ការរំឭកចំណេះចំណានខាងគោលលទ្ធិទី ២២
ទន្ទេញចាំសេចក្ដីយោង និងឃ្លាបទគម្ពីរគន្លឹះ
តើអ្នកធ្លាប់ឆ្ងល់ទេថាហេតុអ្វីវាសំខាន់ក្នុងការទន្ទេញចាំបទគម្ពីរ ? ការទន្ទេញចាំបទគម្ពីរអាចជួយអ្នកឲ្យទទួលបានការបំផុសគំនិត ចងចាំព្រះអង្គសង្គ្រោះ និងបង្រៀនដំណឹងល្អដល់អ្នកដទៃ ។ គោលបំណងនៃមេរៀននេះគឺដើម្បីជួយអ្នកឲ្យទន្ទេញចាំសេចក្ដីយោងបទគម្ពីរ និងឃ្លាបទគម្ពីរគន្លឹះមួយចំនួននៃវគ្គចំណេះចំណានខាងគោលលទ្ធិនៅក្នុងព្រះគម្ពីរសញ្ញាថ្មី ។
ការបង្កើតបរិយាកាសរៀនសូត្រដែលមានសុវត្ថិភាពនៃការទទួលយក និងមានការគោរព ។ នៅពេលសិស្សទាំងឡាយដឹងថា ពួកគេត្រូវបានស្រឡាញ់ និងទទួលយកដោយគ្រូ និងមិត្តរួមថ្នាក់របស់ពួកគេ នោះពួកគេទំនងជានឹងមកកាន់ថ្នាក់រៀនដោយបានត្រៀមខ្លួនជាស្រេចដើម្បីរៀន និងរួមចំណែកដល់បទពិសោធន៍រៀនសូត្រ ។ សូមរកមើលវិធីដើម្បីជួយសិស្សឲ្យទទួលអារម្មណ៍ថា គេស្រឡាញ់ និងជួយពួកគេឲ្យបង្ហាញសេចក្ដីស្រឡាញ់យ៉ាងសមរម្យចំពោះគ្នាទៅវិញទៅមក ។
ការរៀបចំរបស់សិស្ស ៖ សូមអញ្ជើញសិស្សឲ្យនិយាយជាមួយសមាជិកគ្រួសារ ឬមិត្តភក្តិ អំពីរបៀបដែលការទន្ទេញចាំបទគម្ពីរបានបំផុសគំនិតសមាជិកគ្រួសារ ឬមិត្តភក្តិនោះ ឬជួយពួកគេឲ្យចូលមកកាន់តែជិតព្រះអង្គសង្គ្រោះ ។
សកម្មភាពរៀនសូត្រដែលអាចមាន
ហេតុអ្វីត្រូវទន្ទេញចាំបទគម្ពីរ ?
មេរៀនវគ្គចំណេះចំណានខាងគោលលទ្ធិអាចបង្រៀនជំនួសឲ្យមេរៀនរំឭកឡើងវិញនេះបាន ។ សូមមើលកាលវិភាគល្បឿនមេរៀនដែលផ្តល់ដោយនាយកតំបន់ ឬនាយកភូមិភាគ ឬអ្នកសម្របសម្រួល ដើម្បីធានាថា មេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀនអំឡុងវគ្គសិក្សារបស់ថ្នាក់សិក្ខាសាលា ។
សូមស្រមៃថា អ្នកកំពុងចូលរួមក្នុងការស្ទង់មតិសម្រាប់ទស្សនាវដ្តី ដើម្បីកម្លាំងនៃយុវជន ។ តើអ្នកនឹងឆ្លើយបែបណាប្រសិនបើអ្នកត្រូវបានសួរសំណួរដូចខាងក្រោម ?
-
តើអ្វីទៅជាមូលហេតុដ៏ធំបំផុតទាំងប្រាំសម្រាប់ការទន្ទេញចាំបទគម្ពីរ ?
