Seminary
1 Mga Taga-Corinto 14–16

1 Mga Taga-Corinto 14–16

Kinatibuk-ang Pagpasabot

Isip kabahin sa iyang mensahe sa pagtapos sa iyang unang epistola sa mga taga-Corinto, si Pablo nagtudlo og daghang mga kamatuoran mahitungod sa Pagkabanhaw. Siya nagpamatuod sa kadaogan sa Manluluwas ibabaw sa kamatayon, ang realidad sa Pagkabanhaw alang sa tanang mga anak sa Langitnong Amahan, ug ang mga ang-ang sa himaya nga mabatonan sa mga nabanhaw nga mga lawas. Siya nagtudlo usab mahitungod sa ordinansa sa mga pagbunyag sa patay.

Pangandam sa Pagtudlo

Ang mosunod nga impormasyon maghatag sa mga magtutudlo og mga ideya kon unsa ang lagmit kinahanglang andamon daan para sa kada leksiyon.

1 Mga Taga-Corinto 15:13–28

Tumong sa leksiyon: Kini nga leksiyon makatabang sa mga estudyante nga mobati og mas dakong gugma ug pagpasalamat kang Jesukristo tungod sa Iyang kadaogan ibabaw sa kamatayon.

  • Pagpangandam sa estudyante: Dapita ang mga estudyante sa paghisgot sa mosunod nga pangutana kauban ang mga miyembro sa pamilya o mga higala ug motambong nga andam mopaambit sa posible nga mga tubag: “Unsang adlawa ang labing nakapausab sa dagan sa kasaysayan? Ngano man?”

  • Sugyot sa pagtudlo pinaagi sa videoconference: Dapita ang mga estudyante sa pagdala og usa ka litrato sa usa ka tawo nga gusto nilang makita atol sa Pagkabanhaw. Kon ang mga litrato digital, mahimong magpuli-puli sa pagpakita ang mga estudyante sa ilang mga screen ug ihulagway ang mga tawo sa ilang mga litrato ngadto sa klase.

Doktrinal nga Kahanas: 1 Mga Taga-Corinto 15:20–22

Tumong sa leksiyon: Kini nga leksiyon makatabang sa mga estudyante nga makamemorya sa pakisayran sa doktrinal nga kahanas ug sa mahinungdanon nga hugpong sa pulong sa kasulatan alang sa 1 Mga Taga-Corinto 15:20–22 , makapasabot sa doktrina sa Pagkabanhaw, ug makagamit sa mga baroganan sa pag-angkon og espirituhanong kahibalo sa tinuod nga kahimtang sa kinabuhi.

  • Pagpangandam sa estudyante: Dapita ang mga estudyante sa pagpamalandong og mga kasinatian nga ilang nahibaloan mahitungod sa usa ka tawo nga namatyan og minahal sa kinabuhi. Sultihi sila nga motambong nga andam maghisgot sa mga hagit niining mga kasinatian ug unsaon sa hugot nga pagtuo kang Jesukristo pagtabang niadtong nag-atubang niining maong mga hagit.

1 Mga Taga-Corinto 15:29

Tumong sa leksiyon: Kini nga leksiyon gituyo aron matabangan ang mga estudyante nga magtinguha ug magplano alang sa mas makahuloganon nga pagsalmot sa family history ug sa buhat sa templo.

  • Pagpangandam sa estudyante: Dapita ang mga estudyante nga motambong nga andam sa pagpaambit sa ilang family tree o sa pagsulti ug usa ka sugilanon mahitungod sa usa ka katigulangan nga wala makadawat sa ebanghelyo o nakapahimus sa mga ordinansa sa kaluwasan ug kahimayaan.

  • Mga Imahe: Ikonsiderar ang pag-andam og lainlaing mga grupo sa mga hulagway aron gamiton sa sinugdanan sa leksiyon.

  • Sugyot sa pagtudlo pinaagi sa videoconference: Human magtuon ang mga estudyante mahitungod sa mga pagbunyag sa mga patay, mahimong bahinon sila ngadto sa paresan o gagmayng mga grupo sa breakout nga mga room aron matugotan sila sa pagbansay sa pagpaambit (o pagrole-play) unsaon nila pagpasabot niini nga doktrina ngadto sa usa ka tawo nga wala kaayo masayod niini.

1 Mga Taga-Corinto 15:32–54

Tumong sa leksiyon: Kini nga leksiyon makatabang sa mga estudyante sa pagpaningkamot nga mahimong angayan sa usa ka celestial nga pagkabanhaw pinaagi kang Jesukristo.

  • Pagpangandam sa estudyante: Dapita ang mga estudyante sa pagbasa sa Alma 40:23 aron makita unsa ang anaa sa tanang nabanhawng mga lawas, dayon basahon ang 1 Mga Taga-Corinto 15:40–42 aron makita ang mga kalahian nga anaa taliwala sa nabanhawng mga binuhat.

  • Pahalipay: Pagdala og usa ka gamayng pahalipay alang sa matag estudyante nga nagsul-ob og usa ka pihong kolor sa sinina ngadto sa klase.

  • Bidyo: “Ang Dios taliwala Kanato” (15:45; tan-awa gikan sa time code 5:01 hangtod 6:58)

  • Sugyot sa pagtudlo pinaagi sa videoconference: Ikonsiderar ang pagdapit og pipila ka mga estudyante sa paggunit sa hulagway sa ilang mga drowing sa plano sa kaluwasan atubangan sa ilang camera samtang sila magpasabot sa plano ngadto sa klase.

Doktrinal nga Kahanas: 1 Mga Taga-Corinto 15:40–42

Tumong sa leksiyon: Kini nga leksiyon makatabang sa mga estudyante nga makamemorya sa pakisayran sa doktrinal nga kahanas ug sa mahinungdanong hugpong sa mga pulong sa kasulatan alang sa 1 Mga Taga-Corinto 15:40–42 , makapasabot sa doktrina, ug makagamit sa mga baroganan sa pag-angkon og espirituhanong kahibalo sa tinuod nga kahimtang sa kinabuhi.

  • Pagpangandam sa estudyante: Dapita ang mga estudyante sa pagbasa sa 1 Mga Taga-Corinto 15:40–42 ug motambong sa klase nga andam mopaambit og usa ka senaryo sa tinuod nga kinabuhi diin ang doktrina nga gitudlo niini nga tudling mahimong makatabang.