យ៉ូហាន ១៣

« ចូរស្រឡាញ់គ្នាទៅវិញទៅមក »

Jesus washing Peter’s feet. Outtakes show similar scenes.

បន្ទាប់ពីទទួលទានអាហារនៃបុណ្យរំលងហើយ ព្រះយេស៊ូវបានលាងជើងសិស្សរបស់ទ្រង់ ។ ទ្រង់បានបង្រៀនពួកគេអំពីការបម្រើ និងការស្រឡាញ់គ្នាទៅវិញទៅមក ។ មេរៀននេះអាចលើកទឹកចិត្តអ្នកឲ្យស្វែងរកសុភមង្គលតាមរយៈការបម្រើ និងការស្រឡាញ់អ្នកដទៃដូចព្រះយេស៊ូវបានធ្វើដែរ ។

ការលើកទឹកចិត្តឲ្យមានការឆ្លើយសំណួរទាំងនេះឲ្យបានច្រើន ។ សូមជៀសវាងពីនិន្នាការការឆ្លើយចម្លើយមានតែមួយចំពោះសំណួរនេះ ហើយបន្ទាប់មកបន្តមេរៀនទៀត ។ សូមអញ្ជើញសិស្សផ្សេងទៀតឲ្យឆ្លើយ ឬផ្ដល់មតិលើចម្លើយពីមុន ។ សូមស្វែងរកការណែនាំពីព្រះវិញ្ញាណ នៅពេលអ្នកអញ្ជើញសិស្សឲ្យចូលរួមក្នុងការពិភាក្សា ។

ការរៀបចំរបស់សិស្ស ៖ សូមអញ្ជើញសិស្សឲ្យស្វែងរកឱកាសមួយដើម្បីបម្រើ ឬបង្ហាញសេចក្ដីស្រឡាញ់ដូចព្រះគ្រីស្ទបានធ្វើចំពោះអ្នកដទៃ ។

សកម្មភាពរៀនសូត្រដែលអាចមាន

ការព្យាយាមប្រែក្លាយដូចព្រះយេស៊ូវ

សូមច្រៀង ឬអានទំនុកច្រៀងនៃបទ « ខ្ញុំព្យាយាមក្លាយដូចព្រះយេស៊ូវ » ( សៀវភៅចម្រៀងកុមារទំព័រ ៤០–៤១ ) ។ឬអ្នកអាចមើល « Music Video: I’m Trying to Be like Jesus—Emily Brown » ( ៣:១៨ ) ដែលមាននៅលើគេហទំព័រ ChurchofJesusChrist.org ។ នៅពេលអ្នកច្រៀង អាន ឬមើល សូមគិតអំពីហេតុផលដែលអ្នកចង់ព្យាយាមក្លាយដូចព្រះយេស៊ូវ ។

Music Video: I’m Trying to Be Like Jesus – Emily Brown

សូមពិចារណាអញ្ជើញសិស្សឲ្យចែកចាយគំនិត ឬអារម្មណ៍ដែលពួកគេមាន នៅពេលពួកគេច្រៀង ឬអានបទចម្រៀង ឬមើលវីដេអូ ។ សូមសួរសំណួរខាងក្រោមនេះ ដោយប្រើសំណួរទីមួយ ដើម្បីអញ្ជើញឲ្យមានការគិតពិចារណាពីខ្លួនឯងជាជាងការពិភាក្សា ។

• តើអ្នកព្យាយាមក្លាយដូចព្រះយេស៊ូវតាមរបៀបណាខ្លះ ?

• តើអ្នកបានឃើញភាពខុសគ្នាអ្វីខ្លះក្នុងជីវិតរបស់មនុស្ស ខណៈពេលដែលពួកគេបានព្យាយាមប្រែក្លាយដូចព្រះយេស៊ូវ ? ចុះក្នុងជីវិតរបស់អ្នកផ្ទាល់វិញ ?

