʻi ia ke tāpuekina ʻaki ʻEne fānaú kotoa, ʻa e houʻeiki fafine mo e tangata fakatouʻosi. ʻE lava ke maʻu ʻe he houʻeiki tangata moʻui taau taʻu 11 mo motuʻa angé ʻa e Lakanga Taulaʻeiki Faka-ʻĒloné ʻi loto ʻi ha uike ʻe taha mei hono hilifakinima ʻo e mēmipá. ʻI heʻenau fakalakalaka ʻi he hala ʻo e fuakavá, ʻe lava ke maʻu ʻe he houʻeiki tangata moʻui tāú ʻa e Lakanga Taulaʻeiki Faka-Melekisētekí.

• Ako fekauʻaki mo e mafai ʻo e lakanga fakataulaʻeikí mo e founga ʻoku tāpuekina ai ʻa e kāingalotu kotoa pē ʻe he lakanga fakataulaʻeikí. Kapau ko e tangata koe, tokanga makehe ki he ngaahi fuakava mo e ngaahi fatongia ʻoku fekauʻaki mo e Lakanga Taulaʻeiki Faka-ʻĒloné mo e founga ʻoku ngāue ai ʻa e polokalama ʻa e Kau Talavoú. Fakakaukau ke fakaʻaongaʻi ʻa e:

  • “What Does It Mean to Be Ordained to the Priesthood?” ʻi he Families and Temples (tohi tufa, 2016), 5–6.

  • “The Oath and Covenant of the Priesthood Is Relevant to Women,” ChurchofJesusChrist.org.

  • “Ngaahi Kōlomu ʻo e Lakanga Taulaʻeiki Faka-ʻĒloné,” Tohi Tuʻutuʻuni Fakakātoa: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 10.1, ChurchofJesusChrist.org.

  • Ko Hono Fakafoki Mai ʻo e Ongoongolelei ʻo Sīsū Kalaisí (tohi tufa, 2008).

  • Fakafeʻiloaki ʻo e Fakahinohino maʻá e Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (2019), kapau ʻoku kaunga ki ai.

  • Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí (2022).

• Kapau ko ha tangata koe pea ʻokú ke taʻu 11 pe motuʻa ange, talanoa ki he pīsopé pe ko ʻene sekelitali pulé ke fokotuʻu ha ʻinitaviu ke maʻu ʻa e Lakanga Taulaʻeiki Faka-ʻĒloné.