កិច្ចការ ៤–៥

ការស្តាប់បង្គាប់ព្រះជាជាងមនុស្ស

A priest questions Peter.

ពេត្រុស និងយ៉ូហានត្រូវគេចាប់ខ្លួន ហើយត្រូវជាប់ឃុំឃាំងដោយព្រោះការប្រោសឲ្យជា និងការធ្វើទីបន្ទាល់នៅក្នុងព្រះនាមនៃព្រះយេស៊ូវគ្រីស្ទ ។ ក្រោយមកគេបានដោះលែងពួកលោក ហើយបានណែនាំកុំឲ្យនិយាយ ឬបង្រៀនក្នុងព្រះនាមទ្រង់ទៀត ។ ប៉ុន្តែពេត្រុស និងយ៉ូហានបានបន្តថ្លែងទីបន្ទាល់អំពីព្រះយេស៊ូវគ្រីស្ទ ហើយពួកលោកត្រូវបានគេចាប់ដាក់គុកម្តងទៀត ។ ទេវតាមួយអង្គបានរំដោះពួកលោកពីគុក ហើយប្រាប់ពួកលោកឲ្យត្រឡប់មកវិញ ហើយបន្តការបង្រៀនអំពីព្រះគ្រីស្ទ ដូចដែលពួកលោកធ្លាប់បានធ្វើ ។ មេដឹកនាំសាសន៍យូដាបានចាប់ពួកលោកម្ដងទៀត ហើយវាយដំពួកលោក ។ មេដឹកនាំទាំងនោះបានបញ្ជាពួកគេឲ្យឈប់ផ្សព្វផ្សាយអំពីព្រះគ្រីស្ទ ប៉ុន្តែពេត្រុស និងយ៉ូហានបានឆ្លើយថា ពួកគេគួរតែស្តាប់បង្គាប់ព្រះ ជាជាងស្តាប់បង្គាប់មនុស្ស ។ ពេត្រុស និងយ៉ូហានបានអរសប្បាយ ដែលពួកលោកអាចរងការបៀតបៀនដោយសារព្រះយេស៊ូវគ្រីស្ទ ។ ពេលអ្នកសិក្សាថ្ងៃនេះ សូមគិតអំពីរបៀបដែលអ្នកអាចបង្កើនបំណងប្រាថ្នាក្នុងការស្តាប់បង្គាប់ព្រះជាជាងអ្នកផ្សេងទៀត ។

បញ្ជាក់ពីគំរូរបស់ព្រះយេស៊ូវគ្រីស្ទ ។ សូម្បីតែនៅពេលដែលព្រឹត្តិការណ៍នៅក្នុងព្រះគម្ពីរមិនសំដៅទៅលើព្រះអង្គសង្គ្រោះដោយផ្ទាល់ក៏ដោយ ក៏អ្នកនៅតែអាចចង្អុលបង្ហាញសិស្សរបស់អ្នកទៅកាន់ទ្រង់ ដោយជួយពួកគេឲ្យឃើញពីរបៀបដែលទ្រង់ធ្វើជាគំរូដល់គោលការណ៍ដែលបានបង្រៀនផងដែរ ។

ការរៀបចំរបស់សិស្ស ៖ សូមអញ្ជើញសិស្សឲ្យមករៀនដោយបានត្រៀមខ្លួនដើម្បីចែកចាយពីស្ថានភាព ដែលពួកគេអាចពិបាកនឹងស្តាប់តាមបង្គាប់ព្រះដោយសារតែសម្ពាធពីអ្នកដទៃ ។

សកម្មភាពរៀនសូត្រដែលអាចមាន

ការពារអ្វីដែលត្រឹមត្រូវ

សូមដាក់បង្ហាញសំណួរខាងក្រោម ។ សូមអញ្ជើញសិស្សឲ្យសញ្ជឹងគិតអំពីការរៀបចំរបស់ពួកគេមុនចូលរៀន ហើយបន្ទាប់មកពិភាក្សាសំណួរទាំងនេះរួមគ្នា ។ សូមពិចារណារាយបញ្ជីចម្លើយរបស់សិស្សដែលឆ្លើយតបទៅនឹងសំណួរដំបូងដាក់នៅលើក្តារខៀន ។ វាអាចមានប្រយោជន៍ក្នុងការយោងទៅលើការឆ្លើយតបទាំងនេះនៅពេលក្រោយនៅក្នុងមេរៀននេះ ។

• តើមានស្ថានភាពអ្វីខ្លះ ដែលវាអាចជាបញ្ហាប្រឈមសម្រាប់អ្នក ឬអ្នកដទៃទៀតក្នុងការស្តាប់បង្គាប់ព្រះដោយសារតែសម្ពាធពីអ្នកដទៃនោះ ?

