“Apan Ang Tinuod Mao Nga Si Kristo Gibanhaw gikan sa mga Patay”
Imahe
Painting of Jesus Christ looking up to heaven with His arms raised up. He is by the tomb where He was laid.
Handurawa sa makadiyot nga si Jesukristo wala mabanhaw. Unsa ang kahulogan niana alang sa kalibotan? alang kanimo sa personal? Nganong importante man kaayo ang Pagkabanhaw ni Kristo? Dihang ang mga Santos sa Corinto mikwestiyon sa mga kamatuoran mahitungod sa Pagkabanhaw, si Pablo nagsulat ngadto kanila mahitungod sa unsa ang kahulogan sa Pagkabanhaw sa Manluluwas alang kanila. Kini nga leksiyon makatabang kanimo nga mobati og mas dakong gugma ug pagpasalamat alang kang Jesukristo tungod sa Iyang kadaogan ibabaw sa kamatayon.
Pagkonsiderar sa mga panginahanglanon sa mga estudyante samtang nagtudlo. Ang pagpahiangay sa mga pamaagi sa pagtudlo makatabang sa mga estudyante nga malamposong makatuman sa ilang tahas isip mga estudyante. Pananglitan, kon ang mga estudyante murag gikapoy, ikonsiderar ang pagdapit kanila nga motrabaho kauban ang mga partner aron matabangan sila nga moapil sa pagkat-on. Kon ang mga estudyante lagsik kaayo, ang paghangyo kanila nga magtinagsa sa pagtuon makatabang kanila aron magpabilin diha sa buluhaton.
Pagpangandam sa estudyante: Dapita ang mga estudyante sa paghisgot sa mosunod nga pangutana kauban ang mga miyembro sa pamilya o mga higala ug aron mo-tunga nga andam mopaambit sa posible nga mga tubag: “Unsa nga adlaw ang labing nakapausab sa dagan sa kasaysayan? Ngano man?”
Posible nga mga Kalihokan sa Pagkat-on
Ang adlaw nga mibag-o sa kasaysayan
Si Elder Dieter F. Uchtdorf sa Korum sa Napulog Duha ka Apostoles mipaambit og usa ka pangutana nga iyang gisiksik kaniadto. Tan-awa ang “Tan-awa, ania ra ang Tawo! ” gikan sa time code nga 1:37 hangtod sa 2:31, anaa sa ChurchofJesusChrist.org, o basaha ang mosunod nga pamahayag.
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Bag-ohay lang nangutana ko sa internet, “Unsa nga adlaw ang mas nakapausab sa dagan sa kasaysayan?”
Ang mga tubag gikan sa makapatingala ug kahibudngan ngadto sa puno sa ideya ug makapaukyab sa hunahuna. Apil niini, mao ang adlaw nga ang usa ka prehistoric nga asteroid miigo sa Yucatán Peninsula; o sa dihang niadtong 1440, nahuman ni Johannes Gutenberg ang iyang printing press; ug siyempre ang adlaw sa 1903 sa dihang ang managsuong Wright mipakita nga ang mga tawo mahimo gayod nga makalupad.
Kon ang samang pangutana ipangutana nganha ninyo, unsa man ang inyong isulti?
(Dieter F. Uchtdorf, “Behold the Man!,” Liahona, Mayo 2018, 107–8)
Unsa nga adlaw ang imong masulti nga labing nakapausab sa dagan sa kasaysayan? Ngano man?
Si Elder Uchtdorf mipaambit sa hitabo nga iyang nabati nga labing nakapausab sa dagan sa kasaysayan. Tan-awa ang “Tan-awa, ania ra ang Tawo!” gikan sa time code nga 4:20 hangtod sa 4:55, o basaha ang mosunod nga pamahayag.
Imahe
Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.
Oo, dunay daghang panghitabo sa tibuok kasaysayan nga nakaapekto gayod sa kapalaran sa kanasoran ug katawhan. Apan hiusaha kining tanan, ug dili kini makatandi sa kaimportante sa unsay nahitabo nianang unang buntag sa Pasko sa Pagkabanhaw.
Unsa may nakapahimo sa walay kinutuban nga sakripisyo ug sa Pagkabanhaw ni Jesukristo nga labing importante nga panghitabo sa kasaysayan—nga mas impluwensyal pa kay sa mga gubat sa kalibotan, makagun-ob nga mga katalagman, ug makapausab sa kinabuhi nga siyentipikanhong mga nadiskobrehan?
Ngano sa imong hunahuna nga ang Pag-ula sa Manluluwas ug Pagkabanhaw mao ang labing importanteng hitabo sa kasaysayan?
Nganong importante man ang Pagkabanhaw ni Jesukristo nganha kanimo?