សិស្សអាចគិតអំពីអ្វីដែលពួកគេបានរៀនអំឡុងសកម្មភាពរៀបចំរបស់សិស្ស នៅពេលពួកគេឆ្លើយសំណួរ ។
មានហេតុផលល្អៗជាច្រើនដើម្បីទន្ទេញចាំបទគម្ពីរ ។ បទគម្ពីរដែលបានទន្ទេញចាំអាចដូចជាមិត្តភក្តិដែលអាចផ្តល់ការបំផុសគំនិត ការលួងលោម និងការលើកទឹកចិត្តដល់យើងក្នុងគ្រាមានតម្រូវការ ( សូមមើល រីឆាដ ជី ស្កត « The Power of Scripture » Ensign ឬ Liahona ខែ វិច្ឆិកា ឆ្នាំ ២០១១ ទំព័រ ៦ ) ការទន្ទេញចាំបទគម្ពីរអាចជួយយើង « មើលមកឯ [ ព្រះអង្គសង្គ្រោះ ] ដោយនូវគ្រប់ទាំងគំនិត » ( គោលលទ្ធិ និងសេចក្ដីសញ្ញា ៦:៣៦ ) ។ ការទន្ទេញចាំបទគម្ពីរអាចជួយយើង « ឲ្យបានព្រះបន្ទូល [ របស់ព្រះ ] » ដូច្នេះយើងអាចបង្រៀនអ្នកដទៃ ( គោលលទ្ធិ និងសេចក្តីសញ្ញា ១១:២១ ) ។
-
តើការទន្ទេញចាំបទគម្ពីរអាចជះឥទ្ធិពលដល់ទំនាក់ទំនងរបស់អ្នកជាមួយព្រះយេស៊ូវគ្រីស្ទយ៉ាងដូចម្ដេច ?
ទន្ទេញនូវវគ្គបទគម្ពីរទាំងឡាយ
សូមចំណាយពេលពីរបីនាទីដើម្បីទន្ទេញ ឬរំឭកឡើងវិញនូវសេចក្តីយោងបទគម្ពីរ និងឃ្លាបទគម្ពីរគន្លឹះនៃវគ្គបទគម្ពីរចំណេះចំណានខាងគោលលទ្ធិនៃព្រះគម្ពីរសញ្ញាថ្មីដូចតទៅនេះ ។ នៅពេលអ្នកមានទំនុកចិត្តថា អ្នកចេះពីសេចក្ដីយោង និងឃ្លាបទគម្ពីរគន្លឹះទាំងនេះ សូមជ្រើសរើសសកម្មភាពមួយ ឬច្រើនខាងក្រោមដើម្បីសាកល្បងការចងចាំរបស់អ្នក ។
សូមដាក់បង្ហាញតារាងខាងក្រោម ឬផ្ដល់វាឲ្យសិស្សជាសំណៅចែក ។
ចំណេះចំណានខាងគោលលទ្ធិនៃព្រះគម្ពីរសញ្ញាថ្មី ៖ កូរិនថូស ទី១–វិវរណៈ
|
« រូបកាយអ្នករាល់គ្នាជាវិហារនៃព្រះវិញ្ញាណបរិសុទ្ធ » ។ | |
|
« ក្នុងព្រះអម្ចាស់ នោះបុរសមិនមែនជាឥតពឹងអាស្រ័យដល់ស្ត្រីឡើយ ហើយស្ត្រីក៏មិនមែនជាឥតពឹងអាស្រ័យដល់បុរសដែរ » ។ | |
|
« ព្រោះដូចជាគ្រប់មនុស្សទាំងអស់បានត្រូវស្លាប់ក្នុងលោកអ័ដាមជាយ៉ាងណា នោះគ្រប់គ្នាក៏នឹងបានប្រោសឲ្យរស់ក្នុងព្រះគ្រីស្ទយ៉ាងនោះដែរ » ។ | |
