Susiha ang Inyong Nakat-onan 5

Mateo 21–26; Marcos 11–14; Lucas 19–21; Juan 12–13

Young woman sitting on a bed reading scriptures.

Kini nga leksiyon gituyo alang sa pagtabang kaninyo nga makatimbang-timbang sa mga tumong nga inyong gitakda ug sa personal nga paglambo nga inyong nasinati atol sa inyong pagtuon sa Bag-ong Tugon.

Pagpangandam sa estudyante: Dapita ang mga estudyante sa pagpamalandong sa kataposang pipila ka leksiyon ug sa ilang mga nasinati isip resulta niadto nga mga leksiyon.

Posible nga mga Kalihokan sa Pagkat-on

Kini nga leksiyon gituyo aron matabangan ang mga estudyante nga matimbang-timbang ang mga tumong nga ilang gitakda, ilang abilidad sa pagpasabot sa mga pagtulon-an sa Bag-ong Tugon, o sa unsang paagi nagkausab ang ilang mga kinaiya, mga tinguha, ug abilidad sa pagsunod sa ebanghelyo. Ang tun-an sa klase diha sa Mateo 21–26; Marcos 11–14; Lucas 19–21; Juan 12–13 tingali makapasabot og maayo sa mga kamatuoran kay sa anaa sa mosunod nga mga kalihokan. Kon mao, ang mga kalihokan mahimong gamiton aron malakip kana nga mga kamatuoran.

Unsay inyong nakat-onan?

Gahini og panahon nga mapamalandongan ang unsay inyong bag-ong nakat-onan gikan sa inyong pagtuon sa Bag-ong Tugon. Ang mosunod nga mga hulagway tingali makatabang kaninyo. Tingali makatabang usab ang pagdangop ngadto sa bag-o ninyong mugbo nga mga sulat diha sa ihyong journal sa pagtuon. Ang mosunod nga kalihokan makatabang sa inyong pagtimbang-timbang agig resulta sa unsay inyong nakat-onan.

Jesus turning over a table of a money changer in the temple. Outtakes include images of Christ alone and with the crowd of merchants and buyers fleeing, people buying goods, and people looking.

Jesus washing Peter’s feet. Outtakes show similar scenes.

The resurrected Jesus Christ (wearing white robes with a magenta sash) standing above a large gathering of clouds. Christ has His arms partially extended. The wounds in the hands of Christ are visible. Numerous angels (each blowing a trumpet) are gathered on both sides of Christ. A desert landscape is visible below the clouds. The painting depicts the Second coming of Christ. (Acts 1:11)

Kon mas maayo, ikonsiderar nga matugotan ang mga estudyante nga motubag sa mosunod nga mga pangutana uban sa kapares o sa gagmay nga mga grupo.

• Unsa man ang bag-o lang ninyong nakat-onan mahitungod kang Jesukristo nga labing makahuluganon kaninyo? Unsa nga mga asoy sa kasulatan ang nakatabang ninyo nga makaangkon niini nga panabot mahitungod Kaniya?

• Unsa nga mga aksiyon ang inyong gihimo aron mahimong mas mapahinungoron nga disipulo ni Jesukristo?

• Unsa nga [mga] sunod nga lakang ang inyong buhaton aron molambo isip tinun-an sa Manluluwas?

Higugmaa ang Dios ug higugmaa ang imong silingan

Bag-o lang kamong nagtuon sa pagtulon-an ni Jesus nga ang duha sa labing dagkong sugo nga mao ang [paghigugma sa] Ginoo sa tibuok mong kasingkasing, kalag, ug hunahuna ug ang [paghigugma sa] imong isigkatawo sama sa imong kaugalingon (tan-awa sa Mateo 22:36–39).

Ikonsiderar ang pagdapit sa mga estudyante sa paghisgot sa mosunod nga pangutana kauban sa kapares.

• Ngano kaha nga kining mga sugoa gikonsiderar man nga labing dako nga mga sugo?

