ថែស្សាឡូនីច ទី១ ១

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

ថែស្សាឡូនីច ទី១ ១–៣

ការដើរតាមព្រះយេស៊ូវគ្រីស្ទ ដោយធ្វើការងារបម្រើក្នុងសេចក្ដីស្រឡាញ់

យុវនារីកំពុងជជែកកម្សាន្តជាមួយយុវវ័យដទៃទៀត

តើនៅពេលណាដែលការបម្រើរបស់នរណាម្នាក់បានរំឭកអ្នកអំពីព្រះយេស៊ូវគ្រីស្ទ ? ប៉ុល និងដៃគូរបស់លោកបានធ្វើការងារបម្រើតាមរបៀបដូចព្រះគ្រីស្ទចំពោះពួកបរិសុទ្ធនៅក្រុងថែស្សាឡូនីច ដោយបំផុសគំនិតពួកគេឲ្យបន្តរស់នៅតាមដំណឹងល្អដោយស្មោះត្រង់ ទោះបីជាប្រឈមមុខនឹងការបៀតបៀនក៏ដោយ ។ មេរៀននេះអាចជួយអ្នកឲ្យផ្ដល់ពរជ័យ និងធ្វើឲ្យមានឥទ្ធិពលដល់អ្នកដទៃ នៅពេលអ្នកខិតខំធ្វើការងារបម្រើដូចព្រះអង្គសង្គ្រោះព្រះយេស៊ូវគ្រីស្ទរបស់យើងបានធ្វើ ។

គំរូរបស់ព្រះយេស៊ូវគ្រីស្ទ

សូមក្រឡេកមើលរូបភាពនៃព្រះយេស៊ូវគ្រីស្ទទាំងនេះ ឬគិតអំពីដំណើររឿងព្រះគម្ពីរផ្សេងទៀតនៃការប្រាស្រ័យទាក់ទងរបស់ទ្រង់ជាមួយមនុស្សដទៃ ។ នៅក្នុងសៀវភៅកំណត់ហេតុការសិក្សារបស់អ្នក សូមសរសេរពាក្យ និងឃ្លាដែលពិពណ៌នាអំពីអ្វីដែលព្រះអង្គសង្គ្រោះកំពុងធ្វើសម្រាប់បុគ្គលដែលទ្រង់ប្រាស្រ័យទាក់ទងជាមួយ ។

ក្មេងប្រុសម្នាក់កំពុងអង្គុយនៅលើភ្លៅរបស់ព្រះយេស៊ូវ ។ ឈុតឆាកនេះរួមមាន មនុស្សនៅក្នុងផ្ទះនៅឯក្រុងកាពើណិម ភីលីព ព្រះយេស៊ូវ យ៉ូហាន ពេត្រុស ម៉ាថាយ ព្រះយេស៊ូវកំពុងអង្គុយនៅតុជាមួយសិស្សមួយចំនួនដែលត្រូវបានបង្ហាញ និងម៉ារី អ្នកស្រុកម៉ាក់ដាឡា ។

មនុស្សខ្វាក់មើលឃើញ ។ ឈុតឆាកនេះរួមមាន ព្រះយេស៊ូវលាបភ្នែករបស់គាត់ ហើយយាងទៅឯស្រះស៊ីឡោម ។

ព្រះយេស៊ូវគ្រីស្ទកំពុងបង្រៀននៅក្នុងព្រះវិហារបរិសុទ្ធ ហើយពួកសង្ឃរាជកំពុងចូលទៅជិតពួកចាស់ទុំ និងពួកអាចារ្យដែលបានទូលសួរទ្រង់ពីប្រភពនៃសិទ្ធិអំណាចរបស់ទ្រង់ ។ ព្រះគ្រីស្ទសួរពួកគាត់វិញថាតើពិធីបុណ្យជ្រមុជទឹកដែលយ៉ូហាន បាទីស្ទបានធ្វើគឺមកពីស្ថានសួគ៌ ឬមកពីមនុស្ស ។ ឈុតឆាកនេះរួមមាន រូបភាពជិតរបស់មនុស្សនៅក្នុងហ្វូងមនុស្សនៃក្រុងកៃផា ។