• តើអ្វីដែលធ្វើឲ្យស្ថានភាពទាំងនេះពិបាក ?

ប្រធាន ថូម៉ាស អេស ម៉នសុន ( ឆ្នាំ ១៩២៧–២០១៨ ) បានមានប្រសាសន៍ ៖

Official portrait of President Thomas S. Monson, 2008.

ក្នុងជីវិតរស់នៅប្រចាំថ្ងៃរបស់យើង យើងជៀសមិនផុតពីការជួបនឹងឧបសគ្គចំពោះសេចក្តីជំនឿរបស់យើងទេ ។ ពេលខ្លះយើងឃើញថាខ្លួនឯងត្រូវហ៊ុមព័ទ្ធដោយមនុស្សជាច្រើន ប៉ុន្តែត្រូវឈរនៅក្នុងចំណោមមនុស្សមួយចំនួនតូច ឬឈរម្នាក់ឯងដោយបារម្ភពីអ្វីដែលអាចទទួលយកបាន និងអ្វីដែលមិនអាចទទួលបាន ។ តើយើងមានក្រមសីលធម៌គ្រប់គ្រាន់ដើម្បីឈរយ៉ាងរឹងមាំចំពោះសេចក្តីជំនឿរបស់យើង ទោះជាយើងត្រូវឈរតែឯងពេលធ្វើដូច្នោះដែរឬទេ ?

( ថូម៉ាស អេស ម៉នសុន « Dare to Stand Alone » Ensign ឬ Liahona ខែ វិច្ឆិកា ឆ្នាំ ២០១១ ទំព័រ ៦០ )

សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖

• តើអ្នកនឹងវាយតម្លៃពីឆន្ទៈរបស់អ្នកក្នុងការស្តាប់បង្គាប់ព្រះ ជាជាងចុះចាញ់នឹងសម្ពាធពីអ្នកដទៃយ៉ាងដូចម្ដេច ?

• តើមានស្ថានភាពអ្វីខ្លះនាពេលអនាគត ដែលអ្នកត្រូវជ្រើសរើសស្តាប់បង្គាប់ព្រះ ជាជាងអ្នកដទៃ ?

នៅពេលអ្នកសិក្សាមេរៀននេះ សូមរកមើលសេចក្តីពិត និងគំរូដែលអាចជួយអ្នកឲ្យមានអារម្មណ៍ចង់ស្តាប់បង្គាប់ព្រះខ្លាំងជាងមនុស្សដទៃ ។

ពេត្រុស និងយ៉ូហានត្រូវបានគេចាប់ខ្លួន ដោយព្រោះការបង្រៀន និងព្យាបាលនៅក្នុងព្រះនាមនៃព្រះយេស៊ូវគ្រីស្ទ

ពេត្រុស និងយ៉ូហានបានប្រឈមមុខនឹងស្ថានភាពដែលពួកលោកត្រូវជ្រើសរើសរវាងការស្តាប់បង្គាប់ព្រះ ឬចុះចាញ់តាមសម្ពាធពីអ្នកដទៃ ។ បន្ទាប់ពីព្យាបាលបុរសខ្វិនម្នាក់នៅព្រះវិហារបរិសុទ្ធ ហើយបន្ទាប់ពីបានផ្សព្វផ្សាយក្នុងព្រះនាមរបស់ព្រះយេស៊ូវគ្រីស្ទ នោះពេត្រុស និងយ៉ូហានត្រូវគេចាប់ខ្លួន យកទៅដាក់គុក និងសួរចម្លើយដោយមេដឹកនាំសាសន៍យូដា ( សូមមើល កិច្ចការ ៣:១–១១ ; ៤:១–៧ ) ។