នៅពេលអ្នកចូលរួមក្នុងមេរៀននេះ សូមយកចិត្តទុកដាក់លើការបំផុសគំនិតនៃព្រះវិញ្ញាណបរិសុទ្ធ ដែលអាចបំផុសគំនិតអ្នកឲ្យធ្វើតាមគំរូ និងការបង្រៀនរបស់ព្រះអង្គសង្គ្រោះបានកាន់តែប្រសើរឡើង ។

« ខ្ញុំបានធ្វើតម្រាប់ទុកឲ្យអ្នករាល់គ្នាហើយ »

សូមពិចារណាបង្ហាញរូបភាពនៅដើមមេរៀននេះ ដើម្បីជួយសិស្សឲ្យស្រមៃឃើញនូវអ្វីដែលកំពុងកើតឡើងនៅក្នុងដំណើររឿងព្រះគម្ពីរនេះ ។

នៅចុងបញ្ចប់នៃព្រះជន្មរបស់ព្រះអង្គសង្គ្រោះ ទ្រង់បានប្រមូលពួកសាវករបស់ទ្រង់មកជុំគ្នាដើម្បីទទួលទានអាហារនៃបុណ្យរំលងចុងក្រោយរបស់ទ្រង់ ។ ព្រឹត្តិការណ៍នៅល្ងាចនេះច្រើនតែហៅថា អាហារចុងក្រោយ ។

សូមអាន យ៉ូហាន ១៣:១–១១ ដោយរកមើលអ្វីដែលព្រះយេស៊ូវបានធ្វើបន្ទាប់ពីទ្រង់ និងសាវករបស់ទ្រង់បានទទួលទានអាហារនៃបុណ្យរំលងហើយនោះ ។

អ្នកនឹងមានឱកាសលើកឡើងអំពីព្រឹត្តិការណ៍ផ្សេងទៀតដែលបានកើតឡើងក្នុងអំឡុងពេលអាហារនៃបុណ្យរំលងក្នុងមេរៀនផ្សេងទៀតសម្រាប់សប្ដាហ៍នេះ ។

វាអាចមានគុណប្រយោជន៍ក្នុងការដឹងថា ក្នុងសម័យព្រះគម្ពីរសញ្ញាថ្មី ជាធម្មតាជើងរបស់មនុស្សសម័យនោះកខ្វក់ណាស់ដោយសារពាក់ស្បែកជើងផ្ទាត់ ហើយភាគច្រើនដើរលើផ្លូវកខ្វក់ ។ ការលាងជើងរបស់អ្នកដទៃជាធម្មតាត្រូវបានធ្វើឡើងដោយអ្នកបម្រើវណ្ណៈទាបបំផុត ។

• តើអ្នករៀនអ្វីខ្លះអំពីបុគ្គលិកលក្ខណៈរបស់ព្រះយេស៊ូវពីទង្វើរបស់ទ្រង់ក្នុងការលាងជើងរបស់ពួកសាវក ?

• តើអ្នកអាចមានអារម្មណ៍ ឬឆ្លើយតបយ៉ាងណា បើព្រះយេស៊ូវបានប្រទានឲ្យអ្នកនូវការបម្រើដ៏រាបទាបប្រភេទនេះ ?

តាមរយៈការលាងជើងរបស់ពួកសាវករបស់ទ្រង់ ព្រះអង្គសង្គ្រោះពុំគ្រាន់តែធ្វើការបម្រើដ៏ល្អមួយប៉ុណ្ណោះនោះទេ តែទ្រង់ក៏បានបង្កើតពិធីបរិសុទ្ធដ៏ពិសិដ្ឋមួយផងដែរ ( សូមមើល ប្រ៊ូស អ័រ ម៉ាក់ខន់ឃី Doctrinal New Testament Commentary [ ឆ្នាំ ១៩៦៥ ] ១:៧០៨–៩ ) ។ ពិធីបរិសុទ្ធនេះត្រូវបានស្តារឡើងវិញនៅក្នុងសម័យកាន់កាប់ត្រួតត្រារបស់យើងតាមរយៈព្យាការី យ៉ូសែប ស៊្មីធ ( សូមមើល គោលលទ្ធិ និង សេចក្ដីសញ្ញា ៨៨:៧៤–៧៥, ១៣៧–៤១ ; ពួកបរិសុទ្ធ ១:១៦៦ ) ។ ដោយសារវាជាពិធីបរិសុទ្ធដ៏ពិសិដ្ឋមួយដែលពួកព្យាការី និងសាវកកម្រលើកឡើងមកនិយាយណាស់ ដូច្នេះគ្រូបង្រៀនមិនគួរពិភាក្សាអំពីរបៀបដែលពិធីបរិសុទ្ធនេះត្រូវបានអនុវត្តក្នុងជំនាន់របស់យើងឡើយ ។ គ្រូ និងសិស្សមិនគួរចូលរួមក្នុងសកម្មភាពណាមួយដែលទាក់ទងនឹងការលាងជើងគ្នាទៅវិញទៅមកឡើយ ។ ផ្ទុយទៅវិញ សូមបញ្ជាក់អំពីគំរូដ៏អស្ចារ្យរបស់ព្រះអង្គសង្គ្រោះអំពីសេចក្ដីស្រឡាញ់ក្នុងការបម្រើពួកសិស្សរបស់ទ្រង់តាមរបៀបនេះ ។

