Pagrebyo sa Doktrinal nga Kahanas 19

Imemorya ang mga Pakisayran ug Mahinungdanong Hugpong sa mga Pulong sa Kasulatan

Ang paghinumdom sa mga tudling sa kasulatan ug sa unsa ang gitudlo kanila makatabang kanimo sa daghang mga paagi. Kini nga leksiyon gituyo aron matabangan ka nga masag-ulo ang pipila sa mga pakisayran sa kasulatan sa doktrinal nga kahanas sa Bag-ong Tugon ug sa mahinungdanong hugpong sa mga pulong sa kasulatan. 

Pagpangandam sa estudyante: Hatagi ang mga estudyante og kopya sa tsart sa pakisayran sa kasulatan ug sa mahinungdanong hugpong sa pulong sa kasulatan sa ubos, ug dapita sila sa pagsag-ulo og ingon kadaghan sa lima ka mga pakisayran sa kasulatan sa doktrinal nga kahanas ug sa mahinungdanong hugpong sa mga pulong sa kasulatan kon mahimo. Ang mga estudyante mahimo usab mogamit sa Doctrinal Mastery nga app. Isip alternatibo nga paagi, ang mga estudyante mahimong maningkamot sa pagsag-ulo sa tibuok tudling sa doktrinal nga kahanas.

Posible nga mga Kalihokan sa Pagkat-on

Ang tudling sa doktrinal nga kahanas nga leksiyon kinahanglang matudlo isip puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor sa lugar o rehiyon o koordinitor aron maseguro nga matudlo ang kada leksiyon sa tudling sa doktrinal nga kahanas samtang anaa sa sesyon ang seminary.

Imemorya ang mga mahinungdanong hugpong sa mga pulong sa kasulatan

Unsa ang pipila sa mga paagi nga gigamit sa Manluluwas ang mga kasulatan panahon sa Iyang mortal nga kinabuhi?

Dihang ang Manluluwas gitintal ni Satanas, Siya migamit sa mga kamatuoran gikan sa mga kasulatan aron matabangan Siya nga mabuntog ang kadtong mga pagtintal (tan-wa sa Mateo 4:1–11). Siya usab migamit kanunay sa kasulatan sa Iyang pagtudlo (tan-wa sa Lucas 4:17–27 ; Mateo 19:4–5 ; Mateo 24:37–40 ; Marcos 12:26). Diha sa imong pagmemorya sa mga pakisayran sa doktrinal nga kahanas ug sa mga mahinungdanong hugpong sa mga pulong sa kasulatan niini nga leksiyon, ikonsiderar kon sa unsang paagi kining mga tudling mahimong makatabang kanimo ug sa uban. Kon wala pa nimo markahi kining mga tudling sa kasulatan ug ang ilang mahinungdanong hugpong sa mga pulong diha sa imong mga kasulatan, ikonsiderar ang pagbuhat sa ingon.

Kon mahimo, hulipi ang mosunod nga mga pakisayran ug mahinungdanong mga hugpong sa pulong sa kasulatan niadtong mga tudling sa doktrinal nga kahanas nga bag-ong natun-an sa mga estudyante.

Pakisayran sa Kasulatan	Mahinungdanong Hugpong sa mga Pulong sa Kasulatan
Mga Hebreohanon 12:9	Ang Dios mao “ang Amahan sa mga espiritu.’
Santiago 1:5–6	“Kon aduna man kaninyoy nakulangan og kaalam, papangayoa siya sa Dios.”
Santiago 2:17–18	“Ang hugot nga pagtuo patay kon kini walay binuhatan.”
1 Pedro 4:6	“Ang maayong balita [gi]wali hangtud ngadto sa mga patay.”
Pinadayag 20:12	“Ug ang mga patay gipanaghukman … pinasikad sa ilang mga binuhatan.”

Diha sa imong journal sa pagtuon, kopyaha ang nag-unang tsart. Ang pagsulti sa mga pulong sa makusog samtang ikaw nagsulat niana mahimong makatabang kanimo nga mahinumdoman sila. Balika og sulti ang mga pakisayran ug ang mahinungdanong hugpong sa mga pulong sa kasulatan sa makusog human masulat sila.