Kamo usab bag-ong nakat-on mahitungod sa paghugas ni Jesus sa tiil sa Iyang mga disipulo ug paghatag kanila og bag-ong sugo nga maghigugmaay sa usag usa sama sa Iyang paghigugma kanila (tan-awa sa Juan 13).

Tugoti ang daghang estudyante nga motubag sa mosunod nga mga pangutana. Ikonsiderar ang paghatag og follow-up nga mga pangutana aron mahatagan og higayon ang mga estudyante nga makapaambit sa ilang mga kasinatian samtang gilihok nila ang ilang mga plano.

• Kumusta ang inyong kasinatian sa paglihok sa mga pagtulon-an sa Manluluwas?

• Unsay inyong gibati mahitungod sa gugma ni Jesukristo alang kaninyo ug alang sa uban samtang kamo misanong sa mga pagdapit nga gihatag diha sa klase?

• Unsa ang inyong gusto nga buhaton o ipadayon pagbuhat agig resulta sa mga pagtulon-an sa Manluluwas?

Tingali makatabang nga ma-follow up og usab ang mga estudyante sa ilang mga plano sa umaabot. Pamatud-i ang mga panalangin nga moabot kon kita maningkamot sa paghigugma sa Dios ug paghigugma sa uban sama sa gibuhat sa Manluluwas.

Ang Ikaduhang Pag-anhi ni Jesukristo

Panahon niini nga bahin sa leksiyon, ikonsiderar nga mapasundayag ang paghulagway bahin sa Ikaduhang Pag-anhi ni Jesukristo gikan sa sinugdanan niini nga leksiyon.

Usa ka labing maayong paagi sa pagpasayon sa mga pagtulon-an sa ebanghelyo mao ang pagpasabot niini sa unsay lebel sa usa ka bata. Aron matabangan kamo nga mapasabot ang importante nga aspeto sa Ikaduhang Pag-anhi sa Manluluwas gamit ang inyong kaugalingong mga pulong, pagsulat og usa ka summary sama nga kamo ang nagsulat niini alang sa usa ka bata.

Ang mga estudyante mahimong mobuhat niini nga sila ra o kauban sa kapares sa pagsulat sa summary.

Hinumdomi nga sa miagi nga leksiyon, ang mga estudyante tingali naggahin og mga panahon sa pagkat-on sa unsang paagi makalikay sa kalibog, pagduhaduha, ug kahadlok mahitungod sa Ikaduhang Pag-anhi. Tingali makatabang ang paghangyo sa mga estudyante nga hinumdoman unsay ilang nakat-onan samtang nagtuon sa Joseph Smith--Mateo sa dili pa nila sugdan ang pagsulat sa ilang mga summary.

Ang katuyoan sa inyong summary mao ang pagtubag sa duha ka pangutana:

• Unsa ang atong mahimo aron maandam alang sa Ikaduhang Pag-anhi ni Jesukristo?

• Nganong mahimayaon man ang Ikaduhang Pag-anhi sa Manluluwas? (Hinumdomi nga sa miagi nga leksiyon, nabasa tingali ninyo ang pagdapit ni Elder Neil L. Andersen nga ihanduraw ug isaysay ang mahimayaong hitabo nga naglibot sa Ikaduhang Pag-anhi [tan-awa sa “Umabot ang Imong Gingharian,” Liahona, Mayo 2015, 122].)

Ang mosunod nga kapanguhaan makatabang ninyo sa pagrebyo sa unsay inyong nakat-onan.

• Joseph Smith–Mateo 1:22–23, 28–36 , ingon man usab sa inyong mugbo nga sulat diha sa inyong journal sa pagtuon

• “ Mga Timailhan sa mga Panahon ” (Giya ngadto sa Mga Kasulatan, scriptures.ChurchofJesusChrist.org)

• “ Ikaduhang Pag-anhi ni Jesukristo (Giya ngadto sa mga Kasulatan)

Mahimong ipaambit sa mga estudyante ang ilang mga summary kauban sa kapares, o usa o duha ka estudyante mobulontaryo nga mobasa sa ilang summary ngadto sa klase.