កែលម្អការសិក្សាដំណឹងល្អ

វាសំខាន់ណាស់ដើម្បីអធិស្ឋាន និងសិក្សាព្រះគម្ពីរញឹកញាប់ ជាបុគ្គលម្នាក់ៗ និងជាមួយគ្រួសាររបស់អ្នក ( ប្រសិនបើអាចធ្វើបាន ) ។ កាលអ្នកធ្វើដូច្នោះ អ្នកនឹងមានអារម្មណ៍ពីព្រះវិញ្ញាណ ហើយរកឃើញការណែនាំនៅក្នុងជីវិតប្រចាំថ្ងៃរបស់អ្នក ។

ស្វែងយល់អំពីការរីកចម្រើនខិតកាន់តែជិតព្រះអង្គសង្គ្រោះ តាមរយៈការសិក្សាព្រះគម្ពីរ និងការអធិស្ឋានប្រចាំថ្ងៃ ។ សូមពិចារណាប្រើ ៖
- ចូរមកតាមខ្ញុំ—សម្រាប់គេហដ្ឋាន និងសាសនាចក្រ ។ ធនធាននេះអាចជាសេចក្តីណែនាំក្នុងការសិក្សាព្រះគម្ពីរប្រចាំថ្ងៃរបស់អ្នក ។
- « អធិស្ឋានជាញឹកញាប់ » និង « ការសិក្សាព្រះគម្ពីរ » នៅក្នុង ប្រកាសដំណឹងល្អរបស់យើង ៖ មគ្គុទេសក៍ចែកចាយដំណឹងល្អនៃព្រះយេស៊ូវគ្រីស្ទ ( ឆ្នាំ២០២៣ ) ទំព័រ ៧៧-៧៩ ។
បើអ្នកមិនទាន់បានធ្វើទេ សូមទាញយកកម្មវិធីបណ្ណាល័យដំណឹងល្អ ឬចូលទៅគេហទំព័រ ChurchofJesusChrist.org ដើម្បីស្វែងរកសុន្ទរកថា អត្ថបទ វីដេអូ និងអ្វីៗបន្ថែមទៀត ។ ប្រសិនបើអ្នកប្រើឧបករណ៍ Android អ្នកអាចទាញយកកម្មវិធីពី Google Play store បាន ។ ប្រសិនបើអ្នកប្រើឧបករណ៍ iOS អ្នកអាចទាញយកកម្មវិធីពី Apple App Store បាន ។
ទស្សនាវដ្ដីសាសនាចក្រអាចជួយអ្នកឲ្យធ្វើតាមព្រះអង្គសង្គ្រោះក្នុងនាមជាសមាជិកនៃសាសនាចក្ររបស់ទ្រង់ ។
- មានទស្សនាវដ្ដីសាសនាចក្រចំនួនបីគឺ លីអាហូណា សម្រាប់មនុស្សពេញវ័យ ដើម្បីកម្លាំងនៃយុវជន សម្រាប់យុវវ័យ និង ប្រិយមិត្ត សម្រាប់កុមារ ។ អ្នកអាចចូលប្រើទស្សនាវដ្តីទាំងនេះជាឌីជីថលដោយឥតគិតថ្លៃនៅក្នុងផ្នែក « ទស្សនាវដ្តី » នៃបណ្ណាល័យដំណឹងល្អបាន ។ ប្រសិនបើអ្នកជាសមាជិកថ្មី ហើយចូលចិត្តច្បាប់ចម្លងបោះពុម្ព សូមទាក់ទងប៊ីស្សព ឬប្រធានសាខារបស់អ្នកសម្រាប់ការជាវដោយឥតគិតថ្លៃរយៈពេលមួយឆ្នាំ ។
ប្រសិនបើអ្នកជាយុវមជ្ឈិមវ័យដែលមានអាយុចាប់ពី១៨ ទៅដល់ ៣០ឆ្នាំ សូមរៀនអំពីថ្នាក់វិទ្យាស្ថានដោយអាន « គោលបំណងនៃថ្នាក់វិទ្យាស្ថាន » នៅលើគេហទំព័រ ChurchofJesusChrist.org និងរៀនអំពីយុវមជ្ឈិមវ័យប្រចាំសប្ដាហ៍ នៅក្នុងបណ្ណាល័យដំណឹងល្អ ។
ចូរតាំងចិត្តសិក្សាព្រះគម្ពីរប្រចាំថ្ងៃ ជាពិសេសចេញពីព្រះគម្ពីរមរមន និងដោយការអធិស្ឋាន ( សូមមើល កិច្ចការ ១៧:១១ ) ។