Njia Yangu ya Agano

Karibu katika familia ya Kanisa la Yesu Kristo la Watakatifu wa Siku za Mwisho! Uko katika njia ambayo itakuletea mambo mengi mapya. Kama dada zako na kaka zako, na kama marafiki zako, tunataka kukusaidia kuitembea njia hii ili ubakie umeikita imani yako katika Yesu Kristo na uhisi uko nyumbani ukiwa Kanisani.

Tunajua kwamba kufuata njia ya agano ya Bwana itakuwa ya kipekee kwako, lakini kama sehemu ya kuanzia tumeorodhesha hapa mambo muhimu ambayo unaweza kuwa nayo. Ikiwa wewe ni muumini mpya, unaweza kuwa na karibu uzoefu wote ulioorodheshwa katika mwongozo huu ndani ya mwaka mmoja wa ubatizo na uthibitisho wako. Kupokea endaumenti yako na kuunganishwa na familia yako kunaweza kutokea mapema katika mwaka wako wa pili wa uumini.

Ikiwa umekuwa muumini kwa muda mrefu zaidi ya mwaka, unaweza kufurahia uzoefu huu wote mara tu utakapokuwa tayari. Labda tayari umeanza kupata uzoefu fulani; ikiwa ni hivyo, mwongozo huu utakusaidia kuboresha unachofanya sasa. Kumbuka, utaratibu na kasi unayofuata inapaswa kutegemea hali yako ya binafsi, utayari na hamu.

Unapopitia mwongozo huu, utaona kuwa kila maelezo ya uzoefu hujumuisha vitu vya kutenda na orodha ya nyenzo ambazo unaweza kusoma. Vitu hivi vya kutenda na nyenzo vinaweza kuwa vya msaada sana kwako kadiri unaposonga mbele kwenye njia yako.

Acha tuanze!

Kwa akina kaka na akina dada wahudumumiaji na wamisionari:

Jukumu lenu katika kuwasaidia waumini wapya wa Kanisa au wanaorudi ni rahisi lakini ni muhimu sana. Fursa yako muhimu zaidi ni kuwa rafiki yao wa kweli. Utakuwa pia mshauri na kiongozi kwao wakati wa miaka miwili ya kwanza ya uumini.

Nyenzo hii itakusaidia katika jukumu hili muhimu. Soma kila uzoefu katika nyenzo hii na kila waumini wapya au wanaorudi, na uwasaidie kukamilisha mambo ya kufanya. Kwa matendo yanayoanza na “Jifunze kuhusu” utarejelea na kujadili nyenzo zilizoorodheshwa pamoja na muumini mpya au anayerudi. Fanya yote uwezayo ili kumsaidia ahisi upendo wa Mungu, ahisi upendo wako na kukaa kwenye njia ya agano.