Seminare
1 Korinito 14–16

1 Korinito 14–16

Vaaiga Aoao

I le avea ai o se vaega o lana savali na faaiu ai lana tusi muamua i tagata Korinito, sa aoao atu ai e Paulo le tele o upumoni e uiga i le Toetu. Sa ia molimau atu i le manumalo o le Faaola mai le oti, o le moni o le Toetutu mo fanau uma a le Tama Faalelagi, ma tikeri o le mamalu o le a maua e tino toetutu. Sa ia aoao atu foi e uiga i le sauniga o papatisoga mo e ua maliliu.

Saunia e Aoao Atu

O faamatalaga nei e tuuina atu ai i faiaoga ni manatu i mea e ono manaomia ona muai saunia mo lesona taitasi.

1 Korinito 15:13–28

Faamoemoega o le lesona: O lenei lesona e mafai ona fesoasoani i tagata aoga ia lagonaina le alofa sili atu ma le talisapaia o Iesu Keriso ona o Lona manumalo mai le oti.

  • Sauniuniga a le tagata aoga: Valaaulia tagata aoga e talanoaina le fesili lenei ma tagata o le aiga po o uo ma ia omai saunia e faasoa mai ni tali e ono maua mai ai: “O le a le aso na sili ona suia ai le ala o le talafaasolopito o le lalolagi? Aisea?”

  • Fautuaga faafaiaoga mo fesootaiga o vitio: Valaaulia tagata aoga e aumai se ata o se tasi latou te tulimatai atu e fia vaai i ai i le Toetu. Afai o ata faatekinolosi, e mafai ona feauauai tagata aoga e faasoa mai a latou lauata faatekinolosi ma faamatala tagata i a latou ata i le vasega.

Atamai i Aoaoga Faavae: 1 Korinito 15:20–22

Faamoemoega o le lesona: O lenei lesona o le a fesoasoani i tagata aoga e tauloto lenei mau faasino o aoaoga faavae ma fasifuaitau autu o mau mo le 1 Korinito 15:20-22 , faamatala le aoaoga faavae o le Toetu, ma faaaoga mataupu faavae o le mauaina o le malamalama faaleagaga i tulaga masani faalesoifuaga.

  • Sauniuniga a le tagata aoga: Valaaulia tagata aoga e mafaufau loloto i aafiaga latou te iloa ina ua maliu ai se tasi e pele ia i latou. Fai atu ia i latou e o mai saunia e talanoaina luitau i nei aafiaga ma pe mafai faapefea e le faatuatua ia Iesu Keriso ona fesoasoani ia i latou o feagai ma nei luitau.

1 Korinito 15:29

Faamoemoega o le lesona: O lenei lesona ua faamoemoe e fesoasoani i tagata aoga ia mananao ma fuafua e auai ma le anoa atili i galuega o talafaasolopito o aiga ma le malumalu.

  • Sauniuniga a le tagata aoga: Valaaulia tagata aoga e o mai saunia e faasoa mai o latou gafa o le aiga pe faamatala se tala e uiga i se tuaa e lei maua le talalelei pe mauaina sauniga o le faaolataga ma le faaeaga.

  • Ata: Mafaufau e saunia ni seti eseese o ata e faaaoga i le amataga o le lesona.

  • Fautuaga faafaiaoga mo fesootaiga o vitio: A uma ona suesue tagata aoga e uiga i papatisoga mo e ua maliliu, mafaufau e vaevae i latou i ni paga po o ni vaega toalaiti i potu e vaevae i ai ina ia mafai ona latou faataitai ona faasoa (pe faatino) pe faapefea ona latou faamatalaina lenei aoaoga faavae i se tasi e le masani ai.

1 Korinito 15:32–54

Faamoemoega o le lesona: O lenei lesona e mafai ona fesoasoani i tagata aoga e taumafai ia agavaa mo se toetu selesitila e ala ia Iesu Keriso.

  • Sauniuniga a le tagata aoga: Valaaulia tagata aoga e faitau le Alema 40:23 e iloa ai mea e tutusa ai tino toetutu uma, ona faitau lea o le 1 Korinito 15:40–42 e vaai ai i eseesega o le a i ai i tagata toetutu.

  • Taui Itiiti: Aumai sina taui itiiti mo tagata aoga taitasi e ofuina se lanu faapitoa o lavalava i le vasega.

  • Vitio: “God among Us” (15:45; matamata mai le faailotaimi 5:01 i le 6:58)

  • Fautuaga faafaiaoga mo fesootaiga o vitio: Mafaufau e valaaulia nisi o tagata aoga e uu a latou ata na tusi o le ata o le faaolataga i luma o a latou mea pueata a o latou faamatalaina le fuafuaga i le vasega.

Atamai i Aoaoga Faavae: 1 Korinito 15:40–42

Faamoemoega o le lesona: O lenei lesona o le a fesoasoani i tagata aoga e tauloto lenei mau faasino o aoaoga faavae ma fasifuaitau autu o mau mo le 1 Korinito 15:40-42 , faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga masani faalesoifuaga.

  • Sauniuniga a le tagata aoga: Valaaulia tagata aoga e faitau le 1 Korinito 15:40–42 ma o mai saunia i le vasega e faasoa mai se tulaga masani o le olaga lea o le a fesoasoani ai le aoaoga faavae o loo aoaoina i lenei fuaitau.