សូមអាន យ៉ូហាន ១៣:១២–១៧ ដោយស្វែងរកមេរៀនដែលអ្នកអាចរៀនពីព្រះបន្ទូលរបស់ព្រះអង្គសង្គ្រោះ ។

• តើអ្នករៀនអ្វីខ្លះអំពីការបង្រៀនរបស់ព្រះអង្គសង្គ្រោះនៅក្នុងខគម្ពីរទាំងនេះ ?

• តើពេលណាដែលអ្នកទទួលបានសុភមង្គល តាមរយៈការធ្វើតាមគំរូនៃការបម្រើរបស់ព្រះយេស៊ូវ ?

ដើម្បីបង្ហាញពីសុភមង្គលដែលអាចកើតចេញពីការបម្រើអ្នកដទៃ សូមពិចារណាបញ្ចាំងវីដេអូមួយ ឬទាំងពីរ « When Ye Are in the Service—YW » ( ៣:០៧ ) និង « When Ye Are in the Service—YM » ( ៣:០២ ) ដែលមាននៅលើគេហទំព័រ ChurchofJesusChrist.org ។

« ចូរស្រឡាញ់គ្នាទៅវិញទៅមក »

បន្ទាប់ពីលាងជើងរបស់ពួកសាវកទ្រង់ហើយ នោះព្រះអង្គសង្គ្រោះបានឆ្លៀតពេលដើម្បីបង្រៀនពួកគេ ។ សូមអាន យ៉ូហាន ១៣:៣៤–៣៥ ដើម្បីស្វែងរកគោលលទ្ធិដ៏សំខាន់ដែលទ្រង់បានបង្រៀន ។

សូមជួយសិស្សឲ្យស្វែងរកសេចក្ដីពិតស្រដៀងគ្នានឹងសេចក្ដីពិតដូចតទៅនេះ ៖ ដើម្បីធ្វើជាសិស្សពិតរបស់ព្រះយេស៊ូវគ្រីស្ទ យើងត្រូវតែស្រឡាញ់គ្នាទៅវិញទៅមក ដូចទ្រង់ស្រឡាញ់យើង ។

សិស្សខ្លះអាចនឹងពិបាកនឹងស្រឡាញ់នរណាម្នាក់ដែលធ្វើឲ្យពួកគេឈឺចាប់ ។ សូមស្វែងរកការដឹកនាំពីព្រះវិញ្ញាណបរិសុទ្ធក្នុងការដឹងពីអ្វីដែលត្រូវធ្វើការសម្របសម្រួលដើម្បីជួយសិស្សឲ្យទទួលអារម្មណ៍ពីសេចក្ដីស្រឡាញ់របស់ព្រះយេស៊ូវគ្រីស្ទចំពោះពួកគេ និងចំពោះអ្នកដទៃ ។

• នៅពេលអ្នកអាន និងគិតអំពីខគម្ពីរទាំងនេះ តើអ្នកមានគំនិត អារម្មណ៍ ឬសំណួរអ្វីខ្លះ ?

សូមពិចារណាអញ្ជើញសិស្សឲ្យធ្វើសកម្មភាពខាងក្រោមនេះជាដៃគូ ឬជាក្រុមតូចៗ ។ សិស្សអាចបន្ថែមឧទាហរណ៍របស់ពួកគេទៅក្នុងបញ្ជីមួយនៅលើក្ដារខៀនបាន ។

សូមគិតអំពីដំណើររឿងព្រះគម្ពីរដែលព្រះអង្គសង្គ្រោះបានបង្ហាញសេចក្តីស្រឡាញ់ដល់អ្នកដទៃ ។

• តើព្រះយេស៊ូវគ្រីស្ទបានបង្ហាញសេចក្ដីស្រឡាញ់តាមរបៀបផ្សេងៗគ្នាចំពោះមនុស្សផ្សេងគ្នាយ៉ាងដូចម្ដេច ?

