1:

O Le Ola Tutoatasi O se Mataupu Faavae o le Faaolataga

A o lei amata, faitau le “Pe Faapefea ona Faaaoga le Tusi Lesona Lenei” i totonu o le faavaa pito i luma.

Mafaufau loloto:Ioane 10:10 (i le itu taumatau)

“Ua ou sau ina ia latou maua le ola, ia maua atili ai lava.”

Ioane 10:10

Talanoa: O le a le olaga e faateleina?

Maimoa:“He Polished My Toe,” o loo maua i le srs.lds.org/videos. (Pe a le maua le vitio? Faitau le itulau e 5.)

Na ia FAAIILAINA Lou Vaematua

Afai e le mafai ona e matamata i le vitio, faitau le tusiga lenei.

mai le Na Ia Fufuluina Lou Vaematua

Elder Enrique R. Falabella: A o ou tuputupu ae, sa le tele ni a matou mea. Ou te manatua ai se tasi o aso ina ua ou alu atu i lou tama ma fai atu ia te ia, “Papa, ou te manaomia se pea seevae fou. O seevae ia ua leva ona leaga.” Sa ia tu ma tilotilo i ou seevae ma vaaia ai e moni ua matuai leaga lava ou seevae. Sa ia fai mai, “Ou te manatu o se mea lenei e mafai ona ta faaleleia.” Sa ia ave sina polesi uliuli ma faaiila ou seevae, tuua ai ou seevae ua iila ma manaia. Sa ia fai mai ia te au, “Ia ua faaleleia ou seevae, atalii.” Sa ou tali atu, “Leai, e lei faaleleia lava. E mafai lava ona e vaaia lou tamatamaivae o loo aliali ifo i fafo o lou seevae.” Sa ia fai mai, “Ia, e mafai ona ta faalelei foi lena mea!” Sa ia ave nisi polesi ma sa ia faaiila lou tamatamaivae!

O lena aso sa ou iloa ai o loo i ai se tali i faafitauli uma. Ua ou mautinoa o lenei mataupu faavae o le ola tutoatasi ma lenei taulamua o se auala e faanatinati ai le galuega a le Alii. O se vaega o le galuega o le faaolataga. E mafai e i tatou uma taitoatasi ona atili ona lelei i lo le tulaga o loo tatou i ai nei. E tatau ona e amata popole. I le tele o taimi tatou te mimita ai, ma o lenei mea e faaleagaina ai lo tatou alualu i luma. O aso uma o se aso e mafai ona ou faia ai le faaleleiga pe afai ou te filifili e faia seisi mea e faaleleia ai le mea sa le lelei ona ou faia i le taimi ua tuanai. Afai e te faia ma le faatuatua, faatinoina o le faatuatua ma le faamoemoe ia Keriso o le a Ia i ai iina e fesoasoani ia te oe, o le a e maua le auala e faia ai le faaleleiga i mea faaletino ma mea faaleagaga. Ona o loo soifua le Atua ma o oe o Lona atalii po o le afafine.

Toe foi i le itulau 4.

Talanoa: E te talitonu o i ai ni tali i ou faafitauli? E mafai faapefea ona tatou agavaa mo le mana o le Alii e lagolagoina i tatou?

Faitau:O le Tusitaulima 2 faasino upu ma le upu sii na saunia e Elder Dallin H. Oaks (i le taumatau). O le ola tutoatasi e le faapea e mafai ona tatou faia pe maua soo se mea tatou te mafaufau ai. Ae, o le talitonu e ala i le alofa tunoa, po o le mana gafatia, o Iesu Keriso ma lo tatou lava taumafaiga, e mafai ona tatou maua mea uma e manaomia faaleagaga ma faaletino o le olaga tatou te mananao ai mo i tatou lava ma o tatou aiga. O le ola tutoatasi o se faamautinoaga o lo tatou faalagolago po o le faatuatua i le mana o le Atua e mafuli ai mauga i o tatou olaga ma tuu mai ia i tatou le malosi e manumalo ai i tofotofoga ma faigata.