សូមអាន កិច្ចការ ៤:៨–២១ ដោយរកមើលពីរបៀបដែលពេត្រុស និងយ៉ូហានបានឆ្លើយតបក្នុងស្ថានភាពនេះ ។ សូមពិចារណាពីការគូសសម្គាល់ពាក្យ ឬឃ្លានៅក្នុងខគម្ពីរទាំងនេះ ដែលអ្នកមានអារម្មណ៍ថាសំខាន់ ឬដែលបំផុសគំនិតអ្នកឲ្យជ្រើសរើសស្ដាប់បង្គាប់ព្រះជាជាងរឿងទាំងអស់ផ្សេងទៀត ។ អ្នកអាចទស្សនាវីដេអូ « Peter and John Are Judged » ( ២:៥១ ) ដែលមាននៅគេហទំព័រ ChurchofJesusChrist.org ខណៈដែលអ្នកផ្ទៀងតាមក្នុងព្រះគម្ពីររបស់អ្នក ។

• តើពាក្យ ឬឃ្លាអ្វីដែលអ្នកចាប់អារម្មណ៍ពីខគម្ពីរទាំងនេះ ? ហេតុអ្វីទៅ ?

សូមពិចារណាពីសកម្មភាពអ្វីដែលជួយសិស្សឲ្យរៀនបានល្អបំផុតអំពីសេចក្ដីពិតនៃដំណឹងល្អដែលបានបង្រៀននៅក្នុង កិច្ចការ ៥:១២–៣២ ។ អ្នកអាចចាត់សិស្សឲ្យអានពាក្យរបស់មនុស្សផ្សេងគ្នានៅក្នុងដំណើររឿងនៃខគម្ពីរនេះ ។ អ្នកអាចចាត់សិស្សឲ្យធ្វើជាអ្នកនិទានរឿង ជាទេវតា ជាទាហាន ជាពេត្រុស និងជាសង្ឃជាន់ខ្ពស់ ។ ម៉្យាងទៀត សិស្សអាចមើលវីដេអូខាងក្រោមដើម្បីដឹងថាមានអ្វីកើតឡើងបន្ទាប់ទៀត ។

សូមអាន កិច្ចការ ៥:១២–៣២ ហើយបន្តការសិក្សារបស់អ្នកអំពីដំណើររឿងនេះ ។ អ្នកប្រហែលជាគួរតែពិចារណាគូសសម្គាល់គោលលទ្ធិ គោលការណ៍ ឬឃ្លាណាដែលមានអារម្មណ៍ថាសំខាន់ចំពោះអ្នក ។ ឬអ្នកអាចមើល « Peter and John Continue Preaching the Gospel » រហូតដល់លេខកូដម៉ោង ៣:៥១ ។ សូមអាន កិច្ចការ ៥:១២–៣២ ហើយបន្តការសិក្សារបស់អ្នកអំពីដំណើររឿងនេះ ។ អ្នកប្រហែលជាគួរតែពិចារណាគូសសម្គាល់គោលលទ្ធិ គោលការណ៍ ឬឃ្លាណាដែលមានអារម្មណ៍ថាសំខាន់ចំពោះអ្នក ។ ឬអ្នកអាចមើល « Peter and John Continue Preaching the Gospel » រហូតដល់លេខកូដម៉ោង ៣:៥១ ។

• តើអ្នកបានរកឃើញអ្វីខ្លះ ?

• តើសេចក្តីពិតអ្វីដែលអ្នករៀនចេញពីដំណើររឿងនេះ ?

សូមលើកទឹកចិត្តសិស្សឲ្យពន្យល់គោលការណ៍ដោយប្រើពាក្យពេចន៍ផ្ទាល់របស់ពួកគេ ហើយសរសេរវានៅលើក្ដារខៀន ។

សេចក្តីពិតមួយដែលយើងអាចរៀនពីដំណើររឿងនេះគឺថា ប្រសិនបើយើងជ្រើសរើសស្តាប់តាមបង្គាប់ព្រះ ជាជាងកោតខ្លាចអ្នកដទៃ នោះទ្រង់នឹងគង់នៅជាមួយយើង ។

សូមគិតអំពីស្ថានភាពដែលអ្នកបានរកឃើញនៅដើមមេរៀន ដែលវាអាចនឹងពិបាកក្នុងការស្តាប់បង្គាប់ព្រះ ដោយសារតែមានសម្ពាធពីអ្នកដទៃ ។

• តើពរជ័យអ្វីខ្លះដែលយើងអាចទទួលបានដោយសារការស្តាប់តាមបង្គាប់ព្រះ ជាជាងការកោតខ្លាចអ្នកដទៃ ?

