Төгс эзэмших сургаалын оршил
Төгс эзэмших сургаалын зорилго
Энэ хичээл танд төгс эзэмших сургаалын талаар мөн энэ нь таны амьдралыг хэрхэн адисалж, Есүс Христ дээр сүнслэг сууриа тавихад тань туслах талаар танилцуулах болно.
Урам зориг төрүүлсэн бөгөөд цаг үеэ олсон. Арван хоёр Төлөөлөгчийн Чуулгын ерөнхийлөгч М.Рассэлл Баллард институт, семинарын багш нарт хандан дараах мэдэгдлийг гаргажээ. “[Төгс эзэмших сургаал] бол урам зориг төрүүлсэн бөгөөд цаг үеэ олсон зүйл. Энэ нь манай залуу үеийнхэнд гайхалтай нөлөөлнө. Гэвч төгс эзэмших сургаалыг … амжилттай судлах эсэх нь таны гаргаж буй хүчин чармайлтаас шалтгаална” (М.Рассэлл Баллард, “21-р зуун дахь СБС-ийн багш нарын боломж ба үүрэг хариуцлага” [Ерөнхий эрх мэдэлтэнтэй хамт нэгэн үдэш, 2016 оны 2-р сарын 26], broadcasts.ChurchofJesusChrist.org).
Суралцагчийн бэлтгэл: Өөрсдөд нь сонирхолтой санагдсан, хувийн хэрэгцээнд нь тус болж чадах эсвэл асуултад нь хариулж чадахуйц нэг хэсгийг төгс эзэмших сургаалаас сонгоход суралцагчдыг урь. Хэсгүүдийн жагсаалтыг төгс эзэмших сургаалын аппликэйшнд эсвэл Төгс эзэмших сургаалыг судлах үндсэн материалын төгсгөл хэсгийн ойролцоо байрлуулсан.
Боломжит суралцах үйл ажиллагаа
Есүс Христ дээр сууриа тавих
Арван хоёр Төлөөлөгчийн Чуулгын ахлагч Нийл Л.Андэрсэн сүнслэг салхи шуурганы талаар ийн сануулжээ.
ЗурагOfficial portrait of Elder Neil L. Andersen of the Quorum of the Twelve Apostles, 2010, August.Бошиглож хэлсэн газар хөдлөлт, дайн тулаануудаас [хожмын үед] илүү санаа зовоож буй зүйл бол сүнслэг сууринаас тань та нарыг суга татан гаргаж чадах, заримдаа бүр хөдөлгөгдөж байгаагаа ч бараг анзаараагүй байхад чинь та нарын өмнө нь боломжтой гэж хэзээ ч төсөөлж байгаагүй газруудад сүнсийг тань газардуулж чадах тэрхүү сүнслэг салхи шуурга юм.
(Нийл Л.Андэрсэн, “Сүнслэг шуурганууд,” Ensign эсвэл 2014 оны 4-р сарын Ерөнхий чуулган, 32)
-
Биднийг сүнслэг сууринаас маань суга татан гаргаж чадах сүнслэг салхи шуурга гэж юу вэ?
Таны өмнө тулгарч буй сүнслэг салхи шуурганы тухай бодоорой. Та Хиламан 5:12-ыг уншаад, энэхүү салхи шуургыг сөрөн зогсох арга замыг хай.
-
Та салхи шуургыг сөрөн зогсоход тус болох юуг ажигласан бэ?
-
Есүс Христ дээр сууриа тавина гэдэг юу гэсэн утгатай гэж та бодож байна вэ?
-
Есүс Христ дээр хүчирхэг сууриа тавьснаар та хувь хүний хувьд ямар арга замаар ашиг тус хүртэх вэ?
Дараах мэдэгдлүүд суралцагчдад сүнслэг суурийн талаар бодож байгаа зүйлээ илэрхийлэхэд туслах зорилготой. Тэдгээр нь мөн төгс эзэмших сургаалын бусад тус болох талыг олж харахад суралцагчдад туслах болно. Мэдэгдлүүдийг самбарт харуулах эсвэл бичих талаар бодож үз.
Миний сүнслэг суурь
Сүнслэг суурийнхаа талаар бодож, дараах мэдэгдлүүдэд “Зөвшөөрч байна,” “Зарим талаар зөвшөөрч байна,” “Зарим талаар зөвшөөрөхгүй байна” эсвэл “Зөвшөөрөхгүй байна” гэсэн үнэлгээгээр өөрийгөө үнэлнэ үү.
