Ծանոթացեք Ահարոնյան Քահանայության և Երիտասարդ տղամարդկանց ծրագրի հետ

Քահանայությունը Աստծո զորությունն ու իշխանությունն է, որը տրվում է իր ծառաներին երկրի վրա և օգտագործվում է օրհնելու Նրա բոլոր զավակներին՝ թե՛ կանանց, թե՛ տղամարդկանց։ 11 տարեկան և ավելի բարձր տարիքի արժանի տղամարդիկ կարող են ստանալ Ահարոնյան Քահանայությունը անդամի հաստատումից մեկ շաբաթ անց։ Ուխտի ճանապարհով առաջ ընթանալով՝ արժանի տղամարդիկ կարող են ստանալ Մելքիսեդեկյան Քահանայությունը։

• Սովորեք քահանայության իշխանության մասին, և թե ինչպես են բոլոր անդամներն օրհնվում քահանայության միջոցով։ Եթե դուք տղամարդ եք, ձեր ուշադրությունը կենտրոնացրեք Ահարոնյան Քահանայության ուխտերի և պարտականությունների վրա, և թե ինչպես է գործում Երիտասարդ տղամարդկանց ծրագիրը։ Կարող եք օգտվել հետևյալ նյութերից․

  • «Ի՞նչ է նշանակում քահանայության կարգվելը»՝ Ընտանիքներ և տաճարներ (գրքույկ, 2016), 5-6։

  • «Քահանայության երդումն ու ուխտը վերաբերում են կանանց», ChurchofJesusChrist.org։

  • «Ահարոնյան Քահանայության քվորումները», Ընդհանուր ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում, 10.1, ChurchofJesusChrist.org։

  • Հիսուս Քրիստոսի ավետարանի վերականգնումը (գրքույկ, 2008)։

  • Ներածական ուղեցույց Հիսուս Քրիստոսի Վերջին Օրերի Սրբերի Եկեղեցու երեխաների և երիտասարդների համար (2019), եթե կիրառելի է։

  • Երիտասարդներին զորացնելու համար. Ընտրություններ կատարելու ուղեցույց (2022)։

• Եթե դուք տղամարդ եք և 11 տարեկան կամ ավելի մեծ եք, խոսեք եպիսկոպոսի կամ նրա գործադիր քարտուղարի հետ, որպեսզի հարցազրույց կազմակերպեք Ահարոնյան Քահանայություն ստանալու համար։