Pagrerebyu ng Doctrinal Mastery 15

Ipamuhay ang mga Doctrinal Mastery Passage

Larawan

Various youth gather together. They appear to be in church in a Sunday School class. They have scriptures and smile. This is in Samoa.

Isa sa mga layunin ng doctrinal mastery ang tulungan kang matutuhan kung paano ipamuhay ang mga doctrinal mastery passage sa naaangkop na paraan habang itinuturo mo ang ebanghelyo ni Jesucristo sa iba. Ang lesson na ito ay magbibigay sa iyo ng mga pagkakataong magsanay na ipamuhay ang ilan sa mga doctrinal mastery passage sa iba’t ibang sitwasyon sa pagtuturo.  

Mga Posibleng Aktibidad sa Pag-aaral

Paghahanda ng estudyante: Sabihin sa mga estudyante na mag-isip ng mga karanasan nila sa paggamit ng mga banal na kasulatan upang sumagot ng mga tanong o ituro ang ebanghelyo ni Jesucristo sa iba. Hikayatin silang pumasok sa klase na handang ibahagi ang sitwasyon at ang mga banal na kasulatan na ginamit nila sa pagtuturo.

Maaaring kailanganing ituro ang isang doctrinal mastery passage lesson kapalit ng lesson sa pagrerebyu na ito. Tingnan ang iskedyul sa pagtuturo na ibinigay ng area o region director o coordinator upang matiyak na maituturo ang bawat doctrinal mastery passage lesson habang may klase sa seminary.

Naglalaman ang mga pamantayang aklat ng maraming kuwento ng mga taong ginagamit ang mga banal na kasulatan upang turuan ang iba. Kabilang sa ilang halimbawa ang pagtuturo ni Jesucristo sa dalawa sa Kanyang mga disipulo sa daan patungong Emaus ( Lucas 24:27), panghihikayat ni Nephi sa kanyang mga kapatid na kunin ang mga laminang tanso (tingnan sa 1 Nephi 4:2), at pagtatagubilin ni Moroni sa batang Joseph Smith ( Joseph Smith—Kasaysayan 1:36–41).

Sabihin sa mga estudyanteng ginawa ang aktibidad sa paghahanda ng estudyante na ibahagi ang mga karanasan nila habang sinasagot nila ang mga sumusunod na tanong.

Kailan mo ginamit o kailan ginamit ng isang taong kakilala mo ang mga banal na kasulatan upang turuan ang iba?
Sa iyong palagay, bakit mahalagang gamitin ang mga banal na kasulatan bukod pa sa sarili nating mga paliwanag kapag nagtuturo tayo sa iba?

Rebyuhin ang sumusunod na listahan ng mga doctrinal mastery reference at mahahalagang parirala ng banal na kasulatan. Mag-isip ng iba’t ibang sitwasyon na maaari mong maranasan kung saan maaari mong gamitin ang mga scripture passage na ito upang turuan ang isang tao.

Doctrinal Mastery sa Bagong Tipan: 1 Corinto–Apocalipsis

Ipakita o ipamahagi ang sumusunod na chart upang magamit ng mga estudyante ang karanasang ito sa pag-aaral. Maaaring may kopya na nito ang mga estudyante mula sa nakaraang lesson.

1 Corinto 6:19–20	“Ang inyong katawan ay templo ng Espiritu Santo.”
1 Corinto 11:11	“Sa Panginoon, kailangan ng babae ang lalaki at ang lalaki ay kailangan ng babae.”
1 Corinto 15:20–22	“Sapagkat kung paanong kay Adan ang lahat ay namamatay, gayundin kay Cristo ang lahat ay bubuhayin.”
1 Corinto 15:40–42	Sa Pagkabuhay na Mag-uli, may tatlong antas ng kaluwalhatian.
Efeso 1:10	“Bilang katiwala ng kaganapan ng panahon, upang tipunin ang lahat ng mga bagay kay Cristo.”
Efeso 2:19–20	Ang Simbahan ay “itinayo sa saligang inilagay ng mga apostol at ng mga propeta, na si Cristo Jesus ang batong panulok.”
2 Tesalonica 2:1–3	“Ang araw ng Panginoon … [ay] hindi darating malibang maunang maganap ang pagtalikod.”
2 Timoteo 3:15–17	“Ang mga banal na kasulatan … [ay] makakapagturo sa iyo tungo sa kaligtasan.”
Mga Hebreo 12:9	Ang Ama sa Langit ang “Ama ng mga espiritu.”
Santiago 1:5–6	“Kung ang sinuman sa inyo ay nagkukulang ng karunungan, humingi siya sa Diyos.”
Santiago 2:17–18	“Ang pananampalataya … kung ito ay walang mga gawa ay patay.”
1 Pedro 4:6	“Ang ebanghelyo ay ipinangaral maging sa mga patay.”
Apocalipsis 20:12	“At ang mga patay ay hinatulan ayon sa kanilang mga gawa.”

