ពេត្រុស ទី១ ៣:១៨–២២; ៤:១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

ពេត្រុស ទី១ ៣:១៨–២២; ៤:១–៦

កិច្ចការនៃសេចក្ដីសង្គ្រោះសម្រាប់មរណជន

សមាជិកគ្រួសារនៅតៃវ៉ាន់ កំពុងមើលអាល់ប៊ុមរូបថតចាស់ៗ ។

តើនឹងមានអ្វីកើតឡើងចំពោះកូនចៅរបស់ព្រះវរបិតាសួគ៌រាប់ពាន់លាននាក់ដែលបានរស់នៅ និងចែកឋានដោយគ្មានឱកាសបានឮអំពីព្រះយេស៊ូវគ្រីស្ទ ឬទទួលយកពិធីបរិសុទ្ធដ៏មានសិទ្ធិអំណាចក្នុងព្រះនាមទ្រង់ ? សាវកពេត្រុសបានបង្រៀនថា ព្រះយេស៊ូវគ្រីស្ទបានផ្សាយដំណឹងល្អនៅក្នុងពិភពវិញ្ញាណ បន្ទាប់ពីការសុគតរបស់ទ្រង់ដោយធ្វើឲ្យពរជ័យនៃដំណឹងល្អមានដល់កូនចៅទាំងអស់របស់ព្រះវរបិតាសួគ៌ ។ មេរៀននេះនឹងជួយអ្នកឲ្យស្វែងរកវិធីដើម្បីជួយព្រះអង្គសង្គ្រោះក្នុងកិច្ចការរបស់ទ្រង់ក្នុងការប្រោសលោះមរណជន ។

សំណួរដែលងឿងឆ្ងល់

អែលឌើរ ឌី ថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់បានបង្រៀន ៖

ពួកសាសនវិទូ [ អ្នកប្រាជ្ញ ] ជាគ្រីស្ទសាសនា មានចម្ងល់ជាយូរមកហើយចំពោះសំណួរថា តើជោគវាសនានៃមនុស្សរាប់ពាន់លាននាក់ដែលបានរស់នៅ ហើយបានស្លាប់ដោយគ្មានចំណេះដឹងអំពីព្រះយេស៊ូវនឹងទៅជាយ៉ាងណា ?

( ឌី ថត គ្រីស្តូហ្វឺសិន « The Redemption of the Dead and the Testimony of Jesus » Ensign ខែ វិច្ឆិកា ឆ្នាំ២០០០ ទំព័រ ៩ )

តើអ្នកអាចឆ្លើយតបទៅនរណាម្នាក់ដែលសួរអ្នកនូវសំណួរនេះដោយរបៀបណា ?

អែលឌើរ គ្រីស្តូហ្វឺសិន បានបន្ដ ៖

ជាមួយនឹងការស្ដារឡើងវិញនៃដំណឹងល្អនៃព្រះយេស៊ូវគ្រីស្ទបានមាននូវការយល់ដឹងអំពីរបៀបដែលមរណជនពុំបានជ្រមុជទឹក ត្រូវបានប្រោសលោះ និងរបៀបដែលព្រះអាចជាព្រះ « ដ៏ល្អឥតខ្ចោះ ហើយត្រឹមត្រូវ និងជាព្រះដែលប្រកបដោយសេចក្ដីមេត្តាករុណាផង » [ អាលម៉ា ៤២:១៥ ] ។

( ឌី ថត គ្រីស្តូហ្វឺសិន « The Redemption of the Dead and the Testimony of Jesus » ទំព័រ ៩ )

ព្រះអង្គសង្គ្រោះនៅក្នុងពិភពវិញ្ញាណ

ខណៈដែលចំណេះដឹងអំពីសេចក្ដីសង្គ្រោះសម្រាប់មរណជនត្រូវបានស្ដារឡើងវិញតាមរយៈព្យាការី យ៉ូសែប ស្ម៊ីធ ព្រះគម្ពីរប៊ីបមានវគ្គបទគម្ពីរដែលបង្ហាញយើងថាសេចក្ដីពិតទាំងនោះត្រូវបានយល់ និងបង្រៀនដោយសាវកជំនាន់ដើម ។ ឧទាហរណ៍ សាវកពេត្រុសបានបង្រៀនអំពីអ្វីដែលព្រះយេស៊ូវគ្រីស្ទបានធ្វើសម្រាប់មនុស្សដែលបានស្លាប់ដោយគ្មានចំណេះដឹងអំពីដំណឹងល្អ ។