រូបភាពព្រះយេស៊ូវ និងស្ត្រីដែលប្រព្រឹត្តសហាយស្មន់ ។ ព្រះយេស៊ូវ និងស្រ្តីរូបនោះកំពុងលុតជង្គង់ ហើយនាងកំពុងកាន់ព្រះហស្តទ្រង់ ។ ឈុតឆាកនេះរួមមាន ពួកបុរសមានកំហឹងនាំស្ត្រីម្នាក់មក ហើយបោះនាងទៅលើដី មនុស្សឈរហ៊ុមព័ទ្ធនាង ព្រះអង្គសង្គ្រោះលត់ជង្គង់ជិតនាង ព្រះយេស៊ូវលើកនាងឲ្យឈរ ហើយព្រះអង្គសង្គ្រោះឈរជាមួយនាង ។

ប្រសិនបើអ្នកជាបុគ្គលម្នាក់ក្នុងចំណោមបុគ្គលដែលនៅជាមួយព្រះអង្គសង្គ្រោះ តើអ្នកគិតថាអ្នកនឹងមានអារម្មណ៍បែបណាចំពោះទង្វើរបស់ព្រះអង្គសង្គ្រោះ ? ហេតុអ្វី ?
សូមមើលបញ្ជីដែលអ្នកបានបង្កើត តើពាក្យ ឬឃ្លាមួយណាដែលអ្នកចង់អនុវត្តនៅពេលបម្រើអ្នកដទៃ ? ( អ្នកអាចនឹងចង់គូសសម្គាល់ ឬគូសពណ៌លើពាក្យដែលមានអត្ថន័យបំផុតចំពោះអ្នក ។ )

នៅក្នុងសាសនាចក្រ យើងច្រើនតែសំដៅទៅលើសកម្មភាពដូចជា ការងារបម្រើ ។

បងប្រុស ដេវីឌ អិល ប៊េក អតីតប្រធានក្រុមយុវជនទូទៅបានបង្រៀន ៖

ដើម្បីផ្ដល់ការងារបម្រើមានន័យថា ស្រឡាញ់ និងថែទាំអ្នកដទៃ ។ វាមានន័យថា យកចិត្តទុកដាក់លើសេចក្តីត្រូវការខាងវិញ្ញាណ និងខាងសាច់ឈាមរបស់ពួកគេ ។ និយាយឲ្យសាមញ្ញទៅ វាមានន័យថាធ្វើនូវអ្វីដែលព្រះអង្គសង្គ្រោះនឹងធ្វើ បើទ្រង់គង់នៅទីនេះ ។

( ដេវីឌ អិល ប៊េក « Your Sacred Duty to Minister » Liahona ខែ ឧសភា ឆ្នាំ ២០១៣ ទំព័រ ៥៦ )

នៅក្នុងសេចក្ដីថ្លែងការណ៍របស់ បងប្រុស ប៊េក តើមានអ្វីដែលធ្វើឲ្យអ្នកចាប់អារម្មណ៍ ?
សូមពិចារណាសេចក្តីថ្លែងការណ៍របស់ បងប្រុស ប៊េក និងពាក្យដែលអ្នកបានគូសចំណាំនៅក្នុងបញ្ជីរបស់អ្នក តើអ្នកគិតថាអ្នកកំពុងផ្ដល់ការងារបម្រើដល់អ្នកដទៃបានល្អប៉ុណ្ណា ?

អ្នកអាចមានចម្ងល់ ឬកង្វល់អំពីការផ្ដល់ការងារបម្រើដល់អ្នកដទៃ ។ សូមពិចារណាកត់ត្រាវានៅក្នុងសៀវភៅកំណត់ហេតុការសិក្សារបស់អ្នក ហើយស្វែងរកចម្លើយ នៅពេលអ្នកសិក្សា ថែស្សាឡូនីច ទី១ ១–៣ ថ្ងៃនេះ ។ អ្នកក៏ប្រហែលជាចង់អញ្ជើញព្រះវិញ្ញាណឲ្យជួយអ្នកស្វែងរកវិធីដែលអ្នកអាចផ្ដល់ពរ និងជះឥទ្ធិពលដល់អ្នកដទៃ នៅពេលអ្នកខិតខំផ្ដល់ការងារបម្រើដូចព្រះអង្គសង្គ្រោះព្រះយេស៊ូវគ្រីស្ទរបស់យើងបានធ្វើដែរ ។ សូមកត់ត្រាគំនិត និងចំណាប់អារម្មណ៏របស់អ្នក ដូច្នេះអ្នកអាចធ្វើសកម្មភាពដោយការអធិស្ឋាន ។