“O le ola faalagolago o le tagata ia te ia lava o le tomai, tautinoga, ma le taumafaiga e saunia mea e manaomia o le olaga mo le tagata lava ia ma le aiga. A ola faalagolago tagata o le Ekalesia ia i latou lava, o le a sili atu ona lelei lo latou auauna atu ma tausia isi.”

Tusitaulima 2: Taitaiina o le Ekalesia (2010), 6.1.1

“Po o le a lava le mafuaaga o lo tatou faalagolago atu i isi mo ni faaiuga po o ni punaoa lea e mafai ona tatou saunia mo i tatou lava, o le a faavaivaiina ai i tatou i le faaleagaga ma telegese ai lo tatou alualu i luma i le mea o loo faamoemoe le fuafuaga o le talalelei mo i tatou ina ia oo i ai.”

Dallin H. Oaks, “Salamo ma Suia,” Ensign po o le Liahona, Nov. 2003, 40

Talanoa: Na faapefea ona fesoasoani le alofa tunoa o Keriso ia te oe ia maua mea e manaomia faaleagaga ma faaletino o le olaga?

Gaoioiga

Laasaga 1: Filifili se paga ma faitau mataupu faavae taitasi o loo i lalo.

Laasaga 2: Talanoa pe aisea i le talitonu ai i nei upumoni ona mafai ona fesoasoani ia te oe ia tutoatasi atili.

O Mataupu Faavae Autu o le Ola Tutoatasi
O le ola tutoatasi o se poloaiga.	“Ua poloaiina le Ekalesia ma ona tagata e le Alii ina ia ola faalagolago le tagata ia te ia lava ma tutoatasi” (Aoaoga a Peresitene o le Ekalesia: Spencer W. Kimball [2006], 116).
E mafai e le Atua ma o le a saunia se ala mo Lana fanau amiotonu ina ia ola tutoatasi ai.	“Ma o loʼu faamoemoe o le faia lea o mea mo laʼu au paia, aua o mea uma e a aʼu” (MF&F 104:15).
E tasi le tulaga faaletino ma le tulaga faaleagaga i le Atua.	“O le mea lea, e moni ou te fai atu ia te outou, ua faaleagaga mea uma lava ia te au” (MF&F 29:34).

Talanoa: Faitau le upu sii a Peresitene Marion G. Romney (i le itu taumatau). E faapefea ona e iloa pe afai ua atili ona e ola tutoatasi?

“A aunoa ma le faalagolago o le tagata ia te ia lava, e le mafai ona faaaogaina e se tasi ia manaoga e auauna atu. E faapefea ona tatou foai atu pe afai e leai se mea e foai atu? E le mafai ona maua ni meaai mo e o fiaaai pe afai e leai ni meaai o i fata. E le mafai ona maua mai ni tupe e fesoasoani ai i e le tagolima, mai ni ato tupe e le o i ai ni tupe. E le mafai ona maua mai se fesoasoani ma se malamalamaaga mai se tasi ua mativa i lagona E le mafai ona maua mai se aoaoga mai se ua le aoaoina. A o le mea e sili ona taua o na mea uma, e le mafai ona maua mai se taitaiga faaleagaga mai i se ua vaivai faaleagaga.”

Marion G. Romney, “O Le Tulaga Selesitila o le Faalagolago o le Tagata ia te Ia Lava,” Liahona, Nov. 1984, 6

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina tautinoga taitasi.

• Faitau le tusi mai le Au Peresitene Sili i le itulau e 3, ma vase lalo o faamanuiaga folafolaina. O le a le mea e tatau ona e faia e maua ai faamanuiaga folafolaina? Tusi ou manatu i lalo.

• Faasoa mea na e aoaoina i le aso e uiga i le ola tutoatasi i lou aiga poo uo.