សូមអាន ពេត្រុស ទី១ ៣:១៨–២០; ៤:៦ ដើម្បីមើលពីអ្វីដែលពេត្រុសបានបង្រៀនអំពីរបៀបដែលព្រះយេស៊ូវគ្រីស្ទបានបន្តកិច្ចការរបស់ទ្រង់ដើម្បីសង្គ្រោះកូនចៅរបស់ព្រះវរបិតាសួគ៌យើង សូម្បីតែក្រោយការសុគតរបស់ទ្រង់ក៏ដោយ ។ សូមសម្គាល់ពីរបៀបដែលខគម្ពីរទាំងនេះខុសគ្នានៅក្នុងការបកប្រែដោយយ៉ូសែប ស្ម៊ីធ ( សូមមើល ពេត្រុស ទី១ ៣:២០ footnote a និង ពេត្រុស ទី១ ៤:៦ footnote a ) ។

ពេត្រុស ទី១ ៤:៦ គឺជាវគ្គចំណេះចំណានខាងគោលលទ្ធិមួយ ។ សូមពិចារណាគូសសម្គាល់វគ្គចំណេះចំណានខាងគោលលទ្ធិតាមវិធីដែលងាយសម្គាល់ ដើម្បីអ្នកអាចរកឃើញវាដោយងាយស្រួល ។

តើខគម្ពីរទាំងនេះបង្រៀនអ្នកអ្វីខ្លះអំពីការបម្រើរបស់ព្រះអង្គសង្គ្រោះនៅក្នុងពិភពវិញ្ញាណ ?
យោងតាម ពេត្រុសទី១ ៤:៦ ហេតុអ្វីដំណឹងល្អត្រូវផ្សព្វផ្សាយដល់មរណជនដូច្នេះ ?
តើគោលលទ្ធិនៃសេចក្ដីសង្គ្រោះសម្រាប់មរណជនបង្ហាញសេចក្ដីស្រឡាញ់ និងសេចក្តីមេត្តាករុណារបស់ព្រះចំពោះកូនចៅទ្រង់ដោយរបៀបណា ?

វិវរណៈសម័យទំនើបអំពីពិភពវិញ្ញាណ

វិវរណៈសម័យទំនើបអាចជួយយើងរៀនបន្ថែមទៀតអំពីអ្វីដែលព្រះអង្គសង្គ្រោះបានធ្វើ កាលទ្រង់គង់នៅក្នុងពិភពវិញ្ញាណ ។

រូបថតពាក់កណ្ដាលខ្លួនរបស់យ៉ូសែប អេហ្វ ស្ម៊ីធ

នៅពេលប្រធាន យ៉ូសែប អេហ្វ ស៊្មីធ ( ឆ្នាំ ១៨៣៨–១៩១៨ ) អាន និងសញ្ជឹងគិតពីខគម្ពីរដូចគ្នានេះនៅក្នុង ពេត្រុសទី១ លោកបានទទួលការនិមិត្តមួយអំពីការបម្រើរបស់ព្រះអង្គសង្គ្រោះក្នុងចំណោមមរណជន ។ វិវរណៈនេះត្រូវបានកត់ត្រានៅក្នុង គោលលទ្ធិ និង សេចក្ដីសញ្ញា ១៣៨ ហើយរួមបញ្ចូលទាំងសេចក្ដីលម្អិតដែលសមាជិកសាសនាចក្រមិនធ្លាប់ស្គាល់ពីមុនមក ។ សូមពិចារណាពីការសរសេរសេចក្តីយោងឆ្លង ឬភ្ជាប់ ពេត្រុស ទី១ ៤:៦ ទៅនឹង គោលលទ្ធិ និងសេចក្ដីសញ្ញា ១៣៨ នៅក្នុងព្រះគម្ពីររបស់អ្នក ។

