Motrabaho inubanan sa Mentor

Report:Ipaambit (o irekord sa imong journal) ang kalamboan nga imong nahimo niining semanaha diha sa imong binulan nga tumong.

Ang Tahas sa mga Mentor sa Plano sa Dios

Basaha:Ang mga mentor mahinungdanon kaayo sa atong espiritwal ug temporal nga paglambo. Ang maayong mga mentor makatabang nga atong makita ang atong kaugalingon sama sa pagkakita sa Dios kanato ug makatabang nga atong mahimo ug matuman ang mga commitment sa pagkahimong tawo nga gusto Niya nga atong maabut. Ang mga mentor makatabang og tuboy sa atong panan-awon, makadasig sa luya natong hunahuna ug modasig aron mas momaayo kita kay sa atong mahimo kon kita ra.

Ang mga kasulatan naglakip og daghang ehemplo sa talagsaong mga mentor. Si Eli nag-mentor ni Samuel (tan-awa sa 1 Samuel 3). Si Alma nag-mentor ni Amulek (tan-awa sa Alma 8–16). Si Mormon nag-mentor ni Moroni (tan-awa sa Moroni 9), ug si Naome nag-mentor ni Ruth (tan-awa sa Ruth 1–4). Makakita kita og daghan pang ehemplo sa sulod ug sa gawas sa Kristiyanong katawhan nga nahimong mas maayo kauban sa usa ka mentor kay sa sila-sila ra.

Si Jesukristo ang pinakamaayong mentor. Bisan sa mga kahuyang ni Pedro, mapailubong gi-mentor ni Jesus ug gitabangan siya nga mahimong lider nga kasaligan ni Kristo nga mangulo sa Iyang Simbahan (tan-awa sa Mateo 16:18–19). Si Kristo nag-mentor ni Pedro pinaagi sa paghigugma kaniya ug pagtan-aw sa iyang potensyal, pinaagi sa pagpangutana nga nakahagit nga motan-aw ug maghunahuna siya sa lahing paagi (tan-awa sa Mateo 17:14–21), ug sa pagdapit nga mohimo ug motuman sa mga commitment nga molig-on ug mohulma kaniya (tan-awa sa Juan 21:15–17).

Pamalandungi:Unsa nga mga hagit ang imong atubangon sa mosunod nga pipila ka tuig nga matabangan ka sa mentor sa pagsuhid? Sa unsang paagi ang mentor makatabang nga imong maestablisar ang lig-on espiritwal nga mga kinaiya human sa imong misyon?

Ang pagpangita og Mentor

Tan-awa:“Thy Friends Do Stand by Thee” naa sa srs.lds.org/mcm. (Walay video? Basaha ang mosunod.)

Elder Ronald A. Rasband: “Ang ubang mga higala maalamon ug kasaligang mga mentor. Mga matang sila sa higala nga espesyal; nag-una sila kanato, ug nahibalo sila sa dalan. … Ang mas eksperyensyado, kasaligang indibidwal magsilbi nga epektibong giya ug tigtambag sa dili kaayo eksperyensyado nga tawo, sa pagtabang nga mahulma ang panabut nianang tawhana ug sa pagtudlo og mga baruganan nga maghimo kaniyang mas epektibo, mas lig-on, mas maalamon, ug mas bililhong sulugoon sa Dios.

“Hatagan ko ikaw og usa ka ehemplo gikan sa kaugalingon nakong kinabuhi. … Una nakong nakita si Jon Huntsman niadtong 1975, sa 24 anyos pa siya. Ako ang elders quorum president sa married student ward sa University of Utah, ug si Jon Huntsman ang akong high council adviser. Nagkahigalaay kami, ug sa akong senior nga tuig sa klase, samtang nag-andam ko sa pagtapos sa akong edukasyon sa unibersidad, gi-recruit ko ni Brother Huntsman isip sales representative sa iyang kompaniya sa plastic.

“Ang pinakauna nga gi-assign ngari nako nga account mao ang Avon, ang higanting cosmetic nga ang headquarter naa sa New York City. Aron makasugod ko sa importanting kliyente, personal kong gikuyugan ni Brother Huntsman ngadto sa New York City para sa akong inisyal nga pagsugod. Excited kong makasulod sa bag-ong trabaho ug mahinamong makapakita og maayong impresyon, akong gisul-ob ang pinakanindot nakong brown college nga amerikana nga may brown nga kurbata ug brown nga sapatos. Dihang nagkita mi sa airport akong nabantayan nga lahi ra og tinan-awan si Mr. Huntsman ngari nako. Apan wala siyay gisulti!