• តើអ្នកដឹងអ្វីខ្លះ អំពីព្រះដែលបានផ្តល់ទំនុកចិត្តដល់អ្នកឲ្យដើរតាមទ្រង់—សូម្បីតែនៅពេលអ្នកត្រូវបានអ្នកដទៃដាក់សម្ពាធក្តី ?

ប្រសិនបើសិស្សត្រូវការជំនួយជាមួយនឹងសំណួរខាងក្រោម សូមចែកចាយឧទាហរណ៍ពីព្រះជន្មរបស់ព្រះអង្គសង្គ្រោះដែលស្ថិតនៅក្នុងផ្នែក « វិចារណកថា និង ព័ត៌មានសាច់រឿង » ដូចបានណែនាំនៅក្នុងគន្លឹះជំនួយដល់គ្រូបង្រៀន ។ ឧទាហរណ៍ផ្សេងទៀតមាននៅក្នុងសកម្មភាពរៀនសូត្របន្ថែមដែលមានចំណងជើងថា « ដំណើររឿងដែលបំផុសគំនិត » ។

• តើនៅពេលណាដែលអ្នក ឬអ្នកដទៃបានមើលឃើញពីភាពឆ្លាតវៃក្នុងការស្តាប់បង្គាប់ព្រះ ថាជាការប្រសើរជាងការកោតខ្លាចអ្នកដទៃ ? ( អ្នកក៏អាចមើលឃើញគំរូជាច្រើនមកពីព្រះជន្មរបស់ព្រះអង្គសង្គ្រោះផងដែរ ) ។

គំរូសម័យទំនើប

សូមពិចារណាបង្ហាញវីដេអូ « Leave the Party » ( ៦:២៥ ) ដែលមាននៅលើគេហទំព័រ ChurchofJesusChrist.org ជាគំរូនៃការស្តាប់បង្គាប់ព្រះជាជាងមនុស្ស ។ ម្យ៉ាងទៀត សូមចែកចាយបទពិសោធន៍ផ្ទាល់ខ្លួនដែលបង្ហាញពីគោលការណ៍នេះ ។

អែលឌើរ ធារី ឃេ មូតូមបូ នៃពួកចិតសិបនាក់ បានចែកចាយគំរូអំពីគ្រួសារមួយដែលបានជ្រើសរើសគោរពតាមព្រះជាជាងគោរពតាមមនុស្ស ។ ដើម្បីស្តាប់ដំណើររឿងនេះ សូមទស្សនា « Ye Shall Be Free » ដែលមាននៅលើគេហទំព័រ ChurchofJesusChrist.org ចាប់ពីលេខកូដម៉ោង ៦:៤៣ ដល់ ៨:៥១ ។

• តើអ្វីដែលធ្វើឲ្យអ្នកចាប់អារម្មណ៍បំផុតអំពីរបៀបដែលគ្រួសារនេះបានឆ្លើយតបនឹងបញ្ហាប្រឈមរបស់ពួកគេ ?

• ហេតុអ្វីបានជាអ្នកគិតថា សេចក្តីជំនឿរបស់គ្រួសារនេះទៅលើព្រះយេស៊ូវគ្រីស្ទមានសារៈសំខាន់យ៉ាងខ្លាំងនៅក្នុងស្ថានភាពនេះ ?

ពេត្រុស និងយ៉ូហានត្រូវបានគេដោះលែង

មេដឹកនាំសាសន៍យូដាបានពិភាក្សាអំពីអ្វីដែលត្រូវធ្វើចំពោះពេត្រុស និងយ៉ូហាន ។ មេដឹកនាំសាសន៍យូដាដ៏គួរឲ្យគោរពម្នាក់ឈ្មោះកាម៉ាលាស បានលើកទឹកចិត្តពួកគេឲ្យអនុញ្ញាតឲ្យដោះលែងពេត្រុស និងយ៉ូហានទៅ ពីព្រោះគាត់ទទួលស្គាល់ថា ប្រសិនបើពេត្រុស និងយ៉ូហានពិតជាកំពុងធ្វើកិច្ចការរបស់ព្រះមែន នោះមេដឹកនាំសាសន៍យូដានឹងមិនអាចបញ្ឈប់វាបានទេ ( សូមមើល កិច្ចការ ៥:២៩–៣៩ ) ។

សូមអាន កិច្ចការ ៥:៤០–៤២ ហើយសូមពិចារណាគូសសម្គាល់ពាក្យ ឬឃ្លាដែលពិពណ៌នាអំពីអារម្មណ៍របស់ពេត្រុស និងយ៉ូហាន បន្ទាប់ពីបានដកពិសោធន៍នូវអ្វីដែលពួកគេបានធ្វើ ។

• តើអ្នកបានរៀនអ្វីខ្លះនៅថ្ងៃនេះ ដែលបំផុសគំនិតអ្នកឲ្យស្ដាប់បង្គាប់ព្រះវរបិតាសួគ៌ ជាជាងមនុស្ស ?