ប៉ុលផ្ដល់ការងារបម្រើដល់សាសន៍ថែស្សាឡូនីច

ក្នុងអំឡុងដំណើរផ្សព្វផ្សាយសាសនាលើកទីពីររបស់លោក សាវកប៉ុល និងដៃគូរបស់លោកបានទទួលជោគជ័យក្នុងការផ្សព្វផ្សាយដល់ប្រជាជននៅក្រុងថែស្សាឡូនីច ប៉ុន្តែថ្នាក់ដឹកនាំសាសន៍យូដាបានបង្ខំពួកគេឲ្យចេញពីទីក្រុង ( សូមមើល កិច្ចការ ១៧:១–៩ ) ។ ក្រោយមក ប៉ុលបានរៀនថា ពួកបរិសុទ្ធនៅក្រុងថែស្សាឡូនីចនៅតែស្មោះត្រង់ ហើយកំពុងចែកចាយសារលិខិតនៃដំណឹងល្អ ទោះបីជាពួកគេជួបប្រទះនឹងការបៀតបៀនដោយសារការធ្វើដូច្នេះក៏ដោយ ( សូមមើល ថែស្សាឡូនីច ទី១ ១:៦–៨ ) ។ ដោយមានការដឹងគុណចំពោះសេចក្តីជំនឿ និងក្តីសង្ឃឹមរបស់ពួកគេនៅក្នុងព្រះយេស៊ូវគ្រីស្ទ ប៉ុលបានសរសេរសំបុត្រដំបូងរបស់លោកទៅកាន់ពួកថែស្សាឡូនីច ( សូមមើល ថែស្សាឡូនីច ទី១ ១:២–៣ ) ។

សូមអាន ថែស្សាឡូនីច ទី១ ២:៧–១៤; ៣:៩–១៣ ដោយប្រុងប្រយ័ត្ន ។ អ្នកអាចនឹងចង់គូសចំណាំពាក្យ និងឃ្លាដែលអ្នករកឃើញដែលរំឭកអ្នកអំពីសេចក្ដីស្រឡាញ់ និងការយកចិត្តទុកដាក់ដែលព្រះអង្គសង្គ្រោះបានប្រទានឲ្យ ។ សូមពិចារណាបន្ថែមការយល់ឃើញរបស់អ្នកទៅក្នុងបញ្ជីរបស់អ្នក ។

សូមសរសេរនៅលើក្រដាសមួយសន្លឹកដោយប្រើប៊ិច ឬខ្មៅដៃ ។

ពរជ័យនៃការងារបម្រើ

សេចក្តីពិតមួយដែលយើងអាចរៀនអំពីការងារបម្រើពីខគម្ពីរទាំងនេះគឺថា នៅពេលយើងផ្ដល់ការងារបម្រើដល់អ្នកដទៃដោយសេចក្ដីស្រឡាញ់ នោះយើងអាចជួយពួកគេឲ្យក្លាយជាអ្នកដើរតាមព្រះយេស៊ូវគ្រីស្ទកាន់តែប្រសើរ ( សូមមើល ថែស្សាឡូនីច ទី១ ២:១០–១៤ ) ។

រូបថតរបស់តួអង្គព្រះយេស៊ូវគ្រីស្ទក្នុងវីដេអូព្រះគម្ពីរប៊ីប ។

ផ្ដល់ការងារបម្រើក្នុងសេចក្ដីជំនឿ និងសេចក្ដីស្រឡាញ់

ជួនកាល ការចាត់តាំងរបស់សាសនាចក្រនឹងផ្តល់ឲ្យអ្នកនូវឱកាសជាផ្លូវការដើម្បីផ្ដល់ការងារបម្រើ ។ អ្នកនឹងមានឱកាសផ្តល់ការងារបម្រើក្នុងអំឡុងពេលទំនាក់ទំនងប្រចាំថ្ងៃជាមួយសមាជិកគ្រួសារ មិត្តភក្តិ និងអ្នកដទៃកាន់តែញឹកញាប់ ។

