Ako fekauʻaki mo e Lakanga Taulaʻeiki Faka-Melekisētekí

ʻI he Lakanga Taulaʻeiki Faka-Melekisētekí, ʻoku lava ai ʻa e kāingalotu kotoa pē ʻo e Siasí ʻo ʻunu ke ofi ange ki he ʻOtuá ʻaki ʻenau maʻu ʻa e ngaahi ouau ʻo e lakanga fakataulaʻeikí.

ʻOku fakaʻatā koe ʻe he ngaahi ouau ko ʻení ke ke fakahoko ha ngaahi fuakava toputapu mo e ʻOtuá. Lolotonga ʻo e ngāue ʻa e houʻeiki tangata mo fafine fakatouʻosi ʻi he mālohi ʻo e Lakanga Taulaʻeiki Faka-Melekisētekí ʻi heʻenau ngāue ʻi he Siasí, ʻoku fakanofo ʻa e kakai tangata lalahi moʻui tāú ki he Lakanga Taulaʻeiki Faka-Melekisētekí mo ngāue ʻi he ngaahi ouau ʻo e lakanga fakataulaʻeikí.

• Ako fekauʻaki mo e Lakanga Taulaʻeiki Faka-Melekisētekí mo e founga ʻokú ne tāpuekina ai ʻa e kāingalotu kotoa pē. Fakakaukau ke fakaʻaongaʻi ʻa e:

  • “What Does It Mean to Be Ordained to the Priesthood?” ʻi he Families and Temples, 5–6.

• Kapau ko ha tangata lahi koe, talanoa mo e pīsopé pe ko ʻene sekelitali pulé ke fokotuʻu ha ʻinitaviu ke teuteu pea mo maʻu ʻa e Lakanga Taulaʻeiki Faka-Melekisētekí.

• ʻE lava ʻe he kau maʻu Lakanga Taulaʻeiki Faka-Melekisētekí ʻo fai ha ngaahi tāpuaki ʻo e fakafiemālié mo tāpuakiʻi ʻa e mahakí. Kapau ʻokú ke puke pe fiemaʻu ha fakafiemālie pea fiemaʻu ha tāpuaki, kole ha tāpuaki mei ha taha maʻu Lakanga Taulaʻeiki Faka-Melekisēteki ʻokú ke vāofi mo ia.