វិចារណកថា និង ព័ត៌មានសាច់រឿង

ចុះបើខ្ញុំមិនចុះសម្រុងនឹងគេ ដោយសារខ្ញុំជ្រើសរើសស្តាប់បង្គាប់ព្រះវរបិតាសួគ៌វិញនោះ ?

អែលឌើរ រីឆាដ ជី ស្កត ( ឆ្នាំ ១៩២៨–២០១៥ ) ក្នុងកូរ៉ុមនៃពួកសាវកដប់ពីរនាក់បានបង្រៀន ៖

Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.

ពេលខ្លះអ្នកប្រហែលជាមានអារម្មណ៍ឯកោ និងមានការយល់ច្រឡំ—ខ្ញុំធ្លាប់—ដោយសារតែអ្នកមិនចុះសម្រុងនឹងពួកគេ ។ សូមមានអំណរដែលជីវិតដ៏សុចរិតរបស់អ្នកមិនចុះសម្រុងនឹងកន្លែងដែលមិនស័ក្តិសមនឹងអ្នក ។ នេះគឺជាពេលវេលាបណ្តោះអាសន្នមួយនៃការសាកល្បង និងការរីកចម្រើនផ្ទាល់ខ្លួន ។ វានឹងត្រូវបានជំនួសដោយមិត្តភក្តិពិត និងសុភមង្គលទាន់ពេលវេលា និងកាន់តែប្រសើរជាងមុន ។

( រីឆាដ ជី ស្កត « The Power of Righteousness » Ensign ខែ វិច្ឆិកា ឆ្នាំ ១៩៩៨ ទំព័រ ៦៨ )

តើខ្ញុំគួរតែការពារជំនឿរបស់ខ្ញុំបែបណា ?

អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានពន្យល់ ៖

Official Portrait of Elder Jeffrey R. Holland. Photographed January 2018.

ចូររឹងមាំ ។ ចូររស់នៅតាមដំណឹងល្អដោយស្មោះត្រង់ ទោះជាមនុស្សដទៃនៅជុំវិញខ្លួនអ្នកពុំរស់នៅតាមទាល់តែសោះក៏ដោយ ។ ចូរការពារជំនឿទាំងឡាយរបស់អ្នកដោយគួរសម និងក្ដីមេត្តាករុណា ប៉ុន្តែចូរការពារជំនឿទាំងនោះ ។

( ជែហ្វ្រី អ័រ ហូឡិន « The Cost—and Blessings—of Discipleship » Ensign ឬ Liahona ខែ ឧសភា ឆ្នាំ ២០១៤ ទំព័រ ៩ )

តើព្រះអង្គសង្គ្រោះបានបង្ហាញថា ទ្រង់បានស្ដាប់បង្គាប់ព្រះវរបិតាសួគ៌ជាជាងមនុស្សយ៉ាងដូចម្ដេច ?

វីដេអូព្រះគម្ពីរប៊ីបខាងក្រោមនេះបង្ហាញពីបំណងប្រាថ្នារបស់ព្រះអង្គសង្គ្រោះក្នុងការបម្រើព្រះ ជាជាងធ្វើតាមគំនិតរបស់មនុស្ស ។

សូមមើល « Jesus Forgives Sins and Heals a Man Stricken with Palsy » ( ២:៥៧ ) ដើម្បីមើលពីរបៀបដែលព្រះអង្គសង្គ្រោះបានបង្ហាញព្រះចេស្ដា និងព្រះទ័យរបស់ទ្រង់ក្នុងការអត់ទោសឲ្យអំពើបាប ពេលអ្នកដទៃចោទសួរអំពីវា ។

