6:

Galue: Taulimaina Tiutetauave ma Finafinau

Lipoti:Faasoa faapuupuu i le vaega se mea sa e ausia i le vaiaso ua tuanai ona sa e puleaina lou taimi ma le tatau.

Mafaufau loloto:Aisea e finagalo ai le Tama Faalelagi ia te au ia taulimaina le tiutetauave patino mo lou olaga?

Maimoa:“Sedrick’s Journey,” o loo maua i le srs.lds.org/videos. (Pe a le maua le vitio? Faitau le itulau 17.)

O Le Malaga a Sedrick

Afai e le mafai ona e matamata i le vitio, faitau le tusiga lenei.

mai le O Le Malaga a Sedrick

Sedrick: O lou igoa o Sedrick Kambesabwe. Ou te nofo i le Ripapelika Faatemokalasi o Congo. O au o se tagata o le Ekalesia a le AAG.

O au o se faifeautalai o le paranesi i le nuu o Kipusanga. E manaomia ona ou saunia e alu i se misiona i atunuu mamao. Ina ia mafai ona alu i se misiona, ou te manaomia se tusifolau, lea ua 250 tala amerika i le taimi nei.

Ina ia maua se tupe, e faatau atu e au ma lou tama ni fai. O nisi o nuu e gaosia le tele o fai: O Tishabobo, Lusuku, ma Kamanda.

O Tishabobo e tusa ma le 9 maila mai iinei. O Lusuku e 18 maila. E 18 foi Kamanda. Mate o iina ma faatau ia fai, ma aumai iinei ina ia faatau atu.

E mate faaaogaina se uila vilivae e malaga atu ai i nuu. E mafai ona ma avea ni faaputuga o fai se lima pe ono.

Pe a ou malaga i le uila vilivae , e alu ai le itula ma le afa i itu taitasi, pe a lelei le uila ma o loo ou maua le malosi. A oo i le aoauli ma ua vevela tele, e telegese lou alu ona o le vevela ma le la.

E mafai ona ou faia ni malaga se lua i le aso pe afai ou te vave ala i le taeao. O se auala lelei e fesoasoani e totogi ai mo lau tusifolau.

Lea la ua ou mauaina ni tupe, e itiiti i lea taimi, o lea la ua ou sefeina mo lau aoga ma le misiona. Ma o le taimi lenei, i le mavae ai o le fa tausaga o faigaluega, ua lava nei le tupe mo lau tusifolau, faaopoopo i ai le 70 tala amerika ua sefeina.

Toe foi i le itulau 16.

Talanoa: E faapefea ona tatou aoao ia faaauau pea e tusa pe faigata le galuega?

Faitau:Mataupu Faavae ma Feagaiga 42:42 ma le upu sii na saunia e Peresitene James E. Faust (i le itu taumatau)

“Aua e te paie; ona o ia e paie o le a lē ʼaia le areto pe ofu i ofu o lē e galue.”

Mataupu Faavae ma Feagaiga 42:42

“O le tumau mausali e faaalia e i latou o e … e le fiu pe a faapea mai isi, ‘E le mafai ona faia.’”

James E. Faust, “Tumau Mausali,” Ensign po o le Liahona, Me 2005, 51

Talanoa: Faitau le upu sii a Elder D. Todd Christofferson (i le itulau 17). Aisea e faamoemoe ai le Alii ia tatou galulue mo mea ua tatou maua?

“Na mamanuina e le Atua lenei olaga faaletino e manaomia ai le tauiviga faifai pea. … O le galue e mafai ai ona tausia ma faamauoaina le olaga. … O mea ua ausia e ala i le galue malosi, e aumaia se lagona o le tauaogaina o le tagata lava ia. O se olaga faapaiaina e tumu i le galue, o nisi taimi e fai faafia, … o nisi taimi e le talisapaiaina, ae o le galue e faaleleia ai, … e siitia ai, [ma] saili atu ai i mea e sili atu.”

D. Todd Christofferson, “Toe Manatunatuga i se Olaga Faapaiaina,” Ensign po o le Liahona, Nov. 2010, 16

Gaoioiga

Laasaga 1: Filifili se paga ma faitau faatasi laasaga taitasi i le mamanu o loo i lalo.

Laasaga 2: Fai atu i le tasi ma le isi e talanoa e uiga i se galuega faigata tele po o se luitau o loo feagai ma le tasi i le taimi nei.

Laasaga 3: Fesoasoani i le tasi ma le isi e faaaoga laasaga e fa o loo i lalo i le galuega faigata po o le luitau.

➊ Ia Tausia se Uiga Lelei	➋ Manatua ia Galulue Faatasi	➌ Suia le Fefe i le Faatuatua	➍ Agai i Luma ma le Onosai ma le Lototele
Lisi au faamanuiaga.	Fesili atu i uo, tupulaga, tagata o le vaega, ma isi mo le fesoasoani.	Aloese mai le masalosalo. Ia manatua o loo i le Alii le mana uma. Valaau ia te Ia ma talia Lona finagalo.	Aua, aua, aua le fiu; tumau ma le faatuatua. Vaavaai mo ni lesona atonu o loo aoao mai e le Alii ia te oe.

Laasaga 4: Tusi ni auala se lua pe tolu e mafai ai ona e agai i luma i le faatuatua, ma faalagolago o le a saunia e le Atua.

Mafaufau loloto:Faitau le upu sii na saunia e Peresitene Thomas S. Monson (i le itu taumatau). E faapefea ona ou taulimaina pe a ou aafia i le toilalo?

“O la tatou tiutetauave o le siitia lea mai le faaleogolua i se tagata tauivi , mai le toilalo i le faamanuiaina. O la tatou galuega o le avea ma tagata silisili. O se tasi o meaalofa silisili o le Atua ia i tatou o le olioli i le taumafai pea, aua e leai se toilalo popo e manaomia ona avea ma taunuuga.”

Thomas S. Monson, “The Will Within,” Ensign, Me 1987, 68

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina faatinoga taitasi.

• Filifili se mea e faigata pe le toafimalie ma faamaea le galuega. Tusi i lalo.

• Faasoa mea na e aoaoina i le aso e uiga i le tumau mausali i lou aiga ma uo.