សូមអាន គោលលទ្ធិ និង សេចក្តីសញ្ញា ១៣៨:២៩–៣៤, ៥៧–៥៨ ដោយស្វែងរកការយល់ដឹងបន្ថែមអំពីការងារបម្រើរបស់ព្រះអង្គសង្គ្រោះនៅក្នុងពិភពវិញ្ញាណ ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ការទទួលខុសត្រូវរបស់យើង

អែលឌើរ ឌែល ជី រិនឡាន់ ក្នុងកូរ៉ុមនៃពួកសាវកដប់ពីរនាក់បានមានប្រសាសន៍អំពីទំនួលខុសត្រូវដែលយើងត្រូវជួយព្រះអង្គសង្គ្រោះនៅក្នុងកិច្ចការរបស់ទ្រង់ក្នុងការប្រោសលោះមរណជន ។ អ្នកប្រហែលជាចង់មើលវីដេអូ « Family History and Temple Work: Sealing and Healing » ដែលមាននៅលើគេហទំព័រ ChurchofJesusChrist.org ចាប់ពីនាទីទី ៣:០១ ដល់ ៣:៤៧ ឬអានសេចក្តីថ្លែងការណ៍ដូចខាងក្រោម ៖

កិច្ចការពង្សប្រវត្តិ និងព្រះវិហារបរិសុទ្ធ៖ ការផ្សារភ្ជាប់ និងការព្យាបាល
អែលឌើរ រិនឡាន់ បង្រៀនថា នៅពេលយើងធ្វើកិច្ចការពង្សប្រវត្តិ និងព្រះវិហារបរិសុទ្ធសម្រាប់ជីដូនជីតារបស់យើង នោះព្រះប្រទានពរជ័យទាំងនៅសងខាងវាំងនន ។

ក្នុងនាមជាសមាជិកសាសនាចក្រ យើងមានការទទួលខុសត្រូវដែលព្រះចាត់តាំងឲ្យស្វែងរកជីដូនជីតា ហើយចងក្រងពង្សប្រវត្តិរបស់យើង ។ កិច្ចការនេះគឺលើសពីការកម្សាន្តដែលត្រូវបានលើកទឹកចិត្តឲ្យធ្វើទៅទៀត ដោយសារពិធីបរិសុទ្ធនៃសេចក្តីសង្គ្រោះគឺចាំបាច់សម្រាប់បុត្រាបុត្រីទាំងអស់របស់ព្រះ ។ យើងត្រូវតែស្វែងរកជីដូនជីតាផ្ទាល់ខ្លួនយើង ដែលបានចែកឋានទៅដោយពុំបានទទួលពិធីបរិសុទ្ធនៃសេចក្តីសង្គ្រោះ ។ យើងអាចធ្វើពិធីបរិសុទ្ធជំនួសនៅក្នុងព្រះវិហារបរិសុទ្ធ ហើយបុព្វការីជនយើងអាចជ្រើសរើសដើម្បីទទួលយកពិធីបរិសុទ្ធទាំងនោះ ។ យើងក៏ត្រូវបានលើកទឹកចិត្តឲ្យជួយសមាជិកវួដ និងស្តេកជាមួយឈ្មោះគ្រួសារពួកគេផងដែរ ។ វាគឺជាកិច្ចការដ៏អស្ចារ្យណាស់ ព្រោះតាមរយៈពង្សប្រវត្តិ និងកិច្ចការព្រះវិហារបរិសុទ្ធ នោះយើងអាចជួយប្រោសលោះដល់មរណជន ។

( ឌែល ជី រិនឡាន់ « Family History and Temple Work: Sealing and Healing » Liahona ខែ ឧសភា ឆ្នាំ ២០១៨ ទំព័រ ៤៦–៤៧ )

តើការចូលរួមក្នុងកិច្ចការពង្សប្រវត្តិ និងព្រះវិហារបរិសុទ្ធជះឥទ្ធិពលដល់ជីវិតអ្នក ឬជីវិតអ្នកដទៃយ៉ាងដូចម្ដេច ? ប្រសិនបើអ្នកមិនទាន់បានចូលរួមក្នុងកិច្ចការពង្សប្រវត្តិ និងព្រះវិហារបរិសុទ្ធទេ តើអ្នកគិតថាវាអាចប៉ះពាល់ដល់ជីវិតរបស់អ្នកយ៉ាងដូចម្តេច ?