សូមចំណាយពេលខ្លះដើម្បីគិត និងសរសេរថាតើពេលណា និងរបៀបណា ដែលអ្នកទទួលអារម្មណ៍នៃសេចក្ដីស្រឡាញ់របស់ព្រះយេស៊ូវចំពោះអ្នក ។ សូមពិចារណាពីការនៅឲ្យស្ងៀម ហើយទូលសូមព្រះវរបិតាសួគ៌ជួយអ្នកឲ្យស្គាល់គ្រាទាំងនេះ ។

• តើការទទួលស្គាល់ និងទទួលអារម្មណ៍នៃស្រឡាញ់របស់ព្រះអង្គសង្គ្រោះចំពោះអ្នកមានឥទ្ធិពលលើបំណងប្រាថ្នារបស់អ្នកក្នុងការបង្ហាញសេចក្ដីស្រឡាញ់ដល់អ្នកដទៃយ៉ាងដូចម្ដេច ?

សិស្សខ្លះអាចនឹងពិបាកគិតឃើញអំពីរបៀបដែលព្រះអង្គសង្គ្រោះបង្ហាញសេចក្ដីស្រឡាញ់ចំពោះពួកគេតាមរបៀបផ្ទាល់ខ្លួន ។ សូមពិចារណាអំពីការចែកចាយឧទាហរណ៍អំពីរបៀបដែលទ្រង់បង្ហាញសេចក្ដីស្រឡាញ់ ដូចជាការប្រទានការអត់ទោសឲ្យ ការជួយពួកគេឲ្យឃើញពីតម្លៃរបស់ពួកគេ ឬឲ្យពួកគេដឹងថាទ្រង់យល់ពីអ្វីដែលពួកគេកំពុងឆ្លងកាត់ ។ សូមពិចារណាធ្វើការចែកចាយបទពិសោធន៍ផ្ទាល់ខ្លួន ដើម្បីជួយសិស្សឲ្យឃើញថា ទ្រង់នៅតែបន្តបង្ហាញសេចក្តីសប្បុរសដូចគ្នានេះចំពោះយើង ដូចនឹងអ្វីដែលទ្រង់បានធ្វើនៅក្នុងដំណើររឿងក្នុងព្រះគម្ពីរនានាដែរ ។ វាក៏អាចមានប្រយោជន៍ផងដែរក្នុងការចាក់បញ្ចាំងសារអែលឌើរ ឌៀថើរ អេហ្វ អុជដូហ្វ នៅក្នុងវីដេអូ « I ‘Hear Him’ by Feeling His Love for Me » ( ២:០១ ) ដែលមាននៅលើគេហទំព័រ ChurchofJesusChrist.org ។

សូមដឹងថាមេរៀន « វាយតម្លៃការរៀនសូត្ររបស់អ្នក » បន្ទាប់ទៀតនេះនឹងតាមដានពីផែនការនេះ ។ ប្រសិនបើការកែតម្រូវត្រូវបានធ្វើឡើងនៅទីនេះ ត្រូវប្រាកដថាកែតម្រូវមេរៀន « វាយតម្លៃការរៀនសូត្ររបស់អ្នក » ស្របតាមការគួរ ។

សូមធ្វើផែនការអំពីរបៀបដែលអ្នកអាចធ្វើតាមគំរូរបស់ព្រះអង្គសង្គ្រោះ ដើម្បីស្រឡាញ់ និងបម្រើអ្នកដទៃ ក៏ដូចជានៅពេលដែលអ្នកចង់ធ្វើវាផងដែរ ។ គំនិតខាងក្រោមអាចមានប្រយោជន៍ក្នុងការគិតនៅពេលអ្នករៀបចំផែនការ ។

• សូមធ្វើអ្វីមួយនៅថ្ងៃនេះសម្រាប់សមាជិកគ្រួសារ មិត្តភក្តិ ឬនរណាម្នាក់នៅក្នុងសហគមន៍ ។

