Jesus is touching the cheek of a woman who is sitting on the ground. Outtakes include the ill woman walking up to Jesus to touch his clothes and Jesus kneeling and talking to the seated woman. Jesus touching the face of a seated woman.
Si Jesukristo nagpakita og dakong gugma sa matag adlaw sa Iyang mortal nga kinabuhi. Sa kataposan Iyang gipakita ang Iyang hingpit nga gugma pinaagi sa kabubut-ong pagsakripisyo sa Iyang kinabuhi alang kanato. Si Apostol Pablo nagsulat sa detalye mahitungod sa gugma nga susama ni Kristo, o gugmang putli, og nganong kinahanglang tinguhaon man nato nga makaangkon niini. Kini nga leksiyon gituyo aron matabangan ka nga mabati ang tiunay nga gugma ni Jesukristo alang kanimo og aron matabangan ka nga magtinguha sa gasa sa gugmang putli aron mabati ang maong gugma alang sa uban.
Pagsalig sa matag estudyante. Usa ka paagi sa pagpakita og gugma alang sa matag estudyante mao ang pag-ila ug pagsalig sa ilang balaang pagkatawo ug katuyoan. Pag-ampo aron makita ang mga estudyante ingon sa pagtan-aw sa Ginoo kanila.
Pagpangandam sa estudyante: Dapita ang mga estudyante sa paghunahuna og usa ka miyembro sa pamilya, higala, o lain pang indibidwal nga gusto nila nga makabaton og mas maayong relasyon uban kaniya. Hangyoa ang mga estudyante sa pagkonsiderar sa epekto sa pagpakita og dakong gugma alang niining tawhana diha sa relasyon.
Posible nga mga Kalihokan sa Pagkat-on
Ang atong relasyon ngadto sa uban
Dapita ang mga estudyante sa pagpamalandong sa hilom sa ilang pagpangandam alang sa klase ug sa mosunod nga mga pangutana.
Hunahunaa ang usa ka tawo nga gusto nimo nga adunay mas maayong relasyon uban kaniya.
Unsa sa imong hunahuna ang epekto sa pagpakita og dakong gugma diha sa relasyon?
Diha sa imong pagtuon sa 1 Mga Taga-Corinto 13 , pangita og mga paagi nga imong higugmaon ang uban sama sa gibuhat sa Manluluwas. Pangitaa ang inspirasyon sa Espiritu Santo aron mahibalo unsa ang imong mahimong buhaton aron magamit ang imong nakat-onan sa imong kahimtang karon.
Ang tiunay nga gugma ni Jesukristo
Human matudloan ang mga miyembro sa Simbahan nga Taga-Corinto mahitungod sa espirituwal nga mga gasa, si Apostol Pablo miingon nga siya magpakita kanila og “labing maayo … nga paagi” sa pagpakabuhi ( 1 Mga Taga-Corinto 12:31). Basaha ang 1 Mga Taga-Corinto 13:1–3 , nga mangita niining labing maayo nga paagi.
Unsa ang imong nahibaloan mahitungod sa gugmang putli nga nakatabang nimo nga makasabot unsa gayod kini ka importante?
Ang Basahon ni Mormon mahimong makatabang kanato nga mas makasabot sa importansiya sa gugmang putli. Duol sa kataposan niining karaan nga gitala, si Moroni naglakip og pipila sa mga pulong sa iyang amahan nga si Mormon. Si Mormon milatid og mga elemento sa gugmang putli ug mipatin-aw kon unsa kini (tan-awa ang Moroni 7:43–48).
Basaha ang Moroni 7:46–47 , nga mangita kon unsa ang imong makat-onan mahitungod sa gugmang putli.
Dapita ang mga estudyante sa pagmarka sa mga pulong o sa mga hugpong sa mga pulong nga makatabang kanila aron makasabot kon unsa ang gugmang putli.
Unsa nga mga kamatuoran kabahin sa gugma nga putli ang imong nakat-onan gikan niini nga mga bersikulo?