Tan-awa unsa sa mosunod nga mga kapilian ang labing maayo alang sa mga estudyante.

Buhata ang bisan duha lamang sa mosunod nga mga kalihokan:

a. Paggahin og pipila ka minuto sa pagsulay pagsag-ulo sa mga pakisayran sa doktrinal nga kahanas ug sa mahinungdanong hugpong sa mga pulong sa kasulatan. Dayon taboni ang mga pakisayran sa kasulatan ug sulayi pagsulti ang mga pakisayran samtang nagtan-aw lamang sa mga mahinungdanong hugpong sa mga pulong. Dayon taboni ang mahinungdanong hugpong sa mga pulong sa kasulatan ug sulayi pagsulti sila samtang nagtan-aw lamang sa mga pakisayran sa kasulatan.

b. Paghimo kauban sa kapares, ipasulti sa kauban ang usa ka pakisayran sa kasulatan sa makusog ug ang laing pares mosulti sa tukma nga mahinungdanong hugpong nga pulong sa kasulatan. Balika kini sa makadaghang higayon alang sa matag pakisayran sa doktrinal nga kahanas ug sa mahinungdanong hugpong sa pulong, og sulayan pagsag-ulo ang mga pakisayran ug mga hugpong sa mga pulong. Dayon sulayi pagbuhat niini nga dili magtan-aw sa tsart. Dayon pagpuli-puli og mga tahas [role].

Ang nag-unang kalihokan mahimong ipahiangay nga adunay lainlaing mga grupo sa mga estudyante nga magsulay pagkompleto sa ilang pagbalikbalik sulod lamang sa gitakdang oras (pananglitan, 20 ka segundo). O ang magtutudlo mahimong maggunit sa papel sa pikas kapares ug ang tibuok klase mao ang laing pares.

c. Human maggahin og pipila ka minuto sa pagmemorya sa mga pakisayran sa doktrinal nga kahanas ug sa mahinungdanong hugpong sa mga pulong sa kasulatan, sulayi pagpuno ang mga nangawala nga pulong sa mosunod nga wala makompletong pakisayran ug mahinungdanong hugpong sa mga pulong. Mahimo usab nimong gamiton ang Doctrinal Mastery nga app aron sa pagbansay sa pagpuno sa mga blanko.

Mahimong isulat ang mosunod nga wala makompletong pakisayran ug mahinungdanong hugpong sa mga pulong sa kasulatan diha sa pisara o iandam kini sila sa mga piraso sa papel aron kompletohon sa mga grupo sa mga estudyante nga magkauban.

Mga Hebreohanon ____:9. Ang Dios__ ang _____ sa _______.
__________ 1:5–6. Kon ___ man ____ nakulangan og _______, papangayoa ___ __ Dios.
Santiago 2:___–____. Ang hugot nga pagtuo, __ ____ kini walay _____.
1 Pedro ___:6. Ang ______ [gi] ________ hangtod ngadto sa mga ____.
________________ 20:12. Ug ___ mga patay gihukman … _________ sa _____ mga binuhatan.

d. Pagpili og usa sa mga tudling sa doktrinal nga kahanas ug paningkamot sa pagsag-ulo sa tibuok bersikulo o mga bersikulo.

e. Pagsulat og ingon kadaghan sa lima ka pakisayran sa tudling sa doktrinal nga kahanas ug mahinungdanong hugpong sa mga pulong sa kasulatan kutob sa imong mahinumdoman.

Pamalandong

Pagpili og usa o duha ka mga tudling sa doktrinal nga kahanas nga imong gibuhat karong adlawa ug basaha ang tibuok tudling. Pamalandongi nganong kini nga tudling bililhon nga mahinumdoman.

Sa mga kamatuoran nga gitudlo niining lima ka mga tudling sa doktrinal nga kahanas, unsa nga kamatuoran ang labing mahinungdanon alang kanimo? Ngano man?
Sa unsang paagi nga ang pagkasayod niining mga kamatuoran makahimo nimong makatabang sa uban?
Unsa ang imong mahimo aron mas makahinumdom ug makagamit sa mga tudling sa doktrinal nga kahanas?