Pagrebyo sa Doktrinal nga Kahanas 15
Gamita ang mga Tudling sa Doktrinal nga Kahanas
Usa sa mga katuyoan sa doktrinal nga kahanas mao ang pagtabang ninyo nga makat-on unsaon paggamit sa mga tudling sa doktrinal nga kahanas nga tukma sa inyong pagtudlo sa ebanghelyo ni Jesukristo ngadto sa uban. Kini nga leksiyon maghatag kaninyo og mga kahigayonan sa pagbansay sa paggamit sa pipila sa mga tudling sa doktrinal nga kahanas ngadto sa lainlaing mga sitwasyon sa pagtudlo.
Posible nga mga Kalihokan sa Pagkat-on
Pagpangandam sa estudyante: Dapita ang mga estudyante sa paghunahuna og ilang mga kasinatian gamit ang mga kasulatan sa pagtubag sa mga pangutana o sa pagtudlo sa ebanghelyo ni Jesukristo ngadto sa uban. Dasiga sila nga motambong sa klase nga andam mopaambit sa sitwasyon ug mga kasulatan nga ilang gigamit sa pagtudlo.
Ang tudling sa doktrinal nga kahanas nga leksiyon kinahanglang itudlo isip puli niini nga leksiyon sa pagrebyo. Tan-awa ang eskedyul kon kanus-a itudlo ang leksiyon nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.
Ang sumbanan nga mga kasulatan naglangkob og daghang mga sugilanon sa mga tawo nga naggamit sa mga kasulatan sa pagtudlo sa uban. Pipila sa mga pananglitan naglakip kang Jesukristo nga nagtudlo sa duha sa Iyang mga disipulo ngadto sa dalan paingon sa Emaus ( Lucas 24:27), si Nephi nagdasig sa iyang mga igsoon nga bawion ang mga palid nga tumbaga (tan-awa sa 1 Nephi 4:2), ug si Moroni nga naghatag og instruksiyon sa batan-ong si Joseph Smith ( Joseph Smith—Kasaysayan 1:36–41).
Dapita ang mga estudyante nga nagbuhat sa pagpangandam sa estudyante nga kalihokan sa pagpaambit sa ilang mga kasinatian sa ilang pagtubag sa mosunod nga mga pangutana.
-
Kanus-a kamo o ang usa ka tawo nga inyong nailhan migamit sa kasulatan sa pagtudlo sa uban?
-
Nganong sa inyong hunahuna importante man ang paggamit sa mga kasulatan agig dugang sa atong kaugalingong mga pagpasabot diha sa atong pagtudlo sa uban?
Irebyo ang mosunod nga listahan sa mga kapanguhaan sa doktrinal nga kahanas ug mahinungdanon nga hugpong sa mga pulong sa kasulatan. Pamalandungi ang nagkalainlaing mga sitwasyon nga lagmit ninyong atubangon diin inyong magamit kini nga mga tudling sa pagtudlo og usa ka tawo.
Doktrinal nga Kahanas sa Bag-ong Tugon: 1 Mga Taga-Corinto–Ang Gipadayag
Ipakita o iapod-apod ang mosunod nga tsart aron magamit sa mga estudyante sa kinatibuk-an niining kasinatian sa pagtuon. Ang mga estudyante posibleng adunay kopya niini nga porma sa miaging leksiyon.
|
“Ang inyong lawas templo sa Espiritu Santo.” | |
|
“Apan sa atong pagkinabuhi diha sa Ginoo, ang babaye nagkinahanglan sa lalaki ug ang lalaki nagkinahanglan usab sa babaye” | |
|
“Kay maingon nga diha kang Adan ang tanan nangamatay, maingon man usab diha kang Kristo ang tanan mangabuhi.” | |
|
Diha sa Pagkabanhaw, adunay tulo ka ang-ang sa himaya. | |
|
“Usa ka laraw nga pagatumanon inig-abot sa tukma nga panahon, laraw sa paghiusa diha kang Kristo sa tanang mga butang.” | |
|
Ang Simbahan “tinukod ibabaw sa patukoranan nga mao ang mga apostoles ug mga propeta, nga niini si Jesukristo mao ang ulohang bato sa pamag-ang.” | |
|
“Ang adlaw ni Kristo … dili pa moabut, hangtud nga mahitabo una ang pagsupil.” | |
|
“Ang balaan nga kasulatan … makagagahom sa pagtudlo kanimo ngadto sa kaluwasan.” | |
|
Ang Langitnong Amahan mao “ang Amahan sa mga espiritu.” | |
|
“Kon aduna man kaninyoy nakulangan og kaalam, papangayoa siya sa Dios.” | |
|
“Ang pagtuo patay kon kini walay binuhatan.” | |
|
“Ang maayong balita [gi]wali hangtod ngadto sa mga patay.” | |
|
“Ug ang mga patay gipanaghukman … pinasikad sa ilang mga binuhatan.” |
Mahimong maghimo og timaan [label] sa usa ka palid sa papel alang sa kada mosunod nga sitwasyon og ibutang sila palibot sa klasrom. (Ang mga estudyante mahimo usab nga dapiton sa paghimo og ilang kaugalingon nga mga sitwasyon sa tinuod nga kinabuhi aron maoy buhaton kaysa mga gisugyot nga sitwasyon.)