Ang Pagkabanhaw ni Jesukristo
Si Pablo nagsulat sa mga Santos nga Taga-Corinto aron itul-id ang sayop nga pagtuo nga mitumaw nga walay nahitabong Pagkabanhaw. Sa imong pagtuon sa iyang mga pulong, pagmugna og usa ka tsart parehas sa mosunod aron irekord ang mga detalye ug mga kamatuoran gikan sa mga kasulatan, ingon man usab ang mga pag-aghat nga imong nadawat gikan sa Espiritu Santo. Ang pagbuhat sa ingon mahimong makatabang kanimo aron mas makasabot sa mga kasulatan, mas makaangkon og usa ka mas gamhanang kasinatian sa pagkat-on, ug mapalawom ang imong gugma ug pagsabot sa Manluluwas ug sa Iyang kadaogan ibabaw sa kamatayon.
Ikonsiderar ang pagpakita niini nga tsart diha sa pisara ug pagtubag niini isip usa ka klase. Dapita usab ang mga estudyante sa pagdrowing sa tsart diha sa ilang mga journal sa pagtuon.
Kon si Jesukristo wala nabanhaw …
Tungod kay si Jesukristo nabanhaw …
Ikonsiderar ang pagdapit sa mga estudyante nga magtinabangay nga magkapares o sa gagmay nga mga grupo samtang ilang buhaton ang mosunod.
Basaha ang 1 Mga Taga-Corinto 15:13–19 . Pagdugang og duha o tulo ka mga pamahayag sa walang bahin sa imong tsart base sa unsa ang imong nakat-onan gikan niini nga mga bersikulo.
Sa unsang paagi ikaw ug ang uban maapektohan kon si Jesus wala nabanhaw?
Karon basaha ang 1 Mga Taga-Corinto 15:20–22 . Pangitaa unsa ang mahitabo tungod sa Pagkabanhaw ni Jesukristo. Idugang kini ngadto sa tuo nga kolum sa imong tsart. Timan-i nga ang “nahaunang gibanhaw” sa bersikulo 20 nagpasabot kang Jesukristo isip unang tawo nga nabanhaw.
Unsa ang gipasabot pag-ayo ni Pablo nga mahitabo tungod kay si Jesukristo nabanhaw?
Kini nga tudling nagtabang kanato nga makasabot nga, tungod sa Pagkabanhaw ni Jesukristo, ang tanan mabanhaw. Ang pisikal nga kamatayon moabot sa tanan isip resulta sa Pagkapukan ni Adan ug ni Eba. Si Jesukristo mibuntog niini nga sangpotanan alang sa tanan isip usa ka libreng gasa.
Hunong sa makadiyot ug paghunahuna mahitungod sa unsa ang gitudlo niini nga gasa sa unibersal nga pagkabanhaw mahitungod kang Jesukristo.
Unsa ang gitudlo sa pagbuntog sa Manluluwas sa pisikal nga kamatayon alang sa tanang katawhan kanimo mahitungod Kaniya?
Mahimong sensitibo samtang mangutana sa mosunod nga mga pangutana. Mahimong mopaambit og personal nga kasinatian aron matabangan ang mga estudyante nga madasig sa pagtubag. Kon dili sila andam mopaambit sa klase, mahimo silang motubag sa ilang mga journal sa pagtuon.
Hunahunaa pagbalik ang pangutana sa unahan niini nga leksiyon: “Nganong ang Pagkabanhaw importante man kanimo?”
Sa unsang paagi nga ang imong tubag niana nga pangutana naapektohan sa unsa ang imong gitun-an karon?
Giunsa nimo paghanduraw ang imong bation mahitungod ni Jesukristo inig hatag Niya og bag-ong kinabuhi kanimo ug sa imong mga mahal sa kinabuhi?
Unsa ang kahulogan sa Iyang Pagkabanhaw alang kanato
Ang karaan ug bag-ong mga lider sa Simbahan nagpamatuod sa unsa ang kahulogan sa kadaogan sa Manluluwas ibabaw sa kamatayon alang kanato.
Basaha ang 1 Mga Taga-Corinto 15:51–58 , Alma 11:42–44 , ug ang mosunod nga pamahayag ni Elder Paul V. Johnson sa Kapitoan, kinsang anak nga babaye namatay gumikan sa kanser. Pagdugang og importanteng mga detalye nga imong makita diha sa imong tsart. Timan-i nga ang “dili madunot” ( 1 Mga Taga-Corinto 15:52) nagpasabot nga magpadayon hangtod sa kahangtoran ug dili madugta.
Imahe
Elder Paul V. Johnson of the Quorum of the Seventy takes an official portrait, 2021.
Ang matag usa kanato adunay pisikal, mental ug emosyonal nga mga limitasyon ug mga kahuyang. Kini nga mga hagit … sa kataposan masulbad. Walay usa niining mga problema moabot nato human kita mabanhaw. …
… Nasayod kita nga si [Kristo] makahimo kanato nga hingpit bisan unsa ang naguba kanato. Nasayod kita nga Iyang “pagapahiran ang tanang luha gikan sa [atong] mga mata; ug ang kamatayon wala na, ug wala na usab unyay pagminatay, ni paghilak, ni kasakit” [Pinadayag 21:4].