-
Би Есүс Христэд болон Түүний сайн мэдээн дээр сүнслэг сууриа тавьж байна.
-
Би Есүс Христ, Түүний сургаалын талаарх мэдлэгээ дээшлүүлж байгаа.
-
Надад Есүс Христийн сургаалыг тайлбарлахын тулд судруудыг ашиглахад хялбар байдаг.
-
Би өөрт эсвэл бусдад байгаа сайн мэдээний тухай асуултуудад хариулт олж чадна.
Төгс эзэмших сургаал
Семинар нь танд Есүс Христийн сургаалыг судалж, Түүн дээр ирж, шавь нь болж мөн Түүн дээр сууриа тавихад туслах болно (3 Нифай 11:39-ийг үзнэ үү). Есүс Христ дээр сууриа тавихад тань шашны семинар ямар арга замаар тусалж чадахыг хайж үзээд, Төгс эзэмших сургаалыг судлах үндсэн материал (2022)-ын “Төгс эзэмших сургаалын оршил” бүлгийн эхний хоёр догол мөрийг унш.
-
Та нар юу олж мэдсэн бэ?
Төгс эзэмших сургаалд Есүс Христ дээр сууриа тавихад тань туслах хоёр үндсэн үр дүн бий. Төгс эзэмших сургаалын хоёр үр дүнгийн талаар Төгс эзэмших сургаалыг судлах үндсэн материалын “Төгс эзэмших сургаалын оршил” бүлгээс уншаарай.
Семинар орох долоо хоног бүр та төгс эзэмших сургаал дээр ажиллах болно. Эдгээр хичээлийн ихэнхэд та төгс эзэмших сургаалын судрын хэсгүүд гэгддэг Шинэ Гэрээний 24 судрын хэсгээс нэгийг судлах болно. Дараах бүдүүвчид таны төгс эзэмших сургаалын хичээлээр хийх зүйлсийг харуулав.
Бүдүүвчийг харуулах эсвэл самбар дээр зурах талаар бодож үз. Энэхүү бүдүүвч нь төгс эзэмших сургаалын хичээлүүдийн зохион байгуулалтыг харуулж байна.
Сургаалыг ойлгож мэдэх ба тайлбарлах
Суралцагч бүрийн сүнслэг байдлын түвшинд мэдрэмжтэй ханд. Та суралцагчдын хэрэгцээ шаардлагын дагуу хичээлийг тохируулан өөрчлөхдөө Ариун Сүнсний зааварчилгааг авахын тулд залбирна уу.
Есүс Христийн сургаалыг тайлбарлахын тулд судруудыг ашиглахад хэр хялбар байдаг талаар та хичээлийн эхэнд өөрийгөө үнэлсэн. Өөрийгөө хэрхэн үнэлснээс үл хамааран, төгс эзэмших сургаал нь Аврагчийн тухай болон Түүний сургаалын талаарх таны мэдлэгийг нэмэгдүүлэх болно. Судруудыг ашиглан Түүний сургаалыг тайлбарлах таны чадвар сайжирна.
Шинэ Гэрээний төгс эзэмших сургаалын судрын хэсгүүдийн жагсаалт болон судрын гол хэллэгүүдийг хараарай. Та энэ жагсаалтыг Төгс эзэмших сургаалыг судлах үндсэн материалын төгсгөл хавьд олох боломжтой. Танд сонирхолтой санагдсан, хувийн хэрэгцээнд тань тус болж чадах эсвэл танд байгаа асуултад хариулахад тусалж чадах хэсгүүдээс нэгийг сонго.
Дараах асуултуудын талаар дэргэдэх суралцагчтайгаа ярилцах нь суралцагчдад тустай байж болох юм.
-
Та судрын ямар хэсгийг сонгосон бэ?
-
Энэ хэсэг Есүс Христийн тухай эсвэл Түүний сургаалын талаар танд юу заадаг вэ?
-
Энэхүү хэсгийн сургаалыг хэрхэн тайлбарлахыг мэдэж байх нь таны амьдралыг ямар арга замаар адислах вэ?
