2:

Faatino le Faatuatua ia Iesu Keriso

Lipoti:Faasoa faapuupuu ma le vaega le auala na atili ai ona e ola tutoatasi i le vaiaso ua tuanai.

Mafaufau loloto:E faapefea e lou faatuatua ia Iesu Keriso ona aafia ai lou ola tutoatasi?

Maimoa:“Exercise Faith in Jesus Christ,” o loo maua i le srs.lds.org/videos. (Pe a le maua le vitio? Faitau le itulau 7.)

Faatino le Faatuatua ia Iesu Keriso

Afai e le mafai ona e matamata i le vitio, faitau le tusiga lenei.

Elder David A. Bednar: O le faia o le faatinoina lea o le faatuatua. O loo tauaveina e le fanauga a Isaraelu le ato laau o le feagaiga. Ua latou tau atu i le vaitafe o Ioritana. O le folafolaga, o le a latou sopoina le eleele matutu. O le a le taimi na vaeluaina ai le vai? Ina ua susu o latou vae. Sa latou savavali atu i le vai—faatino. Na mulimuli mai le mana—na vaeluaina le vai.

E tele ina tatou talitonu, “O le a ou maua lenei malamalama atoa, ona ou faatino lea i mea ou te faia.” Ou te fautua atu ia lava ni mea tatou te amata ai. Ua tatou maua se lagona o le itu sao e agai i ai. O le faatuatua o se mataupu faavae—o le mataupu faavae—o le faatinoga ma le mana. O le faatuatua moni e taulai atu i le Alii o Iesu Keriso ma e tau atu e le aunoa i faatinoga.

(Tagai “Seek Learning by Faith” [lauga i faiaoga faalelotu a le Church Educational System, Feb. 3, 2006], lds.org/media-library)

Toe foi i le itulau 6.

Talanoa: Aisea e taitai atu ai i taimi uma e le faatuatua moni i le faatinoga? Aisea e manaomia ai le faatuatua mo le Atua ina ia fesoasoani ai ia i tatou i le faaletino ma le faalegaga?

Faitau:Mataio 6:30 ma le upu sii mai le Lectures on Faith (i le itu taumatau)

“Afai e faapea ona faaofuina e le Atua le vao o le fanua, o ola mai i le aso, a e lafoina a taeao i le ogaumu, e le sili ea ona faaofuina o outou, e faatuatua itiiti?”

Mataio 6:30

“E le o au galuega uma o soo se ituaiga, e faalagolago i lou faatuatua? … A o tatou maua e ala i le faatuatua ia faamanuiaga faaletino uma ua tatou mauaina, e faapena foi ona tatou maua e ala i le faatuatua faamanuiaga faaleagaga uma ua tatou mauaina. Ae o le faatuatua e le na o se mataupu faavae o le faatinoga, ae o le mana foi.”

Lectures on Faith (1985), 2, 3

Gaoioiga

O le auala i le ola tutoatasi o se malaga o le faatuatua. Ua valaaulia i tatou e Le Au Peresitene Sili ma le Korama a Aposetolo e Toasefululua e faia le faateleina o lo tatou faatuatua i le Tama Faalelagi ma Lona Alo o se faamuamua i o tatou olaga.

Laasaga 1: O se vaega, faitau faamuamua faaperofeta i le pusa o loo i lalo.

Laasaga 2: Talanoa le auala o le a fesoasoani ai le faamamaluina ma le faamaoni o le Sapati, aai ma feinu i le faamanatuga, ma le faitauina o le Tusi a Mamona ia te oe ia ola tutoatasi atili.

Faamuamua ma Folafolaga Faaperofeta
“Mafaufau i le maoae o lenei fetalaiga! O le atoatoaga o le lalolagi ua folafola mai ia i latou o e tausia le paia o le aso Sapati” (Russell M. Nelson, “O Le Sapati o se Aso Fiafia,” Ensign po o le Liahona, Me 2015, 130; tagai foi MF&F 59:16).
“E lei mate le faaleagaga ma e faapena foi feagaiga [o le faamanatuga]. E le gata ina aumaia e feagaiga tautinoga ae latou te aumaia le mana faaleagaga” (fonotaga faaleaoaoga Neil L. Andersen, General Authority, Ape. 2015).
“Ou te molimau atu e mafai ona avea [le Tusi a Mamona] ma se ‘Urima ma le Tumema’ patino i lou olaga” (Richard G. Scott, “The Power of the Book of Mormon in My Life,” Ensign, Oct. 1984, 11).

Tautino:Tautino atu e faia faatinoga nei i le aluga o le vaiaso. Tuu se togi i pusa pe a e faamaeaina faatinoga taitasi.

• Faaali lou faatuatua i le aso Sa lenei e ala i le tausia o le paia o le aso Sapati ma ai ma inu ma le faaaloalo i le faamanatuga.

• Faitau mai le Tusi a Mamona i aso uma.

• Faitau ia mau i le itulau 7. Filifili se mau e tasi ma faasoa i lou aiga po o uo.

  O Mau e uiga i le Faatuatua i le Faatinoga

  Ona sa le tuua e Tanielu le tatalo, sa lafo ai o ia i se pa o leona, ae “ua auina mai e lou Atua… o ana agelu, ua … punitia ai gutu o leona, … ua le afaina lava o ia, aua na ia faatuatua i lona Atua” (Tanielu 6:22–23; tagai foi i fuaiupu 16–21).

  Sa tuuina atu e le Alii ia Liae le Liahona e taitai ai lona aiga, ma “sa galue mo i latou e tusa ma lo latou faatuatua i le Atua. … [Ae] ina ua oo ina latou faapaie, ma galo ona faaaoga lo latou faatuatua ma le filiga … ma latou le alualu i luma i la latou malaga” (Alema 37:40–41).

  “Ina aumai ia mea e sefuluai ai a outou mea uma lava i le fale e tuu ai mea … ma ia outou tofotofo mai ia te a’u i lenei mea, … pe ou te le toina pupuni o le lagi mo outou, ma sasaa atu le manuia mo outou, ina seia silisili ona tele” (Malaki 3:10).

  I le vaitaimi o se oge, sa fai atu ai Elia i se fafine ua oti lana tane e avatu ia te ia lana potoi mulimuli. Sa folafola atu e Elia ona o lona faatuatua o le a saunia e le Alii mea e ai mo ia, ma sa le uma lava ana mea e ai. (Tagai 1 Tupu 17.)

  “O e ua tigaina ma ē matitiva o loo latou saili i se vai, a ua leai, ua matutu o latou laulaufaiva o ;e fia inu, o au o Ieova, ou te tali atu ia te i latou, o au o le Atua o Isaraelu, ou te le tuulafoaiina i latou” (Isaia 41:17; tagai foi fuaiupu 18).