Ikonsiderar ang pagdapit sa mga estudyante sa pagsulat diha sa pisara og mga kamatuoran nga ilang nadiskobrehan gikan sa pagbasa mahitungod sa gugma nga putli. Usa ka kamatuoran nga lagmit nilang maila mao nga ang gugmang putli mao ang tiunay nga gugma ni Kristo, nga molahutay hangtod sa kahangtoran. Tabangi ang mga estudyante nga masabtan nganong importante nga anaay gugmang putli. Mahimong gamiton ang mosunod nga pamahayag ug kalihokan aron matabangan ang mga estudyante nga mahimo kini.
Si Presidente Dallin H. Oaks sa Unang Kapangulohan mitudlo:
Imahe
Official Portrait of President Dallin H. Oaks taken March 2018.
Gugmang putli, “ang tiunay nga gugma ni Kristo” [ Moroni 7:47 ], dili usa ka buhat apan usa ka kondisyon o kahimtang sa pagkatawo. Ang gugma nga putli makab-ot pinaagi sa sunod-sunod nga mga buhat agig sangpotanan sa pagkakabig. Ang gugmang putli usa ka butang nga ang usa ka tawo mahimo.
(Dallin H. Oaks, “The Challenge to Become,” Ensign, Nob. 2000, 34)
Sa unsang paagi nga ang pamahayag ni Presidente Oaks nakadugang sa imong pagsabot sa gugmang putli?
Si Pablo, sa Bag-ong Tugon, ug si Mormon, sa Basahon ni Mormon, naggamit og parehas nga mga pulong ug mga hugpong sa mga pulong aron mahulagway ang gugmang putli. Pinaagi sa pagsabot sa ilang mga pulong, mahibalo kita unsa ang buhaton ug sa kataposan unsaon aron mahimong mas mahisama ni Jesukristo.
Ang mosunod nga kalihokan mahimong buhaton isip usa ka klase o ipakita aron makompleto sa mga estudyante sa ilang kaugalingon. Kon ang mga estudyante mohimo niini nga kalihokan nga nag-inusara, mahimong imodelo ang lakang c pinaagi sa pagpili og usa sa mga paghulagway aron isulat og balik kauban isip usa ka klase.
Mahimong hatagan ang mga estudyante sa pamahayag ni Elder Marvin J. Ashton nga anaa makita sa “Komentaryo ug Background nga Impormasyon” nga bahin aron mabasa agi og dugang sa mga tudling sa kasulatan.
b. Pagpili og duha o tulo ka mga pulong o mga hugpong sa mga pulong nga naghulagway sa gugmang putli, ug isulat sila sa imong journal sa pagtuon.
c. Sunod sa matag paghulagway, isulat unsa ang gipasabot niini sa imong kaugalingong mga pulong. Mahimo kang mogamit og bisan unsang mga tool sa pagtuon nga anaa kanimo. Pananglitan, mahimo kang mogamit og usa ka diksyonaryo aron mangita sa mga kahulogan alang sa mga termino sama sa pagkamainantoson o tigpanghambog. Isulat usab unsaon niini nga kalidad pagtabang kanimo aron mahimong susama sa Manluluwas.
Unsay imong nakat-onan bahin sa Manluluwas gikan sa nagkalainlaing mga paghulagway nga imong gitun-an?
Ang hingpit nga ehemplo
Si Jesukristo mao ang hingpit nga ehemplo sa tanang mga paghulagway sa gugmang putli. Gamit ang imong gisulat mahitungod sa gugmang putli diha sa imong journal sa pagtuon, paghunahuna og mga pananglitan diha sa mga kasulatan diin si Jesukristo mipakita sa Iyang tiunay nga gugma niini nga paagi. Ang mosunod nga mga hulagway lagmit makatabang kanimo sa pagkonektar sa Manluluwas ngadto sa mga hugpong sa mga pulong nga imong gitun-an.
Mahimong ipakita ang pipila ka mga hulagway ni Kristo sa palibot sa klasrom. Dapita ang mga estudyante sa paghunahuna kon hain sa mga paghulagway sa gugmang putli nga ilang nabati nga matakdo sa matag hulagway ug ngano.