សូមចំណាយពេលឥឡូវនេះ ដើម្បីចូលរួមឬស្វែងយល់បន្ថែមអំពីកិច្ចការនៃសេចក្ដីសង្គ្រោះសម្រាប់មរណជន ។ អាស្រ័យលើពេលវេលា និងធនធានដែលមាននៅក្នុងតំបន់ និងភាសារបស់អ្នក សូមជ្រើសរើសជម្រើសមួយ ឬច្រើនខាងក្រោមសម្រាប់សកម្មភាពនេះ ៖

សូមចូលទៅកាន់គេហទំព័រ FamilySearch.org ឬប្រើកម្មវិធីមែកធាងក្រុមគ្រួសារនៃកម្មវិធីស្រាវជ្រាវក្រុមគ្រួសារ ។ សូមរកមើលថាតើអ្នកអាចស្វែងរកឈ្មោះបុព្វការីជនដែលនៅតែត្រូវការទទួលពិធីបរិសុទ្ធនៃបព្វជិតភាពដែរឬទេ ។ អ្នកអាចរក្សាឈ្មោះទាំងនេះ ហើយយកវាទៅព្រះវិហារបរិសុទ្ធដោយខ្លួនឯង ឬដាក់ឈ្មោះពួកលោកទៅក្នុងព្រះវិហារបរិសុទ្ធ ដើម្បីឲ្យអ្នកផ្សេងអាចធ្វើពិធីបរិសុទ្ធសម្រាប់ពួកគាត់ ។ មុខងាររៀបចំពិធីបរិសុទ្ធអាចត្រូវបានប្រើដើម្បីជួយអ្នកស្វែងរកជីដូនជីតាដែលត្រូវការពិធីបរិសុទ្ធបព្វជិតភាពបានយ៉ាងឆាប់រហ័ស ។ ( សម្រាប់ការណែនាំអំពីរបៀបប្រើមុខងារនេះ សូមមើល សូមមើល « Family Tree App: Ordinances Ready » New Era ខែ មករា ឆ្នាំ ២០១៩ ទំព័រ ៤៥ ) ។

សូមចូលទៅកាន់ផ្នែក « Family History » នៅក្នុងGospel Topics ( topics.ChurchofJesusChrist.org ) ដើម្បីស្វែងរកការពន្យល់ ព្រះគម្ពីរ សារសន្និសីទទូទៅ និងវីដេអូអំពីពង្សប្រវត្តិ ។

សូមចូលទៅកាន់កម្រងវីដេអូ « Family History » នៅក្នុងបណ្ណាល័យប្រព័ន្ធផ្សព្វផ្សាយ ( videos.ChurchofJesusChrist.org ) ដើម្បីស្វែងរកវីដេអូបំផុសគំនិតអំពីការចូលរួមក្នុងកិច្ចការព្រះវិហារបរិសុទ្ធ និងកិច្ចការពង្សប្រវត្តិ ។

សូមធ្វើបញ្ជីសំណួរអំពីជីដូនជីតារបស់អ្នក ដែលអ្នកអាចសួរឪពុកម្តាយ ឬសាច់ញាតិផ្សេងទៀត ។ នៅពេលវេលាសមស្រប សូមសួរសំណួររបស់អ្នក ហើយពិភាក្សាអំពីរបៀបដែលគ្រួសាររបស់អ្នកអាចចូលរួមក្នុងកិច្ចការព្រះវិហារបរិសុទ្ធ និងពង្សប្រវត្តិជាមួយគ្នា ។

ក្នុងចន្លោះខាងក្រោម សូមពណ៌នាអំពីជម្រើសដែលអ្នកបានជ្រើសរើស និងអ្វីដែលអ្នកបានរៀន ឬមានអារម្មណ៍នៅពេលអ្នកបានធ្វើសកម្មភាពនេះ ។

ជម្រើស ៖ តើចង់រៀនសូត្របន្ថែមទៀតទេ ?