• សូមធ្វើអ្វីមួយដើម្បីបង្ហាញសេចក្តីស្រឡាញ់ និងសេចក្តីសប្បុរសចំពោះនរណាម្នាក់ដែលខុសពីអ្នក ឬសូម្បីតែចំពោះនរណាម្នាក់ដែលអ្នកពិបាកក្នុងការចុះសម្រុងគ្នាកាលពីអតីតកាលក្តី ។

• សូមស្វែងរកនរណាម្នាក់ដែលអ្នកចាប់អារម្មណ៍ ដើម្បីបង្ហាញសេចក្ដីស្រឡាញ់ ឬការគោរពកាន់តែខ្លាំង ។

• សូមពិចារណាពីរបៀបដែលអ្នកអាចអញ្ជើញសេចក្តីស្រឡាញ់របស់ព្រះអង្គសង្គ្រោះមកក្នុងកិច្ចខិតខំប្រឹងប្រែងរបស់អ្នក ។

វិចារណកថា និង ព័ត៌មានសាច់រឿង

យ៉ូហាន ១៣:២៦ ។ តើជ្រលក់ចំណិតនំបុ័ងមានន័យដូចម្ដេច ?

« ជ្រលក់ចំណិតនំបុ័ង » ដែលពិពណ៌នានៅក្នុង យ៉ូហាន ១៣:២៦ គឺជានំប៉័ងមួយដុំតូច ដែលអាហារទាំងនោះនឹងប្រើដើម្បីកៀរសម្លរ និងសាច់ពីចាន ។ ដោយសារវាជាកាយវិការនៃសេចក្តីសប្បុរស និងការគោរពចំពោះម្ចាស់ផ្ទះក្នុងការជ្រលក់ចំណិតនំបុ័ងមួយ រួចហើយជូនវាដល់ភ្ញៀវដែលមកស្រស់ស្រូបអាហារពេលល្ងាច ព្រះអង្គសង្គ្រោះបានធ្វើទង្វើបែបនេះបង្ហាញ យូដាស ជាមួយនឹងការផ្តល់ជូននូវមិត្តភាព ដែលវាប្រហែលជាឱកាសចុងក្រោយមួយសម្រាប់គាត់ក្នុងការបោះបង់ចោលផែនការការក្បត់របស់គាត់ ។

តើយើងអាចជួយអ្នកដទៃឲ្យទទួលអារម្មណ៍នៃក្ដីស្រឡាញ់របស់ព្រះយេស៊ូវគ្រីស្ទ តាមរយៈការបម្រើរបស់យើងចំពោះពួកគេដោយរបៀបណា ?

ប្រធាន ហិនរី ប៊ី អាវរិង បានចែកចាយដំណើររឿងដូចតទៅ ៖

Official Portrait of President Henry B. Eyring taken March 2018.

ខ្ញុំត្រូវបានចាត់ឲ្យមើលខុសត្រូវការប្រជុំសាក្រាម៉ង់នៅមជ្ឈមណ្ឌលចាស់ជរាមួយ ។ ខ្ញុំត្រូវបានស្នើសុំឲ្យចែកសាក្រាម៉ង់ ។ ជំនួសឲ្យការគិតពីដំណើរការ ឬរបៀបចែកសាក្រាម៉ង់ ខ្ញុំបានមើលទៅផ្ទៃមុខមនុស្សចាស់ជរាម្នាក់ៗ ។ ខ្ញុំបានឃើញពួកគាត់ជាច្រើននាក់សម្រក់ទឹកភ្នែក ។ មានស្ត្រីម្នាក់បានចាប់ដៃអាវខ្ញុំ ហើយងើយមើលមុខខ្ញុំដោយពោលឮៗថា « អរគុណ អរគុណចៅខ្លាំងណាស់ » ។

ព្រះអម្ចាស់បានប្រទានពរដល់ការបម្រើដែលបានផ្ដល់ឲ្យនៅក្នុងព្រះនាមរបស់ទ្រង់ ។ នៅថ្ងៃនោះ ខ្ញុំបានអធិស្ឋានសូមឲ្យមានអព្ភូតហេតុបែបនោះកើតឡើង ជំនួសឲ្យការអធិស្ឋានសូមឲ្យខ្ញុំធ្វើផ្នែកខ្ញុំឲ្យបានល្អ ។ ខ្ញុំបានអធិស្ឋានសូមឲ្យមនុស្សចាស់ទាំងនោះបានទទួលអារម្មណ៍នៃសេចក្ដីស្រឡាញ់របស់ព្រះអម្ចាស់ តាមរយៈការបម្រើពេញដោយក្តីស្រឡាញ់របស់ខ្ញុំ ។ ខ្ញុំបានរៀនថា នេះគឺជាគន្លឹះទៅកាន់ការបម្រើ និងការផ្ដល់ពរជ័យដល់មនុស្សដទៃនៅក្នុងព្រះនាមរបស់ទ្រង់ ។