Imahe
Depiction of Jesus and the woman taken in adultery. They are both kneeling and she is holding his hand. Outtakes include angry men bringing the woman and throwing her to the ground, the woman huddled on the ground, the savior kneeling beside her, Jesus lifting her up to her feet, and the savior standing with her.
Imahe
Depiction of Jesus embracing Mary and Martha.
Imahe
Jesus is riding a colt into Jerusalem through a great multitude of people holding tree branches. Outtakes include Jesus barely seen in a throng of people, images of the crowd, some small children, and Jesus walking through the crowd.
Imahe
Jesus returns to the garden again to continue to pray and suffers great pain.
Imahe
Jesus is on the cross between two malefactors, there is a crowd below that are watching. Outtakes include a sponge on a stick lifted up to Jesus by a Roman soldier, different views of the three me on the crosses, soldiers gambling and parting his clothes, Jesus walking wearing crown of thorns and covered in blood, and Caiaphas.
Giunsa sa Manluluwas pagpakita sa gugmang putli sa matag usa niining mga sitwasyon?
Sa unsang paagi nimo personal nga nasaksihan ang gugma sa Manluluwas alang kanimo o sa uban?
Sa unsang paagi nga ang paghunahuna mahitungod sa gugma sa Manluluwas alang kanimo makaapekto sa imong mga pagbati alang Kaniya?
Pagpuyo og usa ka kinabuhi nga adunay gugmang putli
Ang propeta nga si Mormon mitapos sa iyang mga panudlo sa gugmang putli uban sa usa ka hinanali nga pagdapit sa pagbuhat. Basaha ang Moroni 7:48 , nga mangita alang niini nga pagdapit.
Unsa nga mga pulong o mga hugpong sa mga pulong ang nakatabang kanimo sa pagsabot unsa ang gikinahanglan aron makadawat sa gasa sa gugmang putli?
Sa tibuok Niyang kinabuhi, si Jesukristo mipakita nga posible ang pagbaton og gugmang putli sa bisan unsa nga sitwasyon. Sulayi paghanduraw unsa ang epekto sa imong kinabuhi kon imong sundon ang ehemplo sa Manluluwas sa gugmang putli sa tanang mga sitwasyon. Hunahunaa ang pihong relasyon nga imong gihunahuna sa sinugdanan sa leksiyon. Tan-awa sa unsang paagi nga ang pagkaanaay mas dako nga gugmang putli makapanalangin niana nga relasyon.
Samtang ang mga estudyante motubag sa mosunod nga mga pangutana, dasiga sila aron mosunod sa mga pagpili nga ilang gihimo.
Unsay imong mabuhat aron makapakita og mas dako nga gugmang putli?
Unsa ang imong buhaton aron mapakita sa Langitnong Amahan nga imong gitinguha ang Iyang tabang?
Pagpamatuod nga ang Langitnong Amahan gustong mopanalangin kanato sa gasa sa gugmang putli aron matabangan kita nga mahimong mas mahisama Kaniya ug sa Iyang Anak. Ang Langitnong Amahan motabang kanato nga makapalambo og gugmang putli samtang kita moduol Kaniya.
Komentaryo ug Background nga Impormasyon
Unsaon nato pagpakita og gugmang putli ngadto sa uban?
Si Elder Marvin J. Ashton (1915–94) sa Korum sa Napulog Duha ka Apostoles mitudlo:
Imahe
Portrait of Marvin J. Ashton.
Ang gugma nga putli moabot kon kita magmabination sa usag usa, kon kita dili mohukom o mopalabi og ubang tawo, kon kita lamang mohatag sa usag usa sa kapuslanan sa pagduda o sa pagpabilin nga hilom. Ang gugma nga putli mao ang pagdawat sa mga kalahian, mga kahuyang, ug mga kasipyatan; ang pagbaton og pasensiya sa tawo kinsa nagpakyas kanato; o sa pagpugong sa pagbati nga masilo kon wala himoa sa usa ka tawo ang usa ka butang sa paagi nga ato untang gilaoman. Ang gugma nga putli mao ang pagdumili sa pagpahimulos sa kahuyang sa uban ug pagkaandam sa pagpasaylo sa usa ka tawo kinsa nakapasakit kanato. Ang gugmang putli nagtinguha sa labing maayo sa usag usa.
