12:

Maua Sauniga o le Malumalu

Lipoti:Faasoa lau parakalafa o le “misiona o le olaga” pe a e finagalo i ai.

Mafaufau loloto:O a nisi o mea e sili ona taua ia te oe?

Maimoa:“Doing What Matters Most,” o loo maua i le srs.lds.org/videos. (Pe a le maua le vitio? Faitau le itulau 31.)

O Le Faia o Mea e Sili ona Taua

Afai e le mafai ona e matamata i le vitio, faitau le tusiga lenei.

mai le O Le Faia o Mea e Sili ona Taua

FAAMATALA upu: I se po pogisa ia Tesema sa pau ai se vaalele i Forida. E silia ma le 100 tagata sa maliliu. E na o le 20 maila le mamao mai le saogalemu.

Peresitene Dieter F. Uchtdorf: Ina ua mavae le faalavelave, sa taumafai tagata suesue e fuafua le mafuaaga. Sa lelei lava ona tuu i lalo le kia e tulaueleele ai. Sa matua lelei atoatoa le tulaga tau masini o le vaalele. Sa galulue lelei totoga uma—mea uma lava sei vagana ai se mea se tasi: o se tamai matauila ua pe. O lena tamai matauila—pe na o le 20 sene lona tau—na amataina le filifili o mea na tutupu ma iu ai i le oti matautia o le silia ma le 100 tagata.

O le mea moni, o le matauila na lei ola e lei mafua ai le faalavelave; na tupu ona ua tuu e le auvaa lana taulaiga i se mea sa foliga mai e afaina i lena lava minute ae galo ai le mea e aupito sili ona afaina ai.

O le lilifa atu e taulai i mea e le taua a o faatuatuanai mea e aupito sili ona taua, e le na o pailate e tutupu ai ae o tagata uma lava. E lamatia uma lava i tatou. … Pe taulai ea ou mafaufauga ma lou loto i mea ua na o sina taimi e afaina ai, po o mea e aupito sili ona taua?

(“O Loo Tatou Faia le Galuega Tele ma ua Le Mafai ona Tatou o Ifo i Lalo,” Ensign po o le Liahona, Me 2009, 59, 60)

Toe foi i le itulau 30.

Talanoa: O a ni mea e le taua e taofia ai i tatou mai le alualu i luma? E mafai faapefea ona fesoasoani sauniga o le talalelei ia i tatou?

Faitau:Mataupu Faavae ma Feagaiga 84:20 ma le upu sii na saunia e Peresitene Boyd K. Packer (i le itu taumatau)

“O lea, o ona sauniga, ua faaalia ai le mana o le faale-atua.”

Mataupu Faavae ma Feagaiga 84:20

“O le a faamanuia i tatou e le Alii a o tatou auai atu i sauniga paia o galuega o malumalu. O faamanuiaga iina e le na o tatou auaunaga i le malumalu e faatatau i ai. O le faamanuiaina i tatou i mea uma i o tatou olaga. O le a tatou agavaa e tuu atu i le Alii e ave se faaopoopoga i o tatou tulaga faaleagaga ma faaletino.”

Boyd K. Packer, The Holy Temple (1980), 182

Talanoa: A o tatou sailia le ola tutoatasi, aisea e taua ai le agavaa mo le malumalu?

Gaoioiga

Laasaga 1: Ma se paga, faitau le upu sii na saunia e Elder Quentin L. Cook (i le itu taumatau) ma mau nei. Vase faamanuiaga folafolaina mo i latou o e tapuai i totonu o le malumalu.

“O le a lelei ona tatou faia pe a suesueina le vaega e 109 o le Mataupu Faavae ma Feagaiga ma mulimuli i le apoapoaiga a Peresitene [Howard W.] Hunter “e faatuina le malumalu o le Alii e fai ma faailoga sili o lo [tatou] auai i le ekalesia.’”

Quentin L. Cook, “Vaai ia Oe Lava ia i totonu o le Malumalu,” Ensign po o le Liahona, Me 2016, 99; sii mai i le Aoaoga a Peresitene o le Ekalesia: Howard W. Hunter (2015), 178

“O lea, o ona sauniga, ua faaalia ai le mana o le faale-atua” (MF&F 84:20).

“Ma ina ia latou tutupu aʼe ia te oe, ma maua le atoatoaga o le Agaga Paia, ma faatulagaina e tusa ma au tulafono, ma saunia e maua mea manaomia uma” (MF&F 109:15).

“Ma a solitulafono lou nuu, soo se tasi o i latou, ia vave ona latou salamo ma toe foi mai ia te oe, ma talia i lau silafaga, ma toefuatai i faamanuiaga ua e faauuina e sasaa mai i luga o i latou o e migao ia te oe i lou maota” (MF&F 109:21).

“Ma e matou te ole atu ia te oe Le Tamā Paia e, ina ia o atu au auauna mai lenei maota ua faaauupegaina i lou mana, ma ina ia i ai lou suafa i luga o i latou, ma i ai lou mamalu e siosiomia i latou, ma i ai i au agelu le tausiga i o latou luga” (MF&F 109:22).

“Matou te ole atu ia te oe, Le Tama Paia e, … ina ia leai se auupega e gaosia e faasaga mai ia te i latou e manumalo” (MF&F109:24–25).

Laasaga 2: Mafaufau loloto taitoatasi, “O le a le mea e tatau ona ou suia i lou olaga ina ia auai ai e le aunoa i sauniga o le malumalu?”

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina galuega taitasi.

• Afai o ia te oe se pepa faataga o le malumalu, faatulaga se aso e auai ai i le malumalu.

• Afai e leai sau pepa faataga o le malumalu, feiloai ma lau epikopo po o le peresitene o le paranesi e talanoaina pe mafai faapefea ona e saunia e maua sauniga o le malumalu.

• Faasoa mea na e aoaoina i le aso e uiga i sauniga o le malumalu i lou aiga poo uo.

Alu i le itulau 32 ma toe iloilo ou laasaga e sosoo ai.