Сүнслэг мэдлэг олж авах
Суралцагчид сүнслэг мэдлэг олж авах зарчмуудын талаарх туршлагыг олон янзын аргаар олж авсан байдаг. Хичээлийн энэхүү хэсгийг суралцагчдын хэрэгцээ, чадварт тулгуурлан өөрчил. Сүнслэг мэдлэг олж авах гурван зарчим тус бүрд зориулсан тусдаа хичээл дараагийн хичээлийн төлөвлөгөөнд байгаа. Хэрэв суралцагчдын ихэнх нь сүнслэг мэдлэг олж авах зарчмуудыг ашиглах туршлага багатай эсвэл огт туршлагагүй бол төгс эзэмших сургаалын судрын хэсгүүдийн хичээлийг анх удаа заахын өмнө “Сүнслэг мэдлэг олж авах” 1, 2, 3-р хичээлүүдийг заах талаар бодож үз.
Төгс эзэмших сургаалын хичээлүүдээр та хувийн болон нийгмийн мөн түүнчлэн сургаал, дадлага эсвэл Сүмийн түүхийн талаарх асуултуудад хариулахад тань туслах сүнслэг мэдлэг олж авах зарчмуудыг хэрхэн ашиглах талаар дадлага хийх болон тэдгээрийн талаар илүү ихийг судлах боломжтой болно. Эдгээр зарчмын талаар судалж, ашиглах нь танд Аврагч дээр сууриа тавьж, асуултуудтай тулгарсан үедээ Түүнд хандахад тусална. Таны семинарын үеэр ашиглаж дадлагажих, сүнслэг мэдлэг олж авах гурван зарчим бол:
-
Итгэлээр үйлдэх;
-
Утга санаа, асуултыг мөнхийн талаас нь шинжлэн судлах;
-
Тэнгэрээс томилогдсон эх сурвалжаар дамжуулан илүү гүн ойлголттой болохыг эрэлхийлэх явдал юм.
Хэрэв эдгээр зарчим танд танил биш бол та Төгс эзэмших сургаалыг судлах үндсэн материалын “Сүнслэг мэдлэг олж авах” бүлгийн 5–12-р догол мөрийг уншиж болох юм.
-
Та эдгээр зарчмын талаар юу мэдэх вэ?
-
Танд эдгээр зарчмын талаар ямар туршлага байдаг вэ?
-
Эдгээр зарчим таныг Христ дээр сууриа тавьж, сүнслэг салхи шуургыг сөрөн зогсоход ямар байдлаар тус болно гэж та бодож байна вэ?
Төгс эзэмших сургаалын судрын хэсэг
Жил бүр семинарт төгс эзэмших сургаалын судрын 24 хэсгийн судрын гол хэллэгүүдийг цээжлэхэд таныг уриалах болно.
Арван хоёр Төлөөлөгчийн Чуулгын ахлагч Ричард Г.Скотт (1928–2015) судруудыг цээжлэх талаар ийн заасан.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fbf%2Fed%2Fbfed52820cc4508c7448f0d94dfd6cab9f38ee5c%2Fbfed52820cc4508c7448f0d94dfd6cab9f38ee5c.jpeg/full/!250,/0/default)
ЗурагFinal official portrait of Elder Richard G. Scott of the Quorum of the Twelve Apostles, 2004. Passed away 22 September 2015.Судруудыг цээжлэх нь агуу хүчийг авчирдаг. Судрыг цээжилнэ гэдэг нь шинэ нөхөрлөл үүсгэж байгаатай адил. Энэ нь хэрэгцээтэй үед маань тусалж, тайтгаруулж, сүнсний нөлөөг өгч, өөрчлөлт хэрэгтэй үед урам дэм өгдөг шинэ танилтай болсонтой адил юм.
(Ричард Г.Скотт, “Судрын хүч,” Ensign эсвэл 2011 оны 10-р сарын Ерөнхий чуулган, 5)
-
Судрын төрөл бүрийн хэсгээс цээжлэх нь яагаад ашиг тустай гэж та бодож байна вэ?
-
Судруудыг цээжлэх нь Христ дээр сууриа тавьж, сүнслэг салхи шуургыг сөрөн зогсоход хэрхэн тус болно гэж та бодож байна вэ?