LubongMisyonDebosyonal sa Kabatan-onanHigala
Bahina ang klase ngadto sa upat ka grupo, ug i-assign ang matag grupo og usa sa mga sitwasyon nga nalista sa ibabaw. Paghatag og tukma nga mga pangutana nga nalista sa ubos sa matag grupo, ug awhaga sila nga maghisgot.
Tugoti ang matag grupo nga motuyok sa matag sitwasyon. Sultihi ang mga estudyante nga mahimo nilang gamiton ang susamang pakisayran sa kasulatan [scripture reference] sa lainlaing mga senaryo.
Lubong
Hunahunaa nga ikaw gihangyo nga mosulti sa lubong sa usa ka minahal sa kinabuhi.
-
Unsa ang tulo ka mga tudling sa doktrinal nga kahanas ang imong ipaambit?
-
Sa unsang paagi sa imong hunahuna nga kining mga tudling mahimong makatabang?
Pagpili og usa sa mga kasulatan nga imong gipili alang niining senaryo, ug basaha ang tibuok nga tudling.
-
Dugang sa mahinungdanon nga hugpong sa kasulatan, unsa pa ang imong nakat-onan?
Misyon
Hunahunaa nga ikaw ug ang imong misyonaryong kauban nagtudlo sa usa ka tawo kinsa natingala nganong nagkinahanglan kita og gipahiuli nga simbahan.
-
Unsa ang tulo ka mga tudling sa doktrinal nga kahanas ang imong ipaambit?
-
Sa unsang paagi sa imong hunahuna nga kining mga tudling mahimong makatabang?
Pagpili og usa sa mga kasulatan nga imong gipili alang niining senaryo, ug basaha ang tibuok nga tudling.
-
Dugang sa mahinungdanon nga hugpong sa kasulatan, unsa pa ang imong nakat-onan?
Debosyonal sa Kabatan-onan
Hunahunaa nga ikaw kabahin sa usa ka komitiba sa kabatan-onan nga gi-assign sa pagpili og mga hilisgotan alang sa umaabot nga debosyonal sa kabatan-onan sa inyong stake o distrito.
-
Unsa ang tulo ka mga tudling sa doktrinal nga kahanas ang imong ipaambit?
-
Sa unsang paagi sa imong hunahuna nga kining mga tudling mahimong makatabang?
Pagpili og usa sa mga kasulatan nga imong gipili alang niining senaryo, ug basaha ang tibuok nga tudling.
-
Dugang sa mahinungdanon nga hugpong sa kasulatan, unsa pa ang imong nakat-onan?
Higala
Hunahunaa nga aduna kay usa ka higala nga nakigbisog nga mobati og kaduol sa Langitnong Amahan ug kang Jesukristo. Sila nangayo sa imong tambag.
-
Unsa ang tulo ka mga tudling sa doktrinal nga kahanas ang imong ipaambit?
-
Sa unsang paagi sa imong hunahuna nga kining mga tudling mahimong makatabang?
Pagpili og usa sa mga kasulatan nga imong gipili alang niining senaryo, ug basaha ang tibuok nga tudling.
-
Dugang sa mahinungdanon nga hugpong sa kasulatan, unsa pa ang imong nakat-onan?
Sa paghuman sa mga grupo niini nga kalihokan, mahimong pangutan-on ang klase og mga pangutana sama niini:
-
Sa unsang paagi kini nga kalihokan nakatabang ninyo sa pagsabot sa panginahanglan sa paggamit sa mga kasulatan sa inyong pagtudlo sa uban?
-
Unsa ang usa ka tudling sa doktrinal nga kahanas nga mas napasalamatan ninyo tungod niini nga kalihokan?
-
Unsay inyong nakat-onan mahitungod ni Jesukristo gikan niini nga kalihokan?
Dasiga ang mga estudyante sa pagpadayon sa pagpangita og mga kahigayonan sa paggamit sa mga tudling sa doktrinal nga kahanas sa ilang pagtudlo sa ebanghelyo ni Jesukristo ngadto sa uban.