“Sa pag-abut namo sa New York City, kami dunay kinahanglang hapiton sa dili pa mi manawag sa Avon. Midiretso mi sa ilado kaayong tindahan sa mga sinina ang panglalaki nga nailhang Brooks Brothers nga maayo’g kalidad sa Madison Avenue. Sa among pagpadulong, nahinumduman nako siyang misulti nako, ‘Ron, kon mahimo kang salesman sa akong kompaniya, ug kon magrepresentar ka nako ngadto sa Avon, kinahanglan kang makakat-on unsay mga isul-ob, unsay linihokan, ug unsaon sa pagserbisyo niining bag-ong palibut sa New York City!’ Wala gyud ko magrepresentar ni Jon Huntsman!

“Kaila na ni Jon ang mga tawo sa Brooks Brothers, ug nagtan-aw siya dihang gisul-uban ko nila og matahum, dark gray nga pin-striped nga amerikana—ang pinakanindot nga sukad akong nakita ug ang pinakanindot nga sukad akong naangkon. Human kini gidala para tahion nga mohaum gayud, mikuha mi og t-shirt, necktie, bakos, ug tanang accesories. Dayon nangadto mi sa shoes department, diin gipasul-ob ko ni Jon sa pinakauna nakong itom nga may dekorasyong sapatos. …

“… Nahinumdom ko sa akong pagpasalamat nga giluwas ko ni Jon sa kaulaw nga nagsul-ob sa akong mga sinina sa college. … Dayon didto na mi sa Avon, diin iya kong gipaila isip bag-o nilang account representative gikan sa iyang kompanya. Gitudloan ko ni Jon og mas labaw pa kay sa importansya sa pagtan-aw og diyutay ra nga bahin. Iya kong gipaila ngadto sa kinatibuk-ang bag-o nga paagi sa paghunahuna, sa paghimo og mga butang, sa pagrepresentar sa akong kaugalingon ngadto sa uban. Nag-mentor siya nako. Mao kini ang una sa daghang mapuslanong mga leksyon nga akong nakat-unan gikan niya” (“Thy Friends Do Stand by Thee” [Church Educational System devotional, Mar. 7, 2010]; si.lds.org).

Pamalandungi:Sa unsang paagi ang usa ka mentor nakapauswag sa kalamboan ni Elder Rasband? Kanus-a ka mibati nga dunay tawo nga nakasabut gayud kanimo ug sa sitwasyon nga imong giatubang? Sa unsang paagi sila migiya, mikorihir, o midasig kanimo?

Kalihokan:Pagdapit og tawo nga mag-mentor nimo. Dunay daghang paagi nga imong maestablisar ang relasyon sa usa ka mentor. Ang mosunod nga mga lakang naghulagway og usa ka paagi nga imo kining mahimo.

Sa imong journal paglista og pipila ka tawo nga makatabang sa pag-mentor nimo. Ikonsiderar ang mga tawo nga makasabut sa kalibutan nga gipaningkamutan nimong masuhid ug kinsa usa ka ehemplo sa hiyas ug mga kinaiya nga imong gihatagan og bili.
Pag-ampo bahin sa mga tawo nga naa sa imong lista ug pangayo og tabang sa Langitnong Amahan nga tabangan ka sa pag-ila sa tawo nga mahimong positibo nga mentor sa imong kinabuhi. Tuguti nga ang Espiritu Santo mogiya kanimo.
Human makapili og tawo nga gibati nimong makatabang nimo, hangyoa siya nga mahimo nimong mentor. Ipaambit ang imong mga tumong ngadto niya ug pangayo’g tabang ug giya aron makab-ot ang imong mga tumong.
Kon mouyon ang maong tawo nga motabang nimo, hisguti ang mga ekspektasyon ninyong duha. Ikaw, sama pananglit, mahimong maghisgot unsa ka regular kamong magkita aron mahisgutan ang imong mga tumong.

Ang Self-reliance group magtutok sa edukasyon, pangempleyo, ginagmayng negosyo, ug personal nga pagdumala sa pinansyal. Matag usa makatabang nimo sa pagpangita og mentor ug mga higala nga makatabang sa imong dalan padulong sa pagkahimong self-reliant. Kontaka ang imong stake self-reliance specialist para sa dugang nga impormasyon.

I-commit:

Hunahunaa ang mga misyonaryo ug mga miyembro nga positibo kaayong nakaapekto kanimo sa imong misyon. Irekord sa imong journal ang mahitungod kanila ug unsay ilang gihimo sa pagtabang nimo.
Ilha ug dapita ang tawo nga mag-mentor nimo. Pag-ampo aron makahibalo kinsa ang imong imbitaron nga mag-mentor.
Ipaambit unsay imong nakat-unan karon ngadto sa laing returned missionary, young single adult, o sakop sa imong pamilya.