Ang Doktrina ug mga Saad sa Self-Reliance

Report:Ipaambit (o irekord sa imong journal) ang butang nga imong nakat-unan mahitungod sa katuyoan sa imong kinabuhi gikan sa pagtuon sa Basahon ni Mormon o pagtambong sa templo niining semanaha.

Ang Kaimportante sa Self-Reliance sa Buhat sa Dios ug sa Imong Plano

Basaha:Ang self-reliance usa ka abilidad sa pagsangkap sa imong mga panginahanglan sa temporal ug espiritwal.

Bisan asa ka nagpuyo, bisan unsa ang lebel sa imong edukasyon, o mga kapanguhaang anaa, kinahanglan kang magkat-on ug mag-master sa kinahanglan kaayong mga baruganan sa self-reliance aron molampus sa pagtuman sa plano sa Ginoo para kanimo.

Ang pagkahimong self-reliant usa ka doktrina; kabahin kini sa plano sa Dios sa kaluwasan. Sama nga ang Dios mismo self-reliant, naglaum Siya nga ikaw, pinaagi sa pagsalig Kaniya, nga makat-unan nimo ang pagkahimong self-reliant ug dili magsalig sa uban—sa espiritwal ug sa temporal. Usa kini ka bahin sa buhat ug himaya sa Dios.

Hisguti:Ngano nga ang self-reliance kabahin man sa katuyoan sa Dios para kanimo?

Mga Saad mahitungod sa Pagkahimong Self-Reliant

Ang Ginoo Motabang Kanimo sa Inadlaw-adlaw Nimong Paningkamot

Basaha:Sa Alma atong mabasa ang mosunod nga tambag: “Oo, pangamuyo ngadto kaniya alang sa kalooy; kay siya gamhanan sa pagluwas. … Pangamuyo ngadto kaniya alang sa mga abut sa inyong mga umahan, nga kamo mouswag diha. Pangamuyo alang sa inyong mga panon sa umahan, nga sila mosanay” (Alma 34:18, 24–25).

Hisguti:Nganong gihangyo man kita sa Ginoo sa “pagpangamuyo,” o mag-ampo, sa atong mga negosyo o mga trabaho? Unsa ang anaang mga panalangin para niadtong mohimo niini uban sa hugot nga pagtuo?

Ang Ginoo Mosangkap

Tan-awa:“I Will Provide” at srs.lds.org/mcm. (Walay video? Basaha ang sulat sa Unang Kapangulohan diha sa My Foundation o My Path [Ang Akong Dalan paingon sa Kaugalingon nga Pagpaningkamot] nga booklet diha sa srs.lds.org.)

Basaha:Namahayag ang Ginoo: “Ug mao kini ang akong katuyoan sa paghatag sa akong mga santos, kay ang tanan nga mga butang akò. … Kay ang yuta puno ug adunay igo ug kapin pa; oo, Ako miandam sa tanan nga mga butang, ug mihatag ngadto sa mga anak sa tawo nga mahimo nga mga tinugyanan ngadto sa ilang mga kaugalingon” (D&P 104:15, 17).

Hisguti:Sa unsang paagi ang Ginoo mosangkap para sa Iyang mga Santos? Unsa nga bahin ang kinahanglan nakong buhaton sa pagsangkap sa akong kaugalingon uban sa tabang sa Ginoo?

Kalihokan:Isulat sa ubos ang pipila ka temporal ug espiritwal nga panginahanglan sa kinabuhi:

Basaha:Si Presidente Dieter F. Uchtdorf nagtudlo, “Sama sa duha ka bahin sa sinsilyo, ang temporal ug espiritwal dili mabulag” (“Pagsangkap pinaagi sa Pamaagi sa Ginoo,” Ensign o Liahona, Nob. 2011, 53).

Hisguti:Sa unsang paagi ang pagkakita og trabaho ug pagkakita og panginabuhian parehong temporal ug espiritwal nga butang?

Ang Iyang Grasya Igo na—Imong Maabut ang Bisan Unsa nga Gusto sa Ginoo nga Imong Maabut

Basaha:Mitudlo si Presidente Thomas S. Monson: “Kon duna man gani mobati nga walay kusog sa pag-usab sa pagsaka o pagkahagbong sa iyang kinabuhi, o kon duna man gani mapakyas sa paghimo og mas maayo tungod nianang nagpasulabi nga kahadlok, kahadlok nga mapakyas, walay laing siguradong makahupay kay sa mga pulong sa Ginoo: ‘Ang akong grasya,’ miingon Siya, ‘igo alang sa tanan nga mga tawo nga magpaubos sa ilang mga kaugalingon sa akong atubangan; ug magbaton og hugot nga pagtuo ngari kanako, niana Ako mohimo sa mahuyang nga mga butang nga mahimo nga malig-on ngadto kanila’” (“Your Eternal Voyage,” Ensign, Mayo 2000, 48).

Isip mga anak sa Dios, tanan kita makahimo og daghan niining kinabuhia. Hinoon, dili nato kini mahimo nga kita ra, tungod kay ang tawo dili tighimo sa iyang kaugalingon; kondili ang Dios. Mahimo natong maabut ang bisan unsa ug tanang butang nga atong gikinahanglan aron makabalik sa atong Langitnong Amahan, ug Iya kitang panalanginan sa tanang gasa, kasinatian, kapanguhaan, ug sa panalangin nga atong gikinanahanglan aron mahimo kini.