|
នៅក្នុងដំណើររស់ឡើងវិញ នោះមាននគរនៃសិរីល្អចំនួនបី ។ | |
|
« សម្រាប់ការកាន់កាប់ត្រួតត្រា ក្នុងកាលដែលពេលពេញកំណត់បានមកដល់ ដើម្បីនឹងបំព្រួមគ្រប់ទាំងអស់ក្នុងព្រះគ្រីស្ទ » ។ | |
|
សាសនាចក្រត្រូវបាន « ស្អាងឡើងលើជើងជញ្ជាំងនៃពួកសាវក និងពួកហោរា ហើយព្រះយេស៊ូវគ្រីស្ទនោះឯង ទ្រង់ជាថ្មជ្រុងយ៉ាងឯក » ។ | |
|
« ថ្ងៃនៃព្រះអម្ចាស់ … មិនមកឡើយ ទាល់តែមានសេចក្ដីក្បត់សាសនាមកជាមុនសិន » ។ | |
|
« បទគម្ពីរទាំងប៉ុន្មាន … អាចនឹងនាំឲ្យអ្នកមានប្រាជ្ញាដល់ទីសង្គ្រោះ » ។ | |
|
ព្រះវរបិតាសួគ៌គឺជា « ព្រះវរបិតាខាងវិញ្ញាណ » ។ | |
|
« តែបើអ្នករាល់គ្នាណាមួយខ្វះប្រាជ្ញា មានតែសូមដល់ព្រះ » ។ | |
|
« សេចក្ដីជំនឿ បើគ្មានការប្រព្រឹត្តតាមទេ នោះក៏ស្លាប់ » ។ | |
|
« ដំណឹងល្អ [ ត្រូវបាន ] ផ្សាយទៅមនុស្សដែលស្លាប់ហើយ » ។ | |
|
« រួចមនុស្សស្លាប់ទាំងអស់ត្រូវជំនុំជម្រះ … តាមអំពើដែលគេបានប្រព្រឹត្តរៀងខ្លួន » ។ |
ជម្រើសទី ១ ៖ គូររូបភាព
សូមអញ្ជើញសិស្សម្នាក់ឲ្យជ្រើសរើសវគ្គបទគម្ពីរចំណេះចំណានខាងគោលលទ្ធិដោយមិនប្រាប់សិស្សផ្សេងទៀតថា វគ្គបទគម្ពីរនោះឈ្មោះអ្វីទេ ។ បន្ទាប់មក សិស្សនឹងគូសតម្រុយ ( ដោយមិនប្រើលេខ ឬអក្សរ ) រហូតដល់សិស្សម្នាក់ទៀតរកឃើញសេចក្ដីយោងបទគម្ពីរ និងឃ្លាគន្លឹះត្រឹមត្រូវ ។ សិស្សអាចធ្វើការងារនេះជាគូ ជាក្រុមតូចៗ ឬជាថ្នាក់ ។ បន្ទាប់ពីធ្វើលំហាត់រួចហើយ សិស្សអាចពិភាក្សាសំណួរខាងក្រោមជាថ្នាក់ ឬជាក្រុមតូចៗ ។
-
តើអ្នកគិតថា បទគម្ពីរមួយដែលបានទន្ទេញចាំអាចប្រៀបដូចជាមិត្តម្នាក់ដែលអាចផ្តល់ការបំផុសគំនិត ការលួងលោម និងការលើកទឹកចិត្តដល់អ្នកក្នុងគ្រាមានតម្រូវការយ៉ាងដូចម្ដេច ?