( ហិនរី ប៊ី អាវរិង « Bless in His Name » Liahona ខែ ឧសភា ឆ្នាំ ២០២១ ទំព័រ ៦៨–៦៩ )

សកម្មភាពរៀនសូត្របន្ថែម

ជម្រើសក្នុងការចាប់ផ្តើមមេរៀន

សូមគូរដ្យាក្រាមខាងក្រោមនៅលើក្ដារខៀន ៖

A line with arrows marked with the words “How Happy am I?”

សូមអានសំណួរដូចខាងក្រោមនេះឮៗ ហើយអញ្ជើញសិស្សឲ្យសញ្ជឹងគិតអំពីចម្លើយរបស់ពួកគេ ( សូមពន្យល់ថា ពួកគេពុំចាំបាច់ត្រូវឆ្លើយឮៗទេ ) ៖

តើអ្នកនឹងដាក់ខ្លួនរបស់អ្នកនៅកន្លែងណានៅលើរង្វាស់ទំហំនេះ ?

តើអ្នកចង់រីករាយជាងក្នុងពេលឥឡូវនេះឬទេ ?

តើអ្នកចង់ជួយអ្នកណាឲ្យកាន់តែមានសុភមង្គល ?

នៅពេលសិស្សសិក្សា យ៉ូហាន ១៣ សូមអញ្ជើញពួកគេឲ្យរកមើលគោលការណ៍ដែលនឹងជួយពួកគេឲ្យដឹងពីអ្វីដែលពួកគេអាចធ្វើដើម្បីមានសុភមង្គលជាងនេះ ។

តើអ្នកអាចបង្ហាញថា អ្នកជាគ្រីស្ទានដោយរបៀបណា ?

នៅខាងដើមនៃផ្នែក « ស្រឡាញ់គ្នាទៅវិញទៅមក » សកម្មភាពដូចខាងក្រោមអាចជួយសិស្សឲ្យចូលរួមក្នុងមេរៀនឡើងវិញ ៖

សូមសួរដល់សិស្សប្រសិនបើមាននរណាម្នាក់ធ្លាប់ចោទប្រកាន់ពួកគេថាមិនប្រព្រឹត្តដូចជាគ្រីស្ទាន ឬសិស្សពិតរបស់ព្រះយេស៊ូវគ្រីស្ទ ដោយសារតែពួកគេជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយឬទេ ។ ប្រសិនបើសិស្សណាម្នាក់ធ្លាប់ សូមសួរពីរបៀបដែលពួកគេឆ្លើយតបចំពោះស្ថានភាពនោះ ។ សូមអញ្ជើញសិស្សឲ្យពិភាក្សាអំពីសំណួរខាងក្រោមនេះ ៖

តើអ្នកនឹងឆ្លើយតបយ៉ាងដូចម្ដេច ប្រសិនបើនរណាម្នាក់ប្រាប់អ្នកថា អ្នកពុំមែនជាគ្រីស្ទាននោះ ?

តើមានវិធីអ្វីខ្លះដែលអ្នកអាចបង្ហាញថា អ្នកជាអ្នកដើរតាមព្រះយេស៊ូវគ្រីស្ទ ?

យ៉ូហាន ១៣:៣៥ ។ « គេនឹងដឹងថាអ្នករាល់គ្នាជាសិស្សរបស់ខ្ញុំ ដោយសារសេចក្ដីនេះឯង »

សូមពិចារណាសេចក្ដីពិតនៅក្នុង យ៉ូហាន ១៣:៣៤ ដែលថា នៅពេលយើងស្រឡាញ់គ្នាទៅវិញទៅមក ដូចដែលព្រះយេស៊ូវគ្រីស្ទស្រឡាញ់យើង នោះមនុស្សដទៃទៀតនឹងស្គាល់ថាយើងគឺសិស្សរបស់ទ្រង់ ។

ដើម្បីបង្ហាញពីសេចក្ដីពិតនេះ សូមចែកចាយដំណើររឿងខាងក្រោម ដែលលើកឡើងដោយអែលឌើរ ប៉ុល អ៊ី ខូឡែកឃើរ ក្នុងអំឡុងពេលគាត់បម្រើជាសមាជិកនៃពួកចិតសិបនាក់ ៖

Final official portrait of Elder Paul E. Koelliker of the First Quorum of the Seventy, 2005. Granted emeritus status at the October 2013 general conference.