Maaari kang gumawa ng label sa isang piraso ng papel para sa bawat isa sa mga sumusunod na sitwasyon at ilagay ang mga ito sa iba’t ibang lugar sa loob ng silid-aralan. (Maaari ding anyayahan ang mga estudyante na gumawa ng sarili nilang mga sitwasyon sa tunay na buhay na pag-iisipan at tatalakayin nila sa halip na ang mga iminungkahing sitwasyong ito.)

LibingMisyonDebosyonal para sa Mga KabataanKaibigan

Hatiin sa apat na grupo ang klase, at magtalaga sa bawat grupo ng isa sa mga sitwasyong nakalista sa itaas. Ibigay sa bawat grupo ang mga angkop na tanong na nakalista sa ibaba, at anyayahan silang pag-usapan ito.

Hayaang mapag-usapan ng bawat grupo ang bawat isa sa mga sitwasyon. Sabihin sa mga estudyante na maaari silang gumamit ng iisang reperensyang banal na kasulatan sa Iba’t ibang sitwasyon.

Libing

Ipagpalagay na hiniling sa iyo na magsalita ka sa burol ng isang mahal sa buhay.

Ano ang tatlong doctrinal mastery passage na maibabahagi mo?
Sa iyong palagay, paano makatutulong ang mga doctrinal mastery passage na ito?

Pumili ng isa sa mga banal na kasulatan na pinili mo para sa sitwasyong ito, at basahin ang buong scripture passage.

Bukod pa sa mahalagang parirala ng banal na kasulatan, ano pa ang natutuhan mo?

Misyon

Ipagpalagay na nagtuturo ka at ang iyong kompanyon sa misyon sa isang taong nag-iisip kung bakit kailangan natin ng ipinanumbalik na simbahan.

Ano ang tatlong doctrinal mastery passage na maibabahagi mo?
Sa iyong palagay, paano makatutulong ang mga doctrinal mastery passage na ito?

Pumili ng isa sa mga banal na kasulatan na pinili mo para sa sitwasyong ito, at basahin ang buong scripture passage.

Bukod pa sa mahalagang parirala ng banal na kasulatan, ano pa ang natutuhan mo?

Debosyonal para sa mga Kabataan

Ipagpalagay na bahagi ka ng isang komite ng kabataan na inatasang pumili ng mga paksa para sa darating na debosyonal para sa mga kabataan sa iyong stake o distrito.

Ano ang tatlong doctrinal mastery passage na maibabahagi mo?
Sa iyong palagay, paano makatutulong ang mga doctrinal mastery passage na ito?

Pumili ng isa sa mga banal na kasulatan na pinili mo para sa sitwasyong ito, at basahin ang buong scripture passage.

Bukod pa sa mahalagang parirala ng banal na kasulatan, ano pa ang natutuhan mo?

Kaibigan

Ipagpalagay na may kaibigan kang nahihirapang mapalapit sa Ama sa Langit at kay Jesucristo. Hiningi niya ang payo mo.

Ano ang tatlong doctrinal mastery passage na maibabahagi mo?
Sa iyong palagay, paano makatutulong ang mga doctrinal mastery passage na ito?

Pumili ng isa sa mga banal na kasulatan na pinili mo para sa sitwasyong ito, at basahin ang buong scripture passage.

Bukod pa sa mahalagang parirala ng banal na kasulatan, ano pa ang natutuhan mo?

Kapag natapos na ng mga grupo ang aktibidad na ito, maaari kang magtanong sa klase ng mga tanong na tulad ng mga ito:

Paano nakatulong ang aktibidad na ito na mas maunawaan mo na kailangang gumamit ng mga banal na kasulatan habang nagtuturo ka sa iba?
Ano ang isang doctrinal mastery passage na mas pinahahalagahan mo dahil sa aktibidad na ito?
Ano ang natutuhan mo tungkol kay Jesucristo mula sa aktibidad na ito?

Hikayatin ang mga estudyante na patuloy na maghanap ng mga pagkakataong gamitin ang mga doctrinal mastery passage habang itinuturo nila ang ebanghelyo ni Jesucristo sa iba.