ប្រធាន ជីន ប៊ី ប៊ីងហាំ ប្រធានសមាគមសង្គ្រោះទូទៅ បានចែកចាយគំនិតមួយចំនួនអំពីរបៀបផ្ដល់ការងារបម្រើដូចជាព្រះយេស៊ូវគ្រីស្ទបានធ្វើ ។ សូមមើលវីដេអូ « Ministering as the Savior Does » ចាប់ពីនាទីទី ០:៤៥ ដល់នាទីទី ១:៥៤ ឬអានប្រសាសន៍របស់ ប្រធាន ប៊ីងហាំ ។ អ្នកប្រហែលជាចង់បន្ថែមការផ្ដល់យោបល់ខ្លះៗរបស់គាត់ទៅក្នុងបញ្ជីការងារបម្រើរបស់អ្នក ។

ការងារបម្រើដូចដែលព្រះអង្គសង្គ្រោះបានធ្វើ
ស៊ិស្ទើរ ប៊ីងហាំ បង្រៀនអំពីការបម្រើដល់គ្នាទៅវិញទៅមក និងផ្ដល់ឧទាហរណ៍អំពីរបៀបដែលយើងអាចធ្វើតាមគំរូរបស់ព្រះអង្គសង្គ្រោះក្នុងការបម្រើប្រកបដោយសេចក្ដីស្រឡាញ់តាមរយៈទង្វើដ៏សាមញ្ញៗ ។

ពេលខ្លះយើងគិតថា យើងត្រូវធ្វើអ្វីមួយធំដុំ និងជាវីរជន « ដើម្បីរាប់ថា » ជាការបម្រើដល់អ្នកជិតខាងរបស់យើង ។ ប៉ុន្ដែទង្វើសាមញ្ញៗនៃការបម្រើអាចមានឥទ្ធិពលដ៏ខ្លាំងទៅលើអ្នកដទៃ— ក៏ដូចជាខ្លួនយើងផងដែរ ។ តើព្រះអង្គសង្គ្រោះបានធ្វើអ្វីខ្លះ ? តាមរយៈអំណោយទាននៃដង្វាយធួន និងការមានព្រះជន្មរស់ឡើងវិញដ៏អស្ចារ្យរបស់ទ្រង់… « សូម្បីតែមួយក៏គ្មានសោះដែលឥទ្ធិពលដ៏ជ្រាលជ្រៅទៅ [ លើ ] អស់ទាំងមនុស្សដែលបានរស់នៅ ហើយដែលនឹងរស់នៅលើផែនដីនៅអនាគតកាល » [ « ព្រះគ្រីស្ទដ៏មានព្រះជន្មរស់ » ChurchofJesusChrist.org ] ។ ប៉ុន្តែទ្រង់បានញញឹម មានបន្ទូល យាងជាមួយ ស្ដាប់ ចំណាយពេល លើកទឹកចិត្ត បង្រៀន ប្រទានអាហារ និងអភ័យទោស ។ ទ្រង់បានបម្រើដូចគ្នាដល់គ្រួសារ និងមិត្តភក្ដិ អ្នកជិតខាង និងមនុស្សប្លែកមុខ ហើយទ្រង់បានអញ្ជើញអ្នកដែលស្គាល់ និងមនុស្សជាទីស្រឡាញ់ឲ្យរីករាយនឹងពរជ័យដ៏បរិបូរនៃដំណឹងល្អរបស់ទ្រង់ ។ ទង្វើនៃការបម្រើ « សាមញ្ញៗ » ទាំងនោះ និងសេចក្ដីស្រឡាញ់ផ្ដល់ជាខ្នាតគំរូសម្រាប់ការងារបម្រើរបស់យើងសព្វថ្ងៃនេះ ។

( ជីន ប៊ី ប៊ីងហាំ « ការងារបម្រើដូចដែលព្រះអង្គសង្គ្រោះបានធ្វើ » Liahonaខែ ឧសភា ឆ្នាំ ២០១៨ ទំព័រ ១០៤ ) ។

តើប្រសាសន៍របស់ ស៊ីស្ទើរ ប៊ីងហាំ បង្រៀនអ្នកអ្វីខ្លះអំពីការផ្ដល់ការងារបម្រើដូចព្រះយេស៊ូវគ្រីស្ទបានធ្វើ ?
ហេតុអ្វីបានជាវាសំខាន់ក្នុងការចងចាំថា ការងារបម្រើអាចត្រូវបានសម្រេចតាមរយៈការបម្រើដ៏សាមញ្ញ ?