សូមមើល « Jesus Heals A Lame Man on the Sabbath » ( ២:២៣ ) ដើម្បីមើលពីរបៀបដែលព្រះអង្គសង្គ្រោះបានព្យាបាលបុរសម្នាក់ សូម្បីតែពេលដែលមេដឹកនាំសាសន៍យូដាបានគិតថា វាជាការប្រព្រឹត្តមិនសមរម្យសម្រាប់ថ្ងៃឈប់សម្រាកក្តី ។

សូមទស្សនា « Go and Sin No More » ( ៣:២១ ) ដើម្បីមើលពីរបៀបដែលព្រះអង្គសង្គ្រោះមិនបានថ្កោលទោសអ្នកដទៃ សូម្បីតែពេលដែលគេបានដាក់សម្ពាធលើទ្រង់ឲ្យធ្វើដូច្នោះក៏ដោយ ។

សកម្មភាពរៀនសូត្របន្ថែម

ការក្លាយដូចជាព្រះអង្គសង្គ្រោះតាមរយៈការរស់នៅតាមក្រឹត្យវិន័យនៃការថ្វាយ

នៅក្នុង កិច្ចការ ៤:៣១–៥:១១ យើងរៀនថា ពួកបរិសុទ្ធនៅពេលនោះបានរស់នៅតាមក្រឹត្យវិន័យនៃការថ្វាយ ។ សូមអញ្ជើញសិស្សឲ្យសិក្សា « ថ្វាយ, ក្រឹត្យវិន័យនៃការថ្វាយ » នៅក្នុងសេចក្ដីណែនាំដល់បទគម្ពីរទាំងឡាយ ( នៅលើគេហទំព័រ scriptures.ChurchofJesusChrist.org ) ឬអត្ថបទប្រធានបទប្រវត្តិសាសនាចក្រ « Consecration and Stewardship » ( នៅលើគេហទំព័រ ChurchofJesusChrist.org/study/history/topics ) ដើម្បីយល់កាន់តែច្បាស់អំពីអត្ថន័យនៃក្រឹត្យវិន័យនៃការថ្វាយ ។ បន្ទាប់មក ពួកគេអាចប្រៀបធៀបការពន្យល់ទាំងនេះជាមួយនឹងដំណើររឿងនៅក្នុង កិច្ចការ ២:៤១–៤៧ ; កិច្ចការ ៤:៣១–៣៧ និង កិច្ចការ ៥:១–១១ ។ ពួកគេក៏អាចរំឭក ម៉ូសេ ៧:១៨ និង នីហ្វៃ ទី៤ ១:១–១៨ ឡើងវិញផងដែរ ។ សូមអញ្ជើញសិស្សឲ្យពិចារណាអំពីរបៀបដែលការរស់នៅតាមក្រឹត្យវិន័យនេះជួយយើងឲ្យក្លាយដូចជាព្រះអង្គសង្គ្រោះ ហើយបង្ហាញសេចក្ដីស្រឡាញ់របស់ទ្រង់ដល់អ្នកដទៃ ។

ភាពស្មោះត្រង់ និងការរក្សាសេចក្តីសញ្ញារបស់យើង

សិស្សអាចនឹងទទួលបានអត្ថប្រយោជន៍ពីការសិក្សាដំណើររឿងរបស់ អាន៉្នានាស និងសាភីរ៉ាក្នុង កិច្ចការ ៥:១–១១ ដែលបង្ហាញពីសារៈសំខាន់នៃភាពស្មោះត្រង់ និងការរក្សាសេចក្ដីសញ្ញារបស់យើងជាមួយនឹងព្រះ ។ អំឡុងពេលនេះ សមាជិកសាសនាចក្រកំពុងរស់នៅតាមក្រឹត្យវិន័យនៃការថ្វាយ ( សូមមើលសកម្មភាពមុន ) ។