ពួកអ្នកផ្សព្វផ្សាយសាសនាវ័យក្មេងពីរនាក់បានគោះទ្វារផ្ទះមួយ ដោយសង្ឃឹមថាបានជួបនរណាម្នាក់ ដែលនឹងទទួលយកសារលិខិតរបស់ពួកគេ ។ ទ្វារបានបើក ហើយបុរសមាឌធំម្នាក់បានទទួលពួកគេ ដោយសំឡេងដែលមិនសូវរួសរាយប៉ុន្មានទេ ៖ « ខ្ញុំគិតថា ខ្ញុំបានប្រាប់ពួកលោកហើយថា កុំឲ្យគោះទ្វារខ្ញុំទៀត ។ ខ្ញុំបានព្រមានពួកលោកលើកមុនហើយថា បើពួកលោកមកម្ដងទៀត ពួកលោកនឹងជួបបទពិសោធន៍មិនជាទីពេញចិត្តហើយ ។ ថយចេញទៅ » ។ គាត់បានបិទទ្វារយ៉ាងលឿន ។

ពេលដែលពួកអែលឌើរបានដើរចេញ នោះអ្នកផ្សព្វផ្សាយសាសនាដែលចេញបម្រើយូរជាង ហើយមានបទពិសោធន៍ច្រើនជាងបានដាក់ដៃលើស្មាអ្នកផ្សព្វផ្សាយសាសនា ដែលទើបមកថ្មីដើម្បីលួងលោម និងលើកទឹកចិត្តគាត់ ។ ពួកអ្នកផ្សព្វផ្សាយសាសនាមិនបានដឹងទេថា បុរសនោះបានមើលពួកគេតាមមាត់បង្អួច ដើម្បីបញ្ជាក់ថា ពួកគេយល់អំពីសាររបស់គាត់ ។ គាត់ពិតជារំពឹងថា នឹងឃើញពួកគេចំអកដល់ការឆ្លើយតបដ៏គំរោះគំរើយរបស់គាត់ ពេលពួកគេព្យាយាមជួបជាមួយគាត់ ។ ទោះជាយ៉ាងណា ពេលគាត់បានឃើញអ្នកផ្សព្វផ្សាយសាសនាទាំងពីររូប ដែលបានបង្ហាញចិត្តសប្បុរសចំពោះគ្នា នោះដួងចិត្តរបស់គាត់ត្រូវបានបន្ទន់មួយរំពេច ។ គាត់បានបើកទ្វារ ហើយហៅពួកអ្នកផ្សព្វផ្សាយសាសនាឲ្យត្រឡប់មកវិញ និងចែកចាយសារលិខិតរបស់ពួកគេជាមួយគាត់ ។

… គោលការណ៍នៃការមានសេចក្ដីស្រឡាញ់ចំពោះគ្នាទៅវិញទៅមក និងការអភិវឌ្ឍសមត្ថភាពយើងដើម្បីផ្តោតទៅលើព្រះគ្រីស្ទ ទាក់ទងនឹងរបៀបដែលយើងគិត និយាយ និងធ្វើ គឺជាគ្រឹះដើម្បីក្លាយជាសិស្សរបស់ព្រះគ្រីស្ទ ។

( ប៉ុល អ៊ី ខូឡែកឃើរ « He Truly Loves Us » Ensign ឬ Liahona ខែ ឧសភា ឆ្នាំ ២០១២ ទំព័រ ១៧ )

សូមអញ្ជើញសិស្សឲ្យពិចារណាអំពីមូលហេតុដែលប្រតិកម្មរបស់ពួកអ្នកផ្សព្វផ្សាយសាសនាពីររូបនេះបានធ្វើឲ្យមានឥទ្ធិពលលើបុរសរូបនោះ ។