ជម្រើសទី ២ ៖ សូមសរសេរ
សូមបែងចែកសិស្សទាំងឡាយជាក្រុមតូចៗ ។ សូមចែកក្រដាសមួយសន្លឹកដល់ក្រុមនីមួយៗ ។ សូមអញ្ជើញសមាជិកនៃក្រុមឲ្យជ្រើសរើសវគ្គបទគម្ពីរចំណេះចំណានខាងគោលលទ្ធិ ។ បន្ទាប់មក ពួកគេអាចប្តូរវេនគ្នាសរសេរពាក្យនៃសេចក្តីយោងបទគម្ពីរ និងឃ្លាបទគម្ពីរគន្លឹះនៃវគ្គបទគម្ពីរម្ដងមួយពាក្យៗ ។ បន្ទាប់ពីសមាជិកក្រុមសរសេរពាក្យមួយហើយ ពួកគេក៏ហុចក្រដាសនោះទៅសមាជិកក្រុមបន្ទាប់ដែលសរសេរពាក្យបន្ទាប់រហូតដល់ក្រុមបានសរសេរពាក្យនៃសេចក្ដីយោង និងឃ្លាបទគម្ពីរទាំងមូលបានត្រឹមត្រូវ ។ ក្រុមនានាអាចធ្វើសកម្មភាពនេះឡើងវិញ និងដាក់ម៉ោងកំណត់ឲ្យខ្លួនគេដើម្បីមើលថា តើពួកគេធ្វើបានប្រសើរខ្លាំងប៉ុណ្ណា ។ បន្ទាប់ពីធ្វើលំហាត់រួចហើយ សិស្សអាចពិភាក្សាសំណួរខាងក្រោមជាថ្នាក់ ឬជាក្រុមតូចៗ ។
-
តើអ្នកគិតថា ការទន្ទេញចាំបទគម្ពីរអាចជួយអ្នក « មើលមកឯ [ ព្រះអង្គសង្គ្រោះ ] ដោយនូវគ្រប់ទាំងគំនិត » យ៉ាងដូចម្ដេច ? ( គោលលទ្ធិ និងសេចក្ដីសញ្ញា ៦:៣៦ ) ។
ជម្រើសទី ៣ ៖ សូមដាក់ឈ្មោះឲ្យសេចក្ដីយោងបទគម្ពីរ
សូមបែងចែកសិស្សក្នុងថ្នាក់ទៅជាគូៗ ឬក្រុមតូចៗ ។ សូមអញ្ជើញសិស្សម្នាក់ឲ្យចែកចាយចំនួនពាក្យមកពីឃ្លាបទគម្ពីរគន្លឹះមួយ ដែលពួកគេគិតថា ពួកគេនឹងត្រូវការដើម្បីទាយសេចក្ដីយោងបទគម្ពីរ ។ បន្ទាប់មក សិស្សម្នាក់ទៀតជ្រើសរើសឃ្លាបទគម្ពីរគន្លឹះ ហើយអានឮៗនូវចំនួនពាក្យនោះពីឃ្លាបទគម្ពីរគន្លឹះ ។ បន្ទាប់មក សិស្សទីមួយព្យាយាមរកឈ្មោះសេចក្ដីយោងបទគម្ពីរនោះ ។ សិស្សអាចធ្វើលំហាត់នេះទៀតច្រើនដងតាមដែលពួកគេចូលចិត្ត ហើយផ្លាស់ប្តូរចំនួនពាក្យដែលត្រូវអានចេញពីឃ្លាបទគម្ពីរគន្លឹះ ។ បន្ទាប់ពីធ្វើលំហាត់រួចហើយ សិស្សអាចពិភាក្សាសំណួរខាងក្រោមជាថ្នាក់ ឬជាក្រុមតូចៗ ។
-
តើអ្នកគិតថា ការទន្ទេញបទគម្ពីរអាចជួយអ្នកឲ្យត្រៀមខ្លួនដើម្បីចែកចាយដំណឹងល្អជាមួយអ្នកដទៃយ៉ាងដូចម្ដេច ?
សូមសញ្ជឹងគិតពីបទពិសោធន៍របស់អ្នក ។
-
តើលំហាត់អ្វីខ្លះដែលអ្នកបានប្រើដើម្បីជួយអ្នកឲ្យទន្ទេញចាំសេចក្ដីយោងបទគម្ពីរ និងឃ្លាបទគម្ពីរគន្លឹះនានា ?
-
តើអ្នកកំពុងទន្ទេញសេចក្ដីយោង និងឃ្លាបទគម្ពីរគន្លឹះសម្រាប់វគ្គបទគម្ពីរចំណេះចំណានខាងគោលលទ្ធិព្រះគម្ពីរសញ្ញាថ្មីបានចាំល្អប៉ុណ្ណាហើយ ? តើអ្នកមានគម្រោងអ្វីខ្លះក្នុងការទន្ទេញចាំអ្វីដែលអ្នកកំពុងតែទន្ទេញនេះ ?
-
តើអ្នកគិតថា ការទន្ទេញចាំព្រះគម្ពីរអាចផ្តល់ពរជ័យដល់ជីវិតអ្នកដោយរបៀបណា ?