តើអ្វីទៅជាទំនួលខុសត្រូវរបស់ខ្ញុំចំពោះបុព្វការីជនដែលបានស្លាប់ ?

អែលឌើរ ឃ្វីនថិន អិល ឃុក ក្នុងកូរ៉ុមនៃពួកសាវកដប់ពីរនាក់បានបង្រៀន ៖

ឫស និង មែក
ឃ្វីនថិន អិល ឃុក បង្រៀនពីសារៈសំខាន់នៃការពន្លឿនកិច្ចការពង្សប្រវត្តិ និង ព្រះវិហារបរិសុទ្ធក្នុងជំនាន់យើង រួមទាំងតាមបច្ចេកវិទ្យាទំនើបផងដែរ ។

គោលលទ្ធិនៃគ្រួសារដែលទាក់ទងនឹងពង្សប្រវត្តិ និងកិច្ចការព្រះវិហារបរិសុទ្ធមានភាពច្បាស់លាស់ ។ នៅក្នុងការណែនាំដំបូង ដែលព្រះអម្ចាស់បានលើកឡើងពី « បុណ្យជ្រមុជទឹកជំនួសមនុស្សស្លាប់ របស់អ្នក » [ គោលលទ្ធិ និង សេចក្ដីសញ្ញា ១២៧:៥; បានគូសបញ្ជាក់បន្ថែម ] ។ ជាកាតព្វកិច្ចខាងគោលលទ្ធិរបស់យើង គឺមានចំពោះជីដូនជីតារបស់យើងផ្ទាល់ ។ ការណ៍នេះដោយសារតែអង្គការសេឡេស្ទាលនៃស្ថានសួគ៌ គឺផ្អែកលើក្រុមគ្រួសារ ។ គណៈប្រធានទីមួយបានលើកទឹកចិត្តសមាជិក ជាពិសេសយុវវ័យ និងយុវមជ្ឈិមវ័យនៅលីវឲ្យផ្ដោតសំខាន់លើកិច្ចការពង្សប្រវត្តិ និងពិធីបរិសុទ្ធសម្រាប់ឈ្មោះគ្រួសារពួកគេ ឬឈ្មោះជីដូនជីតានៃសមាជិកក្នុងវួដ ឬស្តេកពួកគេ ។ យើងត្រូវតភ្ជាប់ទាំងឫសគល់ និងមែករបស់យើង ។

( ឃ្វីនថិន អិល ឃុក « Roots and Branches » Liahona ខែ ឧសភា ឆ្នាំ ២០១៤ ទំព័រ ៤៥ )

ប្រធាន ថូម៉ាស អេស ម៉នសុន ( ១៩២៧–ឆ្នាំ ២០១៨ ) បានបង្រៀន ៖

បើតាមខ្ញុំដឹងគឺថាព្រះអម្ចាស់ពុំធ្លាប់បង្ហាញថា កិច្ចការរបស់ទ្រង់ត្រូវបានបង្ខាំងដោយជីវិតរមែងស្លាប់ឡើយ ។ ផ្ទុយទៅវិញ កិច្ចការរបស់ទ្រង់មានដល់ភាពដ៏នៅអស់កល្បជានិច្ច ។ ខ្ញុំជឿថា ទ្រង់កំពុងពន្លឿនកិច្ចការរបស់ទ្រង់នៅក្នុងពិភពវិញ្ញាណ ។ ខ្ញុំក៏ជឿផងដែរថា ព្រះអម្ចាស់កំពុងរៀបចំវិញ្ញាណជាច្រើនឲ្យទទួលយកដំណឹងល្អតាមរយៈពួកអ្នកបម្រើរបស់ទ្រង់នៅទីនោះ ។ កិច្ចការរបស់យើងគឺត្រូវស្វែងរកដូនតារបស់យើងដែលបានចែកឋានទៅ បន្ទាប់ក្រោយមកទៅព្រះវិហារបរិសុទ្ធ ហើយធ្វើពិធីការពិសិដ្ឋដែលនាំឲ្យអ្នកដែលនៅផ្នែកម្ខាងទៀតនៃវាំននមានឱកាសដូចជាយើងដែរ ។ …