(Marvin J. Ashton, “The Tongue Can Be a Sharp Sword,” Ensign, Mayo 1992, 19)
Si Presidente Thomas S. Monson (1927–2018) mitudlo mahitungod sa gugmang putli sa iyang mensahe diha sa kinatibuk-ang komperensiya “Ang Gugma nga Putli Dili Gayod Mopakyas” (Liahona, Nob. 2010, 122–25). Mahimo nimong tan-awon ang bidyo niini nga mensahe, nga anaa sa ChurchofJesusChrist.org, gikan sa time code nga 15:05 hangtod sa 17:22.
Nganong ang gugmang putli, ang tiunay nga gugma ni Jesukristo, dili mapakyas?
Si Elder Jeffrey R. Holland sa Korum sa Napulog Duha ka Apostoles mitudlo:
Imahe
Official Portrait of Elder Jeffrey R. Holland. Photographed January 2018.
Ang tinuod nga gugmang putli … gipakita sa hingpit ug lunsay nga paagi ni Kristo sa dili mapakyas, labing maayo nga paagi, ug maulaong paghigugma alang kanato. … Mao kini ang gugma nga putli—iyang tiunay nga gugma alang kanato—kon wala kini kita walay kapuslanan, walay paglaom, sa tanan nga mga lalaki ug mga babaye mao ang labing alaot. Sa pagkatinuod, kadtong kinsa naghupot sa mga panalangin sa iyang gugma sa kataposang adlaw—ang Pag-ula, ang Pagkabanhaw, kinabuhing dayon, mahangtorong saad—sa tinuod kini maayo alang kanila. …
Ang kinabuhi adunay iyang bahin sa mga kahadlok ug mga kapakyasan. Usahay ang mga butang magkulang. Usahay ang mga tawo mopakyas kanato, o mga ekonomiya o mga negosyo o ang mga gobyerno mopakyas kanato. Apan usa ka butang dinhi o sa kahangtoran dili mopakyas kanato—ang gugma nga putli ni Kristo.
(Jeffrey R. Holland, Christ and the New Covenant [1997], 336–37)
Dugang nga mga Kalihokan sa Pagkat-on
Unsa ang nakapadasig kanako aron mobuhat?
Isip usa ka lahi nga paagi sa pagsugod sa leksiyon, ikonsiderar ang pagdapit sa pipila ka mga estudyante aron pag-arte sa mga senaryo diin ang tawo nga nag-arte mahimong adunay lainlaing mga motibo. Dapita ang klase sa pagtagna sa aksiyon ug paghatag og mga rason kon nganong ang usa ka tawo lagmit mopili niini nga aksiyon. Pipila ka potensiyal nga mga senaryo mahimong maglakip niini:
Batan-ong babaye naghatag og ikapulo nga sobre [tithing envelope] ngadto sa bishop.
Batan-ong lalaki naghatag og pagkaon sa usa ka pamilya nga walay puluy-anan.
Ang mga estudyante mahimong maghisgot nganong ang mga motibo luyo sa atong mga lihok mahinungdanon.
Pagbiya sa mga paagi nga binata
Dapita ang mga estudyante sa paghisgot mahitungod sa nagkalainlaing mga kalihokan nga ilang giganahan dihang mga bata pa nga dili na nila ganahan. Gamita ang mga pulong ni Pablo sa 1 Mga Taga-Corinto 13:11 aron tabangan ang mga estudyante nga makita nga diha sa atong “pagtubo nganha sa Ginoo” ( Helaman 3:21), mahimo natong hulipan ang mga karaang mga batasan sa mga pagpili nga naimpluwensiyahan sa gugmang putli, ang tiunay nga gugma ni Kristo (tan-awa ang Moroni 7:47).
Makatabang nga mga pamahayag niini nga hilisgotan anaa makita sa mensahe ni Sister Anne C. Pingree “Sa Pagtubo ngadto sa Ginoo” ( Liahona, Mayo 2006, 74–76).
