Ngaahi ʻEkitivitī Fakamanatu ʻo e Fakataukei Fakatokāteliné 5

Ako Maʻuloto ‘a e Ngaahi Potufolofola ʻo e Fakataukei Fakatokāteliné mo e Ngaahi Kupuʻi Lea Mahuʻingá

Young single adult reading her scriptures deep in thought

ʻE lava ke tāpuekina koe ʻi ha ngaahi founga lahi ʻi hono manatuʻi ʻo e ngaahi potufolofolá mo e meʻa ʻoku nau akoʻí. ʻE tokoniʻi koe ʻe he lēsoni ko ʻení ke ke ako maʻuloto ʻa e ngaahi fakamoʻoni fakafolofolá mo e ngaahi kupuʻi lea fakatokāteline mahuʻinga ki he ngaahi potufolofola fakataukei fakatokāteliné.

Teuteu ʻa e tokotaha akó: Fakaafeʻi e kau akó ke nau fakakaukau pe ko e fē ngaahi potufolofola fakataukei fakatokāteline kuo nau maʻu ai ha ʻamanaki lelei ʻia Kalaisí.

Ngaahi ʻEkitivitī Ako ʻOku Ala Fakahokó

Mahalo ʻe fiemaʻu ke akoʻi ha lēsoni fakataukei fakatokāteline ʻo fetongi ʻaki e lēsoni fakamanatu ko ʻení. Vakai ki he taimitēpile ki he vave hono akoʻí ʻa ia ʻoku ʻomi ʻe he talēkita fakaʻēliá pe vahefonuá pe kouʻotineitá ke fakapapauʻi ʻe akoʻi e lēsoni fakataukei fakatokāteline takitaha lolotonga e fakataha ʻa e seminelí.

‘Amanaki Lelei ‘ia Sīsū Kalaisi

Ko e ʻamanaki leleí “ko e ʻamanaki falala ia mo e fakaʻānaua ki he ngaahi tāpuaki kuo talaʻofa mai ʻo e māʻoniʻoní,” kau ai ʻa e “moʻui taʻengatá ʻi he tui kia Sīsū Kalaisí” (Fakahinohino ki he Ngaahi Folofolá, “ ʻAmanaki Leleí,” folofolá. ChurchofJesusChrist.org).

Hiki ʻi hoʻo tohinoa akó ʻa e ʻuhinga te ke fiemaʻu pe fiemaʻu ai ke ke ongoʻi ha ʻamanaki lelei lahiangé.

Naʻe akoʻi ʻe he ʻAposetolo ko Paulá, “ʻE lava ke tau maʻu ʻa e ʻamanaki leleí ʻi he faʻa kātaki mo e fakafiemālie ʻa e ngaahi folofolá” ( Loma 15:4).

Fakaafeʻi e kau akó ke nau vahevahe ha ngaahi fakakaukau mei heʻenau ʻekitivitī teuteu ʻa e tokotaha akó lolotonga e konga ko ʻeni ʻo e lēsoní.

• Ko e fē ngaahi akonaki pe moʻoni fekauʻaki mo Sīsū Kalaisi ʻokú ne ʻoatu ha ʻamanaki lelei kuó ke ako meí he ngaahi potufolofola fakataukei fakatokāteliné? ʻOku ne ʻoatu fēfē ‘a e ʻamanaki leleí kiate koe?

• ʻE tokoniʻi fēfē koe ʻe hono ako maʻuloto ʻo e ngaahi potufolofola fakataukei fakatokāteliné mo ʻenau ngaahi moʻoni mahuʻingá ke ke maʻu ha ʻamanaki lelei lahiange meí he Fakamoʻuí?

Te ke maʻu ha faingamālie ʻi he lēsoni ko ʻení ke ako maʻuloto ʻa e ngaahi fakamoʻoni fakafolofolá mo e ngaahi kupuʻi lea mahuʻinga ʻoku ʻi he saati ʻi laló. ʻI hoʻo fai ʻení, fakapapauʻi pe ko e fē ʻi he ngaahi potufolofola ko ʻení mo e ngaahi kupuʻi lea mahuʻinga ʻokú ne ʻomi kiate koe ʻa e ʻamanaki lelei mo e ʻuhinga lahi tahá.Fakakaukau ke fakaʻilongaʻi ʻa e ngaahi potufolofola ko ʻení fakataha mo ʻenau ngaahi kupuʻi lea mahuʻingá kapau ʻoku teʻeki ke ke fai ia.