បងប្អូនប្រុសស្រីរបស់ខ្ញុំអើយ ខ្ញុំសូមថ្លែងទីបន្ទាល់ថា ព្រះអម្ចាស់នឹងប្រទានពរដល់យើង ពេលយើងទទួលយក ហើយឆ្លើយតបចំពោះបញ្ហាប្រឈមនេះ ។

( ថូម៉ាស អេស ម៉នសុន « Hastening the Work » Ensign ខែ មិថុនា ឆ្នាំ ២០១៤ ទំព័រ ៤–៥ )

តើខ្ញុំអាចចូលរួមក្នុងកិច្ចការព្រះវិហារបរិសុទ្ធ និងពង្សប្រវត្តិដោយរបៀបណា ?

ដើម្បីមើលអ្វីដែលអែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បង្រៀនអំពីកិច្ចការដ៏សំខាន់នេះ សូមមើល « The Time Is Now » ( ៣:១៩ ) ដែលមាននៅលើគេហទំព័រ ChurchofJesusChrist.org ។

The Time Is Now
Elder Bednar and youth talk about doing family history research and the importance of engaging in the work of the temple.

ប្រធាន រ័សុល អិម ណិលសុន បានប្រកាស ៖

រាល់ពេល ដែលប្អូនៗធ្វើ អ្វីមួយ ដើម្បីជួយនរណាម្នាក់ ដែលនៅទាំងសង្ខាងនៃវាំងនន—បោះជំហានទៅធ្វើសេចក្ដីសញ្ញាជាមួយនឹងព្រះ ហើយទទួលពិធីបរិសុទ្ធនៃបុណ្យជ្រមុជទឹក និងព្រះវិហារបរិសុទ្ធដ៏សំខាន់របស់ពួកគេ នោះប្អូនៗកំពុងជួយប្រមូលអ៊ីស្រាអែលហើយ ។ គឺវាសាមញ្ញអញ្ចឹង ។

( រ័សុល អិម ណិលសុន និង វិនឌី ដបុលយូ ណិលសុន « Hope of Israel » [ ការប្រជុំធម្មនិដ្ឋានសម្រាប់យុវវ័យទូទាំងពិភពលោក ថ្ងៃទី ៣ ខែ មិថុនា ឆ្នាំ ២០១៨ ] បន្ថែមទៅនឹង New Era និង Ensign ទំព័រ ១៥ នៅលើគេហទំព័រ ChurchofJesusChrist.org )

តើកិច្ចការព្រះវិហារបរិសុទ្ធ និងពង្សប្រវត្តិអាចផ្តល់ពរដល់ខ្ញុំដោយរបៀបណា ?

នៅក្នុងសារលិខិតសន្និសីទទូទៅ ខែ មេសា ឆ្នាំ ២០១៨ របស់គាត់ អែលឌើរ ឌែល ជី រិនឡាន់ ក្នុងកូរ៉ុមនៃពួកសាវកដប់ពីរនាក់បានរាយបញ្ជីពរជ័យជាច្រើនដែលយើងអាចទទួលបានពីការចូលរួមក្នុងព្រះវិហារបរិសុទ្ធ និងកិច្ចការពង្សប្រវត្តិ ។ សូមមើលការដកស្រង់នេះ ឬអានសារទាំងមូល ( ឌែល ជី រិនឡាន់ « Family History and Temple Work: Sealing and Healing » Liahona ខែ ឧសភា ឆ្នាំ ២០១៨ ទំព័រ ៤៦–៤៩ ) ។

សូមមើល « Redeeming the Dead Redeemed Me » ( ៤:៥៧ ) ដែលមាននៅលើគេហទំព័រ ChurchofJesusChrist.org ដើម្បីមើលពីរបៀបដែលបុរសម្នាក់ត្រូវបានប្រទានពរដោយការចូលរួមក្នុងកិច្ចការនេះ ។