Pasiuna

Sugyot para sa mga priesthood leader: Ribyuha kini nga pasiuna kauban sa returning missionary.

Basaha:Congratulation sa imong pagtuman sa imong tawag nga moserbisyo sa Ginoo isip misyonaryo. Maayo kaayo ang imong nahimo. Sa imong misyon, okupado kaayo ka sa pagtudlo sa doktrina ni Kristo, nagdapit og mga kalag sa pagduol kang Kristo, ug paghangyo sa mga investigator sa paggamit og hugot nga pagtuo.

Hisguti:Unsa nga mga ehemplo ang nakita nimo sa mga tawo sa imong misyon nga milihok uban sa pagtuo ug pagsalig sa Dios? Unsay ikatudlo niining mga ehemplo diha nimo mahitungod sa pagsalig sa Dios ug paglihok inubanan sa pagtuo kalabut sa panarbaho, edukasyon, ug kaminyoon?

Basaha:Ang Ginoo nangulo og “kahibulongan nga buhat” (D&P 6:1), ug kining trabahoa nagkinahanglan sa imong pagserbisyo. Gipasabut gayud kini ni Elder M. Russell Ballard gamit ang mosunod nga maalamong sumbanan: “ang gikinahanglan nato karon mao ang labing halangdong henerasyon sa mga young adult sa kasaysayan sa Simbahan. Gikinahanglan namo ang inyong tibuok kasingkasing ug kalag (“Ang Labing Maayong Henerasyon sa mga Young Adult,” Ensign o Liahona, Mayo 2015, 68). Samtang maghunahuna ka nga napupos na ang mga adlaw sa imong pagkamisyonaryo, dili ingon niana.

Ang Ginoo mihatag sa Iyang plano sa kalipay para kanimo. Gipanalanginan ka Niya kon hingpit nimo kining hangupon. Gipanalanginan ka Niya og espesyal nga mga gasa ug talento nga maghimo nga imong maabut ang bisan unsa nga Iyang gitinguha para kanimo. Matuman nimo ang imong misyon dinhi sa kalibutan kon magkugi ka sa pagpangita ug pagsabut ug pagtuman sa Iyang kabubut-on para kanimo. Kini nga booklet makatabang nga imong madiskubrihan ug matuman ang imong misyon isip disipulo ni Jesukristo. Matabangan ka usab nga mahimo kang self-reliant sa espiritwal ug sa temporal.

Misaad ang Manluluwas nga tabangan ka sa tanang kinahanglanong butang sa imong kinabuhi kon duna kay pagtuo ug motuman sa Iyang pulong. Ngadto sa Iyang mga disipulo miingon Siya, “Dili kamo makaalagad sa Dios ug sa mga bahandi.” Dayon nangutana Siya, “Ug nganong mabalaka man kamo bahin sa bisti? … Ang inyong Langitnong Amahan nasayud nga kamo nagakinahanglan niining tanan” (Mateo 6:24, 28, 32). Dayon iyang gimarkahan ang dalan para kanato, nga nag-ingon “Apan maoy unaha ninyo pagpangita ang gingharian ug ang pagkamatarung gikan sa Dios, ug unya kining tanang mga butanga igadugang ra kaninyo” (Mateo 6:33).

Hisguti:Sa unsang paagi ang imong kinabuhi sa misyon usa ka bahin sa plano sa Dios sa kalipay?

Tan-awa:Tan-awa ang video nga giulohan og “The Greatest Generation of Young Adults” sa srs.lds.org/mcm. (Walay video? Basaha ang mosunod.)

Elder Jeffrey R. Holland: “Ang tawag mao nga mobalik, magpabiling matinuoron, mohigugma sa Dios, ug motabang. Akong iapil niana nga tawag nga [hugtan ang pagkamatinud-anon sa] matag returned missionary. … Ang atong Amahan sa Langit nagpaabut sa inyong gugma ug kamaunungon sa tanang panahon sa inyong kinabuhi.’

Sa tanang nakadungog sa akong tingog, ang tingog ni Kristo kanunayng nangutana sa matag usa kanato samtang duna pay oras, “Gihigugma mo ba ako?’ Ug alang sa matag usa kanato, ako motubag uban sa akong dungog ug kalag, “Oo, Ginoo, nahigugma kami kanimo.’ Ug kay “nagkupot man kita sa daro,’ dili gayud kita molingi hangtud kining trabaho mahuman ug ang tiunay nga gugma sa Dios ug sa silingan mohari sa kalibutan” (“Ang Unang Dakong Sugo,” Ensign o Liahona, Nob. 2012, 85).

Hisguti:Unsa ang ipasabut diha nimo sa “hugtan ang pagkamatinud-anon”?

Basaha:Ang mga kasulatan nagtudlo nga kinahanglan kitang mag-ampo “sa tibuok kusog sa kasingkasing,” nga kita mahisama kaniya,” atong Manluluwas (Moroni 7:48). Sa tinuod, naglaum ang Ginoo nga atong ipadayon ang Iyang buhat pinaagi sa pagkahisama Kaniya ug pagtabang sa uban sa paghimo sa ingon. Isip returned missionary, kinahanglan nga himoon nimo kini nga imong tumong. Usa ka mahinungdanong pundasyon sa pagkab-ot niini nga tumong mao ang paghimo nga makabarug ka sa imong kaugalingon, sa temporal ug sa espiritwal—sa laing pagkasulti, mahimong self-reliant. Misugo ang Dios nga mahimo kitang self-reliant.

Ang pagkahimong self-reliant mao ang pagka-andam nga moangkon sa imong kinabuhi—sa pagka-responsable ug pagkamay-tulubagon sa pagpalambo sa imong mga kahanas ug pagsangkap sa imong kaugalingon samtang padayon usab nimong serbisyuhan ang uban. Madawat nato kini pinaagi sa paggamit og hugot nga pagtuo ug pagsalig sa Manluluwas ug sa Iyang Pag-ula, pagsunod sa Iyang mga sugo, ug paghimong mas maayo sa atong kaugalingon ug sa uban. Kon mahimo kitang self-reliant sa espiritwal ug sa temporal, mas makaserbisyo kita sa uban ug makatabang sa pagpatuman sa buhat sa Ginoo nga mao ang pagpahitabo sa pagka-imortal ug kinabuhing dayon sa tawo.

Pamalandungi:Unsa man ang akong mahimo karon aron mas mahimo kong self-reliant sa espiritwal ug sa temporal?

I-commit [Ipasalig]:

Kon miapil ka sa My Plan sa imong misyon, ribyuha og balik ang imong plano. Ribyuha ang worksheet sa luyo niini nga manwal, dayon basaha ang kinutlo ni Elder Richard G. Scott (naa sa tuo). Unsa ang giaghat sa Espiritu nga imong buhaton? Isulat kana nga mga impresyon, ug i-commit nga lihukon kini.
Ipaambit unsay imong nakat-unan karon uban sa laing returned missionary, young single adult, o sakop sa imong pamilya.
Palihug kompletuha ang online survey nga naa sa srs.lds.org/videos.