Fakaʻaongaʻi ha fakakaukau lelei ʻi hono fakapapauʻi pe ko e ngaahi potufolofola fakataukei fakatokāteline ʻe fiha ke ako maʻuloto ʻe he kau akó ʻi he lēsoni ko ʻení. Fakakaukau ke fakalotolahi e kau akó ke nau ʻahiʻahiʻi ha ngaahi founga ako maʻuloto lahi. ʻOku ʻoatu ʻi lalo ha founga ʻe taha ke ako maʻuloto ai.

Fakaʻaliʻali ʻa e saati ko ʻení lolotonga hono hiki ʻe he kau akó ʻa e ngaahi fakamoʻoni fakafolofolá mo e ngaahi kupuʻi lea mahuʻingá ʻi heʻenau laʻipepá, kae toʻo ʻa e sātí kimuʻa pea kamata ʻa e ʻekitivitī ako maʻulotó.

Fakakaukau ke vahevahe ʻa e kau akó ke nau tauhoa pe fakakulupu iiki ke fakakakato ʻa e ʻekitivitī ko ʻení.

Doctrinal Master - Matthew - John

Fakamoʻoni Fakafolofolá	Kupuʻi Lea Folofola Mahuʻingá
Luke 2:10–12	“ʻI he ʻaho ní kuo ʻaloʻi kiate kimoutolu he kolo ʻo Tēvitá, ha Fakamoʻui ko Kalaisi ko e ʻEikí.”
Sione 3:5	“Kapau ʻe ʻikai fanauʻi ʻa e tangatá ʻi he vaí pea mo e Laumālié, ʻe ʻikai ʻaupito faʻa hū ia ki he puleʻanga ʻo e ʻOtuá.”
Sione 3:16	“He naʻe ʻofa pehē ʻa e ʻOtuá ki māmani naʻá ne foaki hono ʻAlo tofu pē ʻe taha naʻe fakatupú.”
Mātiu 5:14–16	“Tuku ke ulo pehē hoʻomou māmá ʻi he ʻao ʻo e kakaí.”
Mātiu 11:28–30	“Haʻu kiate au ʻa kimoutolu kotoa pē ʻoku feinga mo mafasia, pea te u foaki ʻa e fiemālié kiate kimoutolu.”
Mātiu 16:15–19	Naʻe folofola ʻa Sīsū, “Te u ʻatu kiate koe ʻa e kī ʻo e puleʻangá.”
Sione 7:17	“Pea ko ia ia ʻe fai ki hono finangaló, te ne ʻilo ʻa e akonakí.”
Mātiu 22:36–39	“Ke ke ʻofa ki he ʻEiki ko ho ʻOtuá. … Ke ke ʻofa ki ho kaungāʻapí.”
Luke 22:19–20	Naʻe fekau ʻe Sīsū Kalaisi, ke maʻu ʻa e sākalamēnitī “ko e fakamanatu kiate au.”
Sione 17:3	“Pea ko ʻeni ʻa e moʻui taʻengatá, ko ʻenau ʻilo koe ko e ʻOtua moʻoni pē taha, mo Sīsū Kalaisi.”
Luke 24:36–39	“He ʻoku ʻikai kakano mo hui ha laumālie, ʻo hangē ko ia ʻoku mou ʻiló ni ʻiate aú.”

Veteki pea fakatauhoa

Toʻo ha laʻipepa pea kosi ia ki ha laʻipepa tatau ʻe fā. Fili ha potufolofola ʻe fā pe lahiange meí he sātí. Hiki ha potufolofola ʻe taha mo e kupuʻi lea mahuʻinga ʻoku fekauʻaki mo iá ʻi he laʻipepa takitaha.

