7:

Foia Faafitauli

Lipoti:Faasoa faapuupuu ma le vaega se galuega faigata sa mafai ona e faamaeaina i le vaiaso ua tuanai.

Mafaufau loloto:Aisea e faataga ai e le Tama Faalelagi ona tatou oo i faafitauli ma luitau?

Maimoa:“A Bigger Truck?” o loo maua i le srs.lds.org/videos. (Pe a le maua le vitio? Faitau le itulau 19.)

O Se Loli e Tele Atu?

Afai e le mafai ona e matamata i le vitio, faitau le tusiga lenei.

mai le O Se Loli e Tele Atu

Elder Dallin H. Oaks: E toalua ni alii sa faia se la pisinisi faipaaga. Sa la fauina se tamai fale i tafatafa o se auala pisi. Sa la maua se loli ma malaga atu ai i le faatoaga a le faifaatoaga, ma sa la faatauina mai ai se uta o meleni e ta’i tala i le meleni. Sa la aveina le loli ma le uta meleni i lo la tamai fale i tafatafa o le auala, ma sa la faatauina atu i le tala i le meleni. Sa la malaga atu i le faifaatoaga meleni ma toe faatau mai ai foi se isi uta meleni e tala i le meleni. Ina ua taunuu i le tamai fale i tafatafa o le auala, sa la toe faatauina atu foi i le tala i le meleni. Ina ua la toe malaga atu i le faifaatoaga meleni e toe faatau mai se isi uta, sa fai atu le tasi o le paaga, “E le o tele se tupe o ta mauaina i lenei pisinisi, a ea?” “E leai,” o le tali lea a lana paaga. “Mata e le tatau ona aumai se loli e tele atu?”

(“Ia Tulimatai Atu i Mea e Faamuamua,“ Ensign, Me 2001, 82)

Toe foi i le itulau 18.

Talanoa: O le a le faafitauli moni o loo i ai i lenei tala? O a nisi o filifiliga mo alii e toalua?

Faitau:Mataupu Faavae ma Feagaiga 9:7-9 ma le upu sii na saunia e Elder Robert D. Hales (i le itu taumatau)

“Faauta, e te le’i malamalama; fa te oe ou te tuuina atu ia te oe, i le na o lou ole mai ae te le’i mafaufau i ai.

“Ae peitai, faauta, ou te fai atu ia te oe, e ao ina e filifili mae’a ai i lou mafaufau; ona e ole mai lea ia te a’u po ua sa’o, afai ua sa’o ou te faia ia mu lou loto i totonu ia te oe; o lea la, o le a e lagona ai ua tonu.

“Ae afai ua le sao, o le a e le maua ni lagona faapena, ae o le a e maua se mafaufauga papa o le a fai ai ia galo ia te oe le mea ua sese.”

Mataupu Faavae ma Feagaiga 9:7–9

“E finagalo le Alii ia i tatou ia tatou fesoasoani e foia o tatou lava faafitauli. O i tatou o ni tagata e mafaufau ma iloilo. Ua ia i tatou le agavaa e iloiloina ai mea tatou te manaomia, e fuafua ai, e faatuina ai ni sini, ma foia ai o tatou faafitauli.

Robert D. Hales, “O Meaalofa Lelei Uma,” New Era, Tes. 1984, 27, 28

Gaoioiga

Laasaga 1: Filifili se paga ma faitau laasaga o loo i lalo.

ata o le foia o faafitauli

Laasaga 2: Filifili se faafitauli o loo feagai ma oe ma tusi i le pito i lalo.

Laasaga 3: Faaaoga laasaga taitasi i lou faafitauli.

Faailoa:

Suesue ia filifiliga:

Filifili ma faatino:

Faitau:1 Nifae 17:51 ma le 1 Nifae 18:2–3 (i le itu taumatau)

“Ma o lenei, afai ua i ai i le Alii se mana tele faapea, ma e tele vavega ua faia e ia i totonu o le fanauga a tagata, e faapefea la ona lē mafai ona ia aʼoaʼoina o aʼu, ia ʼou fausia se vaa?”

1 Nifae 17:51

“O lenei, o aʼu o Nifae, sa ou lē taina laau i le ala sa aʼoaʼoina e tagata, pe sa ou fauina le vaa i ala a tagata; ae sa ou fauina i le ala na faaali mai e le Alii ia te aʼu; o le mea lea, sa lei tusa ai ma le ala a tagata.

“Ma o a’u, o Nifae, sa ou alu soo i le mauga, ma sa ou tatalo soo atu i le Alii; o le mea lea na faaali mai ai e le Alii ia te aʼu mea tetele.”

1 Nifae 18:2–3

Talanoa: Na faapefea ona mafai e Nifae ona fausia se vaa?

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina faatinoga taitasi.

• Faatino i laasaga sa talanoaina i le gaoioiga e amata ai le foiaina o lou faafitauli. Manatua, aua le fiu! E alu ai le taimi e foia ai faafitauli ma faia ni suiga.

• Faasoa mea na e aoaoina i le aso e uiga i le foiaina o faafitauli i lou aiga poo uo.