Sa kinaubsan sa imong tsart, isulat unsa ang imong nakat-onan o nabati karon nga labing mahinungdanon kanimo ug ngano.
Hatagi ang mga estudyante og igong oras aron pagsulat. Dayon mahimong magpamatuod sa Manluluwas ug unsa ang kahulogan sa Iyang gahom labaw sa kamatayon sa personal.
Komentaryo ug Background nga Impormasyon
Sa unsang paagi nga ang kahibalo sa gahom sa Pagkabanhaw ni Kristo nakaimpluwensiya kanako?
Si Presidente Dallin H. Oaks sa Unang Kapangulohan mipasabot:
Imahe
Official Portrait of President Dallin H. Oaks taken March 2018.
Ang kasiguroan nga ang pagkabanhaw maglakip sa oportunidad nga makig-uban sa atong mga sakop sa pamilya—bana, asawa, mga ginikanan, mga igsoong lalaki ug mga babaye, mga anak, ug mga apo—usa ka gamhanan nga pag-awhag kanato sa pagtuman sa atong mga responsibilidad sa pamilya diha sa pagka-mortal. Kini makatabang kanato nga magpuyo sa gugma niini nga kinabuhi sa pagpaabot sa malipayon nga panaghiusa ug pakig-uban sa sunod.
(Dallin H. Oaks, “Pagkabanhaw,” Liahona, Mayo 2000, 16)
Sa unsang paagi nga ang Pag-ula ug Pagkabanhaw sa Manluluwas nagtabang sa mga kawad-on nga atong nasinati sa mortalidad?
Si Elder D. Todd Christofferson sa Korum sa Napulog Duha ka Apostoles mitudlo:
Imahe
Portrait of Elder D. Todd Christofferson. Photographed in March 2020.
Ang Manluluwas mihimo sa tanang butang nga matarong. Walay inhustisya sa mortalidad nga permanente, bisan ang kamatayon, kay Siya mipahiuli sa kinabuhi pag-usab. Walay mga kasakit, kakulangan, pagluib, o pang-abuso nga dili kabayran sa kataposan tungod sa Iyang walay kinutuban nga kaangayan ug kalooy.
“Gipasabot ni Pablo nga ang Pagkabanhaw nagsunod og naestablisar nga han-ay o pagkasunod-sunod (tan-awa sa 1 Mga Taga-Corinto 15:23). …
“Si Jesukristo ang unang nabanhaw. Human dayon sa Iyang pagkabanhaw, dihay matarong nga mga Santos nga mibangon gikan sa lubnganan (tan-awa sa Mateo 27:52–53). Sa Ikaduhang Pag-anhi, ang Pagkabanhaw magpadayon uban sa pagbangon sa laing matarong nga mga Santos, kinsa “iya ni Kristo sa iyang pag-anhi” ( 1 Mga Taga-Corinto 15:23). Pinaagi sa ulahing adlaw nga pagpadayag atong nahibaloan nga kining mga tawhana makapanunod sa celestiyal nga gingharian [tan-awa sa Doktrina ug mga Pakigsaad 76:50–70 ; 88:97–98 ]. Dayon moabot ang pagkabanhaw niadtong kinsa makadawat sa terrestriyal nga himaya [tan-awa sa Doktrina ug mga Pakigsaad 76:71–79 ; 88:99 ]. Pagasundan sila sa kataposan sa Milenyum niadtong makapanunod sa telestiyal nga himaya [tan-awa sa Doktrina ug mga Pakigsaad 76:81–86 ; 88:100–101 ]. Sa kataposan, ang Pagkabanhaw taposon uban sa pagbangon niadtong kinsa … ang ‘mga anak sa kapildihan’ kinsa walay madawat nga ang-ang sa himaya ‘mobalik pag-usab sa ilang kaugalingon nga dapit, aron maglipay nianang diin sila mouyon sa pagdawat, tungod kay sila wala mouyon sa paglipay niana nga sila unta makadawat’ [tan-awa sa Doktrina ug mga Pakigsaad 76:31–39, 43–44 ; 88:28–32, 35, 101–2 ]” (New Testament Student Manual [2014], 385).
Kadtong mga espiritu nga nagrebelde sa premortalidad ug wala makadawat og usa ka mortal nga lawas dili mauban sa kadtong mabanhaw (tan-awa ang Doktrina ug mga Pakigsaad 76:32–39).
Mahimong dapiton ang mga estudyante aron mobasa sa “Pagtulun-an human sa usa ka Pagtulun-an: 1 Mga Taga-Corinto 15:20–22” sa pahina 56 diha sa Disyembre 2012 Liahona. Ang mga estudyante mahimong mogamit sa mga kapanguhaan nga nalista niini nga artikulo samtang sila nagpuno sa ilang mga tsart panahon sa leksiyon.
