Unsa nga mga Kapanguhaan ug mga Gamit ang Makatabang Nako nga Mouswag?

Report:Ipaambit (o irekord sa imong journal) ang usa ka kasinatian karong semanaha uban sa mentor o giunsa nimo sa pag-mentor ang usa ka tawo.

Sa imong pagtrabaho sa imong mga tumong dunay daghang kapanguhaan nga makatabang kanimo.

Indibidwal nga Responsibilidad

Basaha:Bisan unsa pa kadaghang kapanguhaan ang anaa kanato, naa ra kanato ang paggamit og maayo sa mga kapanguhaan ug mga kagamitan. Mitudlo si Presidente Brigham Young: “Ang akong pagtuo wala mopahunahuna kanako nga ang Ginoo mohatag namo og inasal nga baboy, pan nga may palaman, ug uban pa; mohatag siya nato og abilidad aron makapatubo og humay, aron makakuha og mga bunga sa yuta, sa paghimo’g mga kapuy-an, sa pagkakuha og mga kahoy nga himoong kahon, ug kon moabut na ang ting-ani, nga maghatag og bugas, katungdanan nato ang pagpreserbar niini” (Discourses of Brigham Young, sel. John A Widtsoe [1954], 291–92).

Kalihokan:Sa usa ka sukdanan gikan 1 ngadto sa 5, graduhi ang imong kaugalingon sa ubos:

1	2	3	4	5
Mag-agad ko sa uban sa paghimog mga butang para nako.	Mag-agad ko sa uban nga sultihan ko unsay buhaton.	Buhaton nako ang mga butang nga dili kaayo bug-at.	Usahay may inisyatibo kong mohimog mga butang nga makatabang nakong molambo.	Hapit sa kanunay may inisyatibo kong mohimo’g mga butang nga makatabang nakong molambo.

Kon gigraduhan nimo ang imong kaugalingon og ubos sa 5, i-outline sa imong journal ang usa o duha ka butang nga imong buhaton aron makakuha ka og dugang pang indibidwal nga responsibilidad sa imong kinabuhi. Basaha kon sa unsang paagi misaad kanimo og gahum ang Ginoo sa paghimo niini aron maampingan ka ug dili malaglag (tan-awa sa D&P 44:4–5).

Mga Kapanguhaan sa Pamilya

Pamalandungi:Sa unsang paagi ang akong pamilya mahimong tinubdan sa kalig-on ngari kanako?

Kalihokan:Paglista og mga kapanguhaan nga anaa gikan sa imong pamilya o mga kaliwat. (Ang ubang ehemplo maglakip sa mga talento o mga kahanas nga makatabang kanimo, kahibalo mahitungod sa mga programa sa edukasyon o panarbaho, o espirituhanong kalig-on o pagpamatuod.)

Mga Self-Reliance Center ug Grupo

Basaha:Ang mga self-reliance center ug self-reliance group makatabang nga mahimo kang mas independent ug lig-on sa espiritwal. Sa karon, ang mga center dunay mga kapanguhan aron matabangan ka sa pagsusi sa imong panginahanglan ug mga kahanas ug pweding sa pagpangita og trabaho, magsugod og gamayng negosyo, o magpili og edukasyon nga maghatag og mas maayong trabaho. Magribyu usab sila sa sukaranang mga doktrina ug baruganan sa self-reliance. Ang tanang materyal makita sa online sa srs.lds.org.

Kalihokan:Adtoa ang imong stake self-reliance resource center ug pakig-istoryahi ang naa didto. Kon ang imong stake, walay self-reliance center, hangyoa ang imong stake self-reliance specialist sa pagrekomendar og ubang kapanguhaan [resource] nga imong magamit.

Pagsulat og pipila ka mahinungdanong kapanguhaan nga naa sa self-reliance resource center nga makatabang kanimo.

Self-Reliance Center Resources
1.
2.
3.
4.

Mga Kapanguhaan sa Simbahan pinaagi sa Online [Internet]

Basaha:Ang Simbahan nagtanyag usab og daghang online nga kapanguhaan pinaagi sa LDS.org ug sa ubang website nga makatabang sa paghimo nimong self-reliant sa espiritwal, temporal, ug sa emosyunal. Kining mga kapanguhaan naglakip sa:

education.lds.org
srs.lds.org (seksyon sa self-reliance sa LDS.org)
welfare.lds.org (mga pagpasabut sa mga hilisgutan sa ebanghelyo)
manuals.lds.org (tanang manwal sa ebanghelyo)
overcomingpornography.org (tabang sa pagkaadik sa pornograpiya)
mormonandgay.lds.org (tabang para sa may mga problema sa atraksyon sa sama og sekso)
medialibrary.lds.org (mga video sa Simbahan)
scriptures.byu.edu (mga link sa mga pakigpulong sa kinatibuk-ang komperensya nga mikutlo sa matag kasulatan)
speeches.byu.edu (BYU devotionals)

Institute

Basaha:Ang institute usa ka maayo kaayong kapanguhaan [resource]. Kon wala ka pa ma-register para sa klase, maka-register ka pinaagi sa pag-adto sa institute.lds.org/find-institute, o mangutana sa imong mga lokal lider. I-commit nga mo-graduate ka sa institute.

Pathway

Basaha:Ang Pathway gamay ra og gasto nga programa nga gidesinyong makahatag sa mga estudyante og pagsalig ug kahanas nga gikinahanglan aron molampos sa college. Makatabang kini sa mga partisipante nga molambo ang ilang espiritwal nga kalig-on ug molambo ang ilang mga kahanas sa math. Sa mao nga programa, motambong ang mga estudyante og mga lokal nga panagtigom ug mga kurso sa online, makakuha og credit sa college nga pweding i-transfer ngadto sa BYU–Idaho ug ubang mga unibersidad. Alang sa dugang nga impormasyon mahitungod sa mga oportunidad sa Pathway nga naa sa imong duol, adto sa seminary.lds.org.

Mga Kapanguhaan sa Pinansyal

Pamalandungi:Unsa nga mga kapanguhaan sa pinansyal ang available para nimo? Naghimo ka ba og budget, nagtigom og kwarta, ug naglikay sa wala kinahanglanang pagpangutang?

Kalihokan:Pangita og tawo nga imong kasaligan nga maayong mokontrolar sa kaugalingon niyang kwarta. Pangayoi og tambag kining tawhana nga nakatabang niya sa pagkab-ot sa pinansyal niyang mga tumong.

Mga Programa sa Gobyerno

Basaha:Sa kasagaran ang mga gobyerno mohatag og mga job training programs, student loans, ug mga scholarship. Dugang pa nga impormasyon mahitungod niini naa sa self-reliance resource center.

Mga Kapanguhaan sa Online

Basaha:Ang mga online [internet] search engines makatabang nimo sa pagkakita og impormasyon ug mga video sa hapit tanang topic nga gusto nimong makat-unan. Kon dili nimo makit-an ang tanan sa internet, maayo kining dapita sa pagsugod ug motultol kanimo sa ubang kapanguhaan.

I-commit:

Hinumdumi ang usa ka panahon sa imong misyon dihang wala ka masayud unsay buhaton. Irekord sa imong journal giunsa nimo sa pag-atubang ug sa unsang paagi kana nga kasinatian magamit sa imong kinabuhi karon gayud.
Bisitaha ang self-reliance center (kon available kini sa imong stake) ug ipamilyar ang mga kapanguhaan nga gitanyag niini.
Ipaambit unsay imong nakat-unan karon ngadto sa laing returned missionary, young single adult, o sakop sa imong pamilya.