Pamalandungi:Misaad si Jesukristo, “Kon kamo adunay hugot nga pagtuo kanako kamo makabaton sa gahum sa pagbuhat sa bisan unsa nga butang nga maayo ngari kanako” (Moroni 7:33). Unsay ipasabut sa giingon nga si Kristo makahimo sa tanan nga gikinahanglan (o haum o maayo) para kanato?

Basaha:Ang Ginoo naghangyo nga atong sagupon ang mosunod nga kamatuoran—“Kon kinsa ang tawagon sa Ginoo ang Ginoo Mopasarang” (Thomas S. Monson, “Duty Calls,” Ensign, Mayo 1996, 44). Siya ang naglalang kanato ug gihatagan kita og gahum nga atong maabut unsay Iyang tinguha para kanato—nga maoy tanan nga atong gikinahanglan aron mokwalipay sa pagbalik sa Iyang presensya.

Ipahinumdom sa unsang paagiha gitawag si Moises sa Ginoo nga mokuha sa Iyang katawhan “sa kalisdanan gikan sa Ehipto” (Exodo 3:17) apan nagduha-duha si Moises nga mahimo Siyang lider nga maoy gikinahanglan sa Ginoo, sa pag-ingon: “Ginoo, dili ako ang tawo nga madanihong mosulti … kay ako mahinay nga mamulong, ug yungit sa dila.” Mitubag ang Ginoo: “Kinsa man diay ang nagbuhat sa baba sa tawo? kun kinsa ba ang nagbuhat sa tawo nga mama, kun bungol, kun sa makakita, kun sa buta? Dili ba ako man, ang Ginoo? Busa karon lumakaw ka, kay ako magauban sa imong ba-ba, ug magatudlo kanimo kong unsa ang imong igasulti” (Exodo 4:10–12).

Pamalandungi:Sa unsang paagi si Moises nahimong lider sa Israel? Unsay kahulugan niini diha nimo sa personal nga pamaagi?

Tan-awa:“He Polished My Toe” nga naa sa srs.lds.org/videos. (Walay video? Basaha ang mosunod nga mga paragraph.)

Elder Enrique R. Falabella: “Sa nagtubo pa ko, nagkalisud kami. Nahinumdom ko usa ka adlaw nga miduol ko ni papa ug miingon, ‘Pa, nagkinahanglan ko og bag-ong sapatos. Kini guba na.’ Mihunong siya ug gitan-aw ang akong sapatos ug nakita nga guba na gyud. Miingon siya, ‘siguro mahimo ra nato ning ayuhon.’ Mikuha siya og gamay nga itom nga pangpasinaw sa sapatos ug gipasinawan ang akong sapatos, sinaw na kini og nindot. Giingnan ko niya, ‘Karon anak, maayo na kini.’ Mitubag ko, ‘Wala pa. Makita gihapon ang akong tudlo sa tiil nga milapos sa sapatos.’ Miingon siya, ‘Ok, ayuhon pud nato kana!’ Mikuha siya og gamay pang itom nga pangpasinaw ug gipaituman ang akong mga tudlo sa tiil!

“Nianang adlawa akong nakat-unan nga dunay solusyon sa matag problema. Kumbinsido ako nga kining baruganan sa self-reliance ug inisyatibo maoy paagi sa pagpadali sa buhat sa Ginoo. Usa kini ka bahin sa buhat sa kaluwasan. Kitang tanan mas momaayo kay sa unsa kita karon. Wagtanga ang imong kakulang sa kadasig. Daghang higayon nga kontento ra kaayo ta, ug kini moguba sa atong paglambo. Ang matag adlaw mao ang adlaw nga makahimo ko og kalamboan kon mohukom ko nga mohimo og lahi sa pagpalambo sa kulang nga akong nahimo. Kon buhaton ninyo uban sa pagtuo, gamit ang pagtuo ug paglaum kang Kristo nga naa Siya nga motabang nimo, makit-an nimo ang paagi nga molambo sa mga butang nga temporal ug espiritwal. Kini gumikan kay buhi ang Dios ug kamo Iyang anak.”

Pamalandungi:Unsa ang gusto sa Ginoo nga imong masabtan mahitungod sa pagkahimong self-reliant?

I-commit:

Ribyuha ang panan-awon sa kinabuhi ug mga tumong nga imong gihimo sa My Plan pagkahuman sa imong misyon. Sugdi ang pag-fill up sa worksheet nga naa sa luyo niini nga manwal sa pag-update o paghimo sa imong plano kon wala ka makasugod sa My Plan atol sa imong misyon.
Sa imong misyon, unsay imong gihimo aron mo-qualify sa mga panalangin sa Ginoo? Unsay angay nimong buhaton karon aron mo-qualify sa Iyang tabang? Ipaambit ang imong mga tubag niining mga pangutana ug kon unsay imong nakat-unan karon ngadto sa laing returned missionary, young single adult, o sakop sa imong pamilya.