8:

Ia Tasi, Galulue Faatasi

Lipoti:Faasoa faapuupuu i le vaega se mea sa e faia i le vaiaso ua tuanai na fesoasoani e foia ai se faafitauli.

Mafaufau loloto:E faapefea e le faagaloina o au lava i le auaunaga a isi ona faasaoina moni ai au?

Maimoa:“In the Lord’s Way,” o loo maua i le srs.lds.org/videos. (Pe a le maua le vitio? Faitau le itulau 21.)

I Le Ala a le Alii

Afai e le mafai ona e matamata i le vitio, faitau le tusiga lenei.

Peresitene Henry B. Eyring: O mataupu faavae i le faavaega o le polokalama uelefea a le Ekalesia, e le mo na o se taimi se tasi po o se nofoaga e tasi. E mo taimi uma ma nofoaga uma. …

… O le auala e faia ai e manino. O i latou ua faasolosolo ina tele [ni mea] e ao ona faamaualaloina i latou lava e fesoasoani ia i latou o manaomia le fesoasoani. O i latou ua matua faateteleina e ao ona ositaulaga ofofua nisi o o latou tulaga mafanafana, o taimi, o tomai, ma punaoa e faamama ai le mafatia o i latou o manaomia le fesoasoani. Ma o le fesoasoani e tuuina atu i se auala e faateleina ai le mana o le tagata e taliaina e tausia i latou lava ma ona tausia lea o isi. Afai e faia lenei mea i le ala a le Alii, e mafai ona tupu se mea ofoofogia. E faamanuiaina uma le tagata e foai ma le tagata e taliaina. (Na sii mai mai se lauga na tuuina atu e Peresitene Eyring i le faapaiaga o le Sugarhouse Utah Welfare Services Center, ia Iuni 2011, LDS.org)

PERESITENE Dieter F. Uchtdorf: Uso e ma tuafafine, ua tofu i tatou ma se tiutetauave tuuto ia nofouta i manaoga o isi ma auauna atu e pei ona sa faia e le Faaola—e aapa atu, faamanuia, ma sii ae i latou e siomia i tatou.

E masani lava, o le tali i la tatou tatalo e le oo mai a o tatou tootutuli, ae pe a o tatou savavali, e auauna atu i le Alii ma auauna atu ia i latou e siomia i tatou. O galuega le manatu faapito o le auauna atu ma le faapaiaina e faamamaina ai o tatou agaga, aveese ai una mai o tatou mata faaleagaga, ma toina mai ai pupuni o le lagi. O le avea ma tali i le tatalo a se isi tagata, e masani lava ona maua ai le tali o a tatou lava tatalo.

(“Faatalitali i le Auala i Tamaseko,” Ensign po o le Liahona, Me 2011, 76)

Toe foi i le itulau 20.

Talanoa: E mafai faapefea e le auauna atu i isi ona tatalaina faamalama o le lagi i lou olaga?

Faitau:O nisi e lagona e tatau ona latou maua mea o loo i ai i isi tagata, lea e mafua ai le ita. O isi e lagona le agavaa i mea latou te lei mauaina. O nei papupuni e lua e noatia ai tagata mai le vaaia o se upumoni taua: o mea uma e a le Atua ia. E mafai ona faatoilaloina le ita ma le agavaa e ala i le taulai atu i mea e manaomia e isi tagata. Faitau Mosaea 2:17, Mosaea 4:26, ma le upu sii a Peresitene Gordon B. Hinckley (i le itu taumatau).

“Pe a outou auauna atu i o outou uso a tagata, ua nao lo outou auauna atu lava lea i lo outou.”

Mosaea 2:17

“Ma o lenei, mo le taofia pea o le … faamagaloina o a outou agasala mai lea aso i lea aso, … ou te manao ia outou faasoa atu a outou mea i e matitiva, ia taitasi le tagata ma faia e tusa ma mea ua ia te ia, e pei o le fafagaina o e ua fia aai, faaoofuina o e ua lē lavalava, asiasi atu i e mamaʼi ma auauna atu mo lo latou mapusaga, faaleagaga ma faaletino, e tusa ma o latou manaoga.”

Mosaea 4:26

“Pe a outou lotogatasi, e le faatapulaaina lo outou mana. E mafai ona e ausia soo se mea e te manao e ausia.”

Gordon B. Hinckley, “Your Greatest Challenge, Mother,” Ensign, Nov. 2000, 97

Gaoioiga

Laasaga 1: O se vaega, mafaufau i se tasi o loo manaomia le fesoasoani.

Laasaga 2: Talanoaina taleni, tagata fesootai, ma punaoa o ia te oe e ofoina atu.

Laasaga 3: Faia se fuafuaga e auauna atu i lena tagata. Mo se faataitaiga, e mafai ona e:

• Faatino se galuega auauna atu i lou alalafaga.

  

• Saunia lou talafaasolopito o aiga e faaaoga ai le tamaitusi o le O Lou Aiga: O Tala e Aumai Faatasi ai i Matou. Ona alu lea i le malumalu ma faatino sauniga paia mo tagata o le aiga ua maliliu.

• Fesoasoani i se tasi i lona auala i le ola tutoatasi.

Faitau:Upu sii na saunia e Elder Robert D. Hales ma Peresitene Thomas S. Monson (i le itu taumatau)

“O le faamoemoega o le ola faalagolago o le tagata lava ia i le faaletino ma le faaleagaga o le ave lea o i tatou i tulaga maualuluga atu ina ia mafai ai ona tatou siitia i luga isi o manaomia se fesoasoani.”

Robert D. Hales, “O Le Manatuaina Pe o Ai i Tatou: O le Faamanatuga, le Malumalu, ma le Ositaulaga e Ala i le Auauna Atu,” Ensign po o le Liahona, Me 2012, 36

“Pe a tatou galulue faatasi soosoo tauau, … e mafai ona tatou ausia soo se mea. Pe a tatou faia, tatou te aveese le vaivaiga o le tutoatasi o se tagata e toatasi ma suitulaga i ai le malosiaga o le toatele o tagata e galulue faatasi.”

Thomas S. Monson, “Church Leaders Speak Out on Gospel Values,” Ensign, Me 1999, 118

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina faatinoga taitasi.

• Galue i le fuafuaga sa e faia e auauna atu ai i se tasi.

• Faasoa mea na e aoaoina i le aso e uiga i le auauna atu i lou aiga poo uo.