Төгс эзэмших сургаалын судрын 24 хэсэг ба Шинэ Гэрээний хичээлийн судрын гол хэллэгүүдийг хянахад хэдэн хором зарцуулаарай. Та Төгс эзэмших сургаалын аппликэйшныг эсвэл Төгс эзэмших сургаалыг судлах үндсэн материалыг ашиглаж болно. Мөн та өмнө нь сонгосон хэсгүүдэд зориулсан судрын гол хэллэг, эшлэлийг цээжилж эхэлж болох юм.
Тайлбар, нөхцөл байдлын талаарх мэдээлэл
Яагаад төгс эзэмших сургаал чухал вэ?
Арван хоёр Төлөөлөгчийн Чуулгын ерөнхийлөгч М.Рассэлл Баллард ийн заасан.
ЗурагOfficial portrait of President M. Russell Ballard of the Quorum of the Twelve Apostles, 2004.[Төгс эзэмших сургаал] нь суралцагчдыг Есүс Христэд итгэлтэй болгож, хүчирхэгжүүлэн, улмаар сайн мэдээг амьдралдаа дагаж, хэрэгжүүлэх ур чадварыг нэмэгдүүлэхэд төвлөрөх болно. Тэд судрыг болон бошиглогчдын үгсийг ашиглан сүнслэг мэдлэг олж авахаас гадна Христийн сайн мэдээг ойлгохын тулд Түүнд итгэх итгэлээр хэрхэн үйлдэхэд суралцана. Түүнчлэн тэдэнд өдөр бүр үе тэнгийнхнээсээ болон сошиал медиагаар сонсож, үзэж харж байгаа асуулт, асуудлуудыг шийдвэрлэхэд Христийн сургаал, сайн мэдээний зарчмыг хэрхэн ашиглаж болохоо мэдэж авах боломж олдоно.
М.Рассэлл Баллард, “21-р зуун дахь СБС-ийн багш нарын боломж ба үүрэг хариуцлага” [Ерөнхий эрх мэдэлтэнтэй хамт нэгэн үдэш, 2016 оны 2-р сарын 26], ChurchofJesusChrist.org)
Нэмэлт суралцах үйл ажиллагаа
Төгс эзэмших сургаалын сударт тэмдэглэгээ хийх үйл ажиллагаа
Төгс эзэмших сургаалын судрын хэсгүүдэд тэмдэглэгээ хийхэд суралцагчдад туслах үүднээс энэхүү үйл ажиллагааг явуулах талаар бодож үз. Энэ үйл ажиллагаанд ашиглах хэсгүүдийн тоог тодорхойлж, суралцагч бүрд нэг хэсгийг хуваарилж өг (хэд хэдэн суралцагчид ижил хэсгийг хуваарилж болно).
Суралцагчдад бэлтгэх цаг өгөөд, дараах зүйлсийг хийхэд урь. Үүнд: (1) ангийн өөр гишүүн дээр зочлох, (2) төгс эзэмших сургаалын судрын хэсгүүдээ өөр хоорондоо хуваалцах, (3) хэсгүүдэд тэмдэглэгээ хийх. Энэ үйл ажиллагааг хэд хэдэн удаа давт.
Уг үйл ажиллагаанд илүү олон хувилбар нэмэхийн тулд суралцагчдыг өөр хоорондоо танилцахад нь туслах асуултуудад хариулахад эсвэл энэ судрыг мэдсэнээр тустай байж болно гэж үзэж буй нөхцөл байдлын талаар хуваалцахад урихыг бод.
Төгс эзэмших сургаалын аппликэйшн
Төгс эзэмших сургаалын аппликэйшныг зөөврийн төхөөрөмж дээрээ татаж авахад суралцагчдад тусал. Суралцагчдад уг аппликэйшны талаар мэдлэгтэй болоход туслахад болон үйл ажиллагаануудын зарим дээр ажиллахад ангийн цагийг ашигла. Хичээлээс гадуур уг аппликэйшныг ашиглахыг суралцагчдад уриал.
Судруудыг цээжлэх
Суралцагчдыг өөрсдийгөө номлогч, эцэг эх болсноор эсвэл сайн мэдээний талаарх найзынхаа асуултад хариулж байгаагаар төсөөлөхөд урь. Судруудыг цээжлэх нь эдгээр нөхцөл байдалд тэдэнд ямар арга замаар тус болсон талаар хуваалцахыг суралцагчдаас хүс.