សូមរំឭកបញ្ជីរបស់អ្នកអំពីអត្ថន័យនៃការងារបម្រើ ហើយបញ្ចូលគំនិតបន្ថែមណាមួយពីអ្វីដែលអ្នកបានរៀននៅថ្ងៃនេះ ។ សូមកំណត់ពាក្យពីរ ឬបីដែលអាចជួយអ្នកឲ្យកាន់តែដូចព្រះយេស៊ូវគ្រីស្ទនៅពេលអ្នកផ្ដល់ការងារបម្រើ ។

សូមស្វែងរកជំនួយពីព្រះវរបិតាសួគ៌ដោយការអធិស្ឋាន ដើម្បីដឹងថា ទ្រង់នឹងឲ្យអ្នកផ្ដល់ការងារបម្រើដល់នរណានៅថ្ងៃនេះ និងរបៀបដែលអ្នកអាចធ្វើដូច្នេះបាន ។ អ្នកប្រហែលជាបានទទួលការបំផុសគំនិតពីព្រះវិញ្ញាណរួចហើយ ដែលអ្នកអាចធ្វើសកម្មភាពបាននៅពេលនេះ ។

ប្រសិនបើអ្នកនឹកមិនឃើញឈ្មោះរបស់មនុស្សជាក់លាក់ណាមួយនៅក្នុងចិត្តទេ សូមពិចារណាពីការអធិស្ឋានសុំជំនួយពីព្រះវរបិតាសួគ៌ ដើម្បីស្គាល់ឱកាសផ្ដល់ការងារបម្រើ ហើយធ្វើសកម្មភាពនៅពេលវាកើតឡើង ។ សូមទុកចិត្តថាទ្រង់នឹងដឹកនាំអ្នក ពេលអ្នកខិតខំផ្ដល់ការងារបម្រើដូចព្រះអង្គសង្គ្រោះបានធ្វើ ។

ជម្រើស ៖ តើចង់រៀនសូត្របន្ថែមទៀតទេ ?

ចុះបើខ្ញុំមិនប្រាកដអំពីរបៀបផ្ដល់ការងារបម្រើដល់អ្នកដទៃវិញនោះ ?

អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ក៏បានបង្រៀនដែរថា ៖

មនុស្សម្នាក់ដែលមានចិត្តល្អអាចជួយមនុស្សម្នាក់ប៉ះកង់ឡាន នាំមិត្តរួមបន្ទប់ទៅជួបវេជ្ជបណ្ឌិត ទទួលទានអាហារថ្ងៃត្រង់ជាមួយនឹងមនុស្សម្នាក់ដែលសោកសៅ ឬញញឹម ហើយនិយាយពាក្យសួស្ដីដែលធ្វើឲ្យគាត់មានភាពរីករាយ ។

ប៉ុន្តែអ្នកដែលធ្វើតាមបទបញ្ញត្តិទីមួយ [ ដែលត្រូវឲ្យស្រឡាញ់ព្រះឲ្យអស់ពីចិត្តនៃឯង ] នឹងបន្ថែមដោយឯកឯងទៅលើទង្វើនៃការបម្រើដ៏សំខាន់ទាំងនេះ [ ដោយ ] លើកទឹកចិត្តអ្នកដែលកំពុងរក្សាបទបញ្ញត្តិបានល្អ ហើយចែកចាយការទូន្មានឆ្លាតវៃ ដើម្បីពង្រឹងសេចក្តីជំនឿរបស់នរណាម្នាក់ ដែលកំពុងធ្លាក់ ឬអ្នកដែលត្រូវការជំនួយដើម្បីត្រឡប់មកដើរលើផ្លូវដែលធ្លាប់បានដើររួចមកហើយវិញ ។