Hokó, kosi ʻa e ngaahi kupuʻi lea mahuʻingá mei heʻenau ngaahi fakamoʻoni fakafolofolá ʻo hangē ko ia ʻi he sīpinga ko ʻení (ʻoku fakahaaʻi ʻe he “/” ʻa e feituʻu ke tuʻusi aí).

Sione 7:17 / “Pea ko ia ia ʻe fai ki hono finangaló, te ne ʻilo ʻa e akonakí.”

Hili hono fai ʻení ki ha ngaahi fakamoʻoni fakafolofola ʻe fā pe lahiange mo e ngaahi kupuʻi lea mahuʻingá, fokotuʻu ʻa e ngaahi laʻi pepá ʻi ha fokotuʻunga, pea tuifio kinautolu.

Feinga leva he taimí ni ke fakatauhoa ʻa e fakamoʻoni fakafolofola takitaha mo hono kupuʻi lea mahuʻinga totonú taʻe te ke fakaʻaongaʻi ha faʻahinga tokoni. Fakakaukau ke fakahoko tuʻo ua ki he tolu ʻeni. Mahalo te ke fiemaʻu ha taimi ke ke sio ai ki he founga te ke lava ai ʻo fakaleleiʻi hoʻo oma ʻi he taimi kotoa pē ʻokú ke fai ai ʻení.

Fakatupulaki he taimí ni ʻa e faingataʻa ʻo e ʻekitivitī ko ʻení ʻaki hono kosi ʻa e ngaahi kupuʻi leá ʻo hangē ko ia ʻoku fakahoko ʻi he ngaahi sīpinga ko ʻení (ʻoku fakahaaʻi ʻe he “/” ʻa e feituʻu ke tuʻusi aí).

Mātiu 22:36–39 / “Ke ke ʻofa / ko e ʻEiki ko ho ʻOtuá. … / Ke ke ʻofa ʻi ho kaungāʻapí.”

Mātiu / 22: / 36 / –39 / “Thou / shalt / love / the / Lord / thy / God. … / Te ke / ʻofa / ko ho/kaungāʻapi.”

Tuifio ʻa e ngaahi foʻi leá mo e fiká, pea feinga leva ke fokotuʻutuʻu totonu kinautolu. Te ke lava ʻo fili ke tuifio fakataha ʻa e ngaahi foʻi lea mo e mataʻifika kotoa pē meí he ngaahi fakamoʻoni fakafolofolá ʻi he taimi pē ʻe taha pe ngāueʻi tahataha ʻa e ngaahi fakamoʻoni fakafolofolá. Fakakaukau ke fakahoko tuʻo ua ki he tolu ʻeni. Mahalo te ke fiemaʻu ha taimi ke vakaiʻi pe te ke lava ʻo fakaleleiʻi hoʻo vavé ʻi he taimi kotoa pē te ke fai ai ʻení.

Hili ha taimi feʻunga, fakaafeʻi e kau akó ke nau fakakaukau ki he ngaahi fehuʻi meí he kamataʻanga ʻo e kalasí pea mo ʻenau fiemaʻu pe holi ki ha ʻamanaki leleí. Fakaafeʻi kinautolu ke nau sio ki he ngaahi fakamoʻoni fakafolofola takitaha mo e ngaahi kupuʻi lea mahuʻinga ʻoku fekauʻaki mo iá, pea ʻoange ha taimi ke nau tali ai ʻa e ngaahi fehuʻi ko ʻení ʻi heʻenau tohinoa akó kimuʻa pea nau vahevahe ʻenau ngaahi fakakaukaú mo hanau hoa, kiʻi kulupu tokosiʻi, pe ko e kalasí.

• Ko e hā e ngaahi fakamoʻoni fakafolofola ʻe fā ʻo e fakataukei fakatokāteliné mo e ngaahi kupuʻi lea mahuʻinga naʻá ke ako maʻulotó?

• Ko fē ʻi he ngaahi tāpuaki ko ʻení ʻoku mahuʻingamālie kiate koe he taimí ni ʻi hoʻo moʻuí?

• Ko e fē ʻi he ngaahi potufolofola ko ʻení ʻokú ne ʻomi kiate koe ʻa e ʻamanaki lelei taha kia Sīsū Kalaisí? Ko e hā hono ʻuhingá?