ខណៈពេលដែលយើងមិនយល់ថាហេតុអ្វីផលវិបាកមានសភាពធ្ងន់ធ្ងរនៅក្នុងករណីនេះ តែយើងដឹងពីលក្ខណៈដ៏ធ្ងន់ធ្ងរនៃការបំពានសេចក្ដីសញ្ញាជាមួយព្រះ ( សូមមើល រ៉ូម ៦:១៦, ២៣ ; គោលលទ្ធិ និង សេចក្ដីសញ្ញា ៧៨:១១–១២ ) ។ សិស្សក៏អាចសិក្សាសុន្ទរកថាមួយចំនួន ឬទាំងអស់ដោយអែលឌើរ រ៉ូណល អេ រ៉ាសបាន ក្នុងកូរ៉ុមនៃពួកសាវកដប់ពីរនាក់ដែលមានចំណងជើងថា « Standingby Our Promises and Covenants » ផងដែរ ( Ensign ឬ Liahona ខែ វិច្ឆិកា ឆ្នាំ ២០១៩ ទំព័រ ៥៣–៥៦ ) ។ សូមពិចារណាសួរសំណួរទាំងនេះដល់ពួកគេដូចជា ៖ « តើភាពស្មោះត្រង់ និងការរក្សាសេចក្ដីសញ្ញាជួយយើងឲ្យក្លាយដូចជាព្រះយ៉ាងដូចម្ដេច ? » និង « តើវាមានភាពខុសគ្នាអ្វីខ្លះនៅក្នុងគ្រួសារ និងក្នុងសហគមន៍ នៅពេលយើងរក្សាសេចក្ដីសញ្ញារបស់យើង ? »

ការកោតខ្លាចព្រះជាជាងមនុស្ស

សិស្សអាចទទួលបានអត្ថប្រយោជន៍ តាមរយៈការប្រៀបធៀបគំរូនៃពួកសាវកពីបុរាណនៅក្នុង កិច្ចការ ៤:៨–១២, ១៨–២១ និង ៥:១៧–៣២ ជាមួយនឹងដំណើររឿងរបស់ព្យាការី យ៉ូសែប ស៊្មីធ ដែលបានបំពេញបំណងប្រាថ្នារបស់ ម៉ាទិន ហារីស ដើម្បីបង្ហាញឯកសារសរសេរដៃចំនួន ១១៦ ទំព័រនៃព្រះគម្ពីរមរមនដល់អ្នកដទៃ ។ សិស្សអាចសិក្សា គោលលទ្ធិ និង សេចក្តីសញ្ញា ៣:១–១១ ដើម្បីអានដំបូន្មាន និងការព្រមានរបស់ព្រះអម្ចាស់ ព្រមទាំងសេចក្ដីមេត្តាករុណារបស់ទ្រង់នៅក្នុង ខទី ១០ ។ ដំណើររឿងនេះអាចជួយសិស្សឲ្យយល់ថា ទោះបីជាពួកគេធ្វើខុសក៏ដោយ ក៏ព្រះអម្ចាស់នឹងជួយ គាំទ្រ និងអត់ទោសឲ្យពួកគេដែរ ប្រសិនបើពួកគេប្រែចិត្ត ។

ដំណើររឿងដែលបំផុសគំនិត

សូមអញ្ជើញសិស្សឲ្យបង្កើតបញ្ជីដំណើររឿងដែលបំផុសគំនិតមនុស្សឲ្យស្តាប់បង្គាប់ព្រះ ទោះស្ថិតក្នុងកាលៈទេសៈណាក៏ដោយ ។ ពួកគេអាចបញ្ចូលដំណើររឿងមកពីមេរៀននេះ បទពិសោធន៍ពីជីវិតរបស់ពួកគេផ្ទាល់ ឬដំណើររឿងពីព្រះគម្ពីរ ។ ប្រភពខាងក្រោមអាចមានប្រយោជន៍ ៖

• ព្រះអង្គសង្គ្រោះ និងស្ដ្រីដែលត្រូវគេចាប់ដោយសារបានប្រព្រឹត្តអំពើផិតក្បត់ ( សូមមើល យ៉ូហាន ៨:១–១១ )

• យ៉ូសែប ស្ម៊ីធ ជាប់គុកនៅ រិចម៉ន្ត រដ្ឋមីសសួរី ( សូមមើល Saints: The Story of the Church of Jesus Christ in the Latter Daysវ៉ុល ១ The Standard of Truth, 1815–1846 [ ឆ្នាំ ២០១៨ ] ទំព័រ ៣៦៦–៦៨ )

សូមឲ្យសិស្សពីរបីនាទីចែកចាយបញ្ជីរបស់ពួកគេជាមួយគ្នាទៅវិញទៅមក ឬជាមួយសិស្សក្នុងថ្នាក់ ។ សូមពិចារណាចែកចាយឧទាហរណ៍ផ្ទាល់ខ្លួនដែលនឹងបំផុសគំនិតដល់ពួកគេផងដែរ ។