( នែល អិល អាន់ឌើរសិន « A Holier Approach to Ministering » [ ការប្រជុំធម្មនិដ្ឋានសាកលវិទ្យាល័យព្រិកហាំ យ៉ង់ ថ្ងៃទី ១០ ខែ មេសា ឆ្នាំ ២០១៨ ] ទំព័រ ៣ speeches.byu.edu )

ប៊ីស្សព ដបុលយូ គ្រីស្តូហ្វើរ វ៉តឌែល នៃគណៈប៊ីស្សពជាអធិបតីបានថ្លែងថា ៖

យើងអាចឆ្ងល់ថាតើការបម្រើបែបណាឲ្យបានល្អបំផុត តែព្រះអម្ចាស់ទ្រង់ត្រាស់ដឹង ហើយតាមរយៈព្រះវិញ្ញាណរបស់ទ្រង់ យើងនឹងត្រូវបានដឹកនាំនៅក្នុងកិច្ចខិតខំរបស់យើង … កាលយើងពុះពារប្រែក្លាយជាឧបករណ៍នៅក្នុងព្រះហស្តព្រះអម្ចាស់ដើម្បីផ្ដល់ពរដល់បុត្រទ្រង់ ។ នៅពេលដែលយើងស្វែងរកការណែនាំពីព្រះវិញ្ញាណបរិសុទ្ធ ហើយទុកចិត្តលើព្រះអម្ចាស់ នោះយើងនឹងត្រូវបានដាក់នៅក្នុងកាលៈទេសៈ និងស្ថានភាពផ្សេងៗដែលយើងអាចធ្វើសកម្មភាព និងផ្ដល់ពរ—និយាយម្យ៉ាងទៀតគឺ ការងារបម្រើ ។

( ដបុលយូ គ្រីស្តូហ្វើរ វ៉តឌែល ។ « Just as He Did » Liahona ខែ ឧសភា ឆ្នាំ ២០១៩ ទំព័រ ២១ )

បងប្រុស ដេវីឌ អិល ប៊េក អតីតប្រធានយុវជនទូទៅ បានរំឭកយើងថា ៖

ការផ្ដល់ការងារបម្រើ គឺមិនត្រឹមតែជាអ្វីដែលយើងធ្វើប៉ុណ្ណោះទេ—វាក៏បង្ហាញថាយើងគឺជានរណាផងដែរ ។

ចូរផ្ដល់ការងារបម្រើរៀងរាល់ថ្ងៃ ។ ឱកាសជាច្រើនគឺមាននៅជុំវិញអ្នក ។ ចូរស្វែងរកឱកាសទាំងនេះ ។ ចូរទូលសូមព្រះអម្ចាស់ ដើម្បីជួយអ្នកឲ្យរកឃើញឱកាសទាំងនេះ ។ អ្នកនឹងឃើញថា ភាគច្រើនទង្វើដ៏តូចតាច ហើយស្មោះត្រង់ដែលជួយអ្នកដទៃឲ្យក្លាយទៅជាអ្នកដើរតាមព្រះយេស៊ូវគ្រីស្ទ ។

( ដេវីឌ អិល ប៊េក « Your Sacred Duty to Minister » Liahona ខែ ឧសភា ឆ្នាំ ២០១៣ ទំព័រ ៥៧ )

សម្រាប់គំនិត ឬឧទាហរណ៍បន្ថែមអំពីការងារបម្រើ សូមមើលអត្ថបទទាំងពីរនេះពីទស្សនាវដ្ដីសាសនាចក្រ ៖

« The Purpose That Will Change Our Ministry » Ensignខែ មករា ឆ្នាំ ២០១៩ ទំព័រ ៨–១១
អេរីក ប៊ី មើដុក « Ministering As the Savior Did » New Era ខែ ធ្នូ ឆ្នាំ ២០១៨ ទំព័រ ៣២–៣៥

អ្នកក៏ប្រហែលជាចង់មើល « ChurchofJesusChrist.orgThis Is Ministering